# Parang iek rup cih menuk angan “Dậu Dome” uan raok Tết thun anek sak manuk Đinh Dậu 2017 birau peih tabiak di Pasak pablei salih Hàng Da- Hà Nội. “Dậu Dome” hu 60 blah rup cih di 24 urang cih. Bruk ini brei ka urang mai maong iek hu thautal thaok binguk anek manuk dalam raidiuk, tui akaok sahaneng di urang Việt, meng lac menuk raong tal menuk paling yang, saong lac sa dalam dom janih raong hu urang Viet anit ranam hu cih tame thaot binguk bhap bini.

          # Hadei di jaik sa thun sap pagap, baoh tapuk “Trường thơ Hải Phòng” birau hu tabiak mbaok. Baoh tapuk ini kapal labaih 300 blah, palih ruah ariya di 23 urang cauh ariya kuhria meng tuk Hải Phòng mesruh metak (19/11/1946) mbaih tal dom thun 90 di abap 20. “Trường thơ Hải Phòng”, tui urang cuah ariya Nguyễn Thụy Kha, nan lac ariya tui urang nao gaiy gilai di ban Hai Phong, ngak jeng sa janih ariya biak karei, hu jeng dom siam gheih karei.

# Harei pagaiy 16/1, huyện bhum ceik A Lưới, tỉnh Thừa Thiên - Huế peih bruk taduan angan Inem krung ilamu phi vat thể pakat negar ka bruk menyim Zèng. Ini lac bruk ngak meng kan mai di urang kumei Tà Ôi hu mikva khik ramik meng kan mai.  Hadei di tukvak suai lavik bruk ngak ini daok lahik nao, jaik 10 thun ini mai, huyen A Lưới hu pasaim veik bruk menyim Zèng, gam daong mikva khik ramik ilamu meng kan, gam ba bruk ngak mbang tani tanat.

# Hiệp hội Mỹ nghệ kim hoàn đá quý Ban raya Ho Chi Minh peih bruk taduan angan Nghệ nhân ưu tú gah mỷ nghệ kim hoàn ka dom urang hoi. Dalam 6 urang hu pok brei angan, nghệ nhân umo thun praong abih lac Nguyễn Quang Kiệt labaih 80 thun daok di Q3 bhian ngak sarak, nan lac bruk ngak daok lahik nao. Ban raya hu labaih 1 ribau 600 urang hoi ngan saong labaih 3 ribau 500 daonh nghiep pablei salih ameh saong patau quý.

      # Thành Đoàn ban raya Hồ Chí Minh birau peih ngak danak dak “Mùa xuân biển đảo” di Căn cứ quân sự Cam Ranh, tỉnh Khánh Hòa ba mai rilo bui sambai uan raok thun birau. Harei pataom nan hu peih ngak di rilo labik karei di gauk dalam  Căn cứ quân sự Cam Ranh ngan saong rilo bruk ngak ndung bak talei jum pataom di bhap bini saong urang jakar, urang lin saong urang đoàn dam dara yau: papaok ahar pei nung, daoh tamia, alin hadiah pandap Tet, brei jien bac ka 50 anek kamuan urang jakar, urang lin hu raidiuk kan kandah./.