# Dalam tuk taneh ia daok pahadar 70 thun harei Toàn quốc kháng chiến (19/12/1946 - 19/12/2016), ban  Hà Nội hu peih ngak rilo bruk pahadar biak hu makna dalam tuk ini yau ye : bruk pahadar pakat negar 70 thun Harei Toàn quốc kháng chiến di pasak Hội nghị Quốc gia ; dom bruk thau dhar – thau phor yau ye taom gaok dom urang lin saong thanh niên xung phong hu mbaok tapak tame bruk mesruh taong Prang, taom gaok urang dalam sang sarak karja…Rilo bruk ilamu, daoh tamia, thể dục thể thao yau patabiak baoh tapuk tài liệu: "Ban ine Hà Nội dane miat bruk “Quyết tử để Tổ quốc quyết sinh"; ngak phim tư liệu: "Hà Nội brok tagok"; Dom bruk pakacah duah thau ka 70 thun harei toàn quốc kháng chiến; Chiếu phim pamơrơ bhap bini ban ine di 30 quận, huyện, ban sit ka sajarah di hadah hadai di 70 thun Toàn quốc kháng chiến.

      # Di Hà Nội, pahadar 65 thun harei Wa Hồ payua thư ka dom họa sĩ, 70 thun Harei Toàn quốc kháng chiến, Kalup Kapul paneh kadha ka Cách mạng saong Khik caga taneh ia - Hội Mỹ thuật Việt Nam peih parang iek mỹ thuật “Dom canah jalan kháng chiến”.   61 kadha di 59 tác giả ngan saong dom thể loại hội họa, đồ họa, điêu khắc... hu brei mboh rup binguk di bol bala saong bhap bini drei dalam dua mbang mesruh pacang kol thực dân Pháp saong đế quốc Mỹ, meblah độc lập bangsa saong yasa taneh ia.  Ini lac dom kadha ngak brei pabak jang bộ sưu tập mỹ thuật paneh ka gah tapon nyom bol pan phao kraong saong chiến tranh cách mạng.

      #Sang bac Đại học Văn hóa ban raya Hồ Chí Minh bahrau peih danak dak “Par tapa Biển Đông”, danak daoh tamia pambuak dua asal kadha lac “Thanh nhạc” saong  “Padang ngak danak dak daoh tamia” kayua sinh viên di sang bac padang ngak saong parang me-in.  Danak dak ini jeng lac asal kadha tamat bruk bac di dua môn bac Thanh nhạc saong Padang ngak danak dak daoh tamia. Hadei di danak dak parang me-in di sang bac, danak dak hu parang me-in veik di Pasak  Ilamu-Brei thau huyện Ninh Hải, tỉnh Ninh Thuận pamơrơ bhap bini, salam uan bruk pahadar 72 thun harei padang Bol bala bhap bini Việt Nam  (22.12.1944 - 22.12.2016).

      #Meng harei 20.12 -2016  tal abih harei 25.2.2017, Nhà hát Nghệ thuật đương đại Việt Nam brei 34 nghệ sĩ kayua Nghệ sĩ nhân dân  Trần Bình dang akaok nao parang me-in di dom huyện bhum atah bayah di tỉnh Cao Bằng (Quảng Quyên, Trà Lĩnh, Nguyên Bình). Danak dak parang me-in brei maong saoh saong dahlau dom mbang parang me-in, Nhà hát jeng hu alin yaok labik parang me-in 100 blah ao li-an brei ka anek saih. Tui kuhria, meng ini tal tết Dương lịch, Nhà hát daok hu parang me-in pamơrơ bhap bini dom tỉnh, ban: Hà Nam, Hải Phòng saong dom huyện bhum atah bayah di dom tỉnh, ban nan.

       # Di Hà Nội, Hội Dân tộc học saong Nhân học Việt Nam, Viện Dân tộc học, Viện Roh duah ilamu, Miuyim Nguyễn Văn Huyên saong Jabat UNESCO di Việt Nam hu peih Ginum biai “Dom pren khang ilamu ka patagok khang kajap: Lý luận, thực tiễn saong dom sarak”. Ginum biai pataom tame dom bruk praong di ilamu saong labik dang lac sa pren khang ka patagok khang kajap yau ye: inem krung ilamu dalam patagok khang kajap, adat cambat saong rija meng kan dalam cakrok khang kajap; dom thiết chế văn hóa meng kan saong cakrok khang kajap; … Jeng dalam mbang ginum biai ini, daok hu parang iek ka ilamu di dom bangsa takik di Việt Nam, pambuak saong dom danak dak parang me-in ragu ragam bangsa kayua dom urang lambaok ka dom bangsa takik peih ngak.

# Harei pataom sap daoh “Daok miat haong thun bilan” tỉnh Bình Thuận, tui jalan daoh sa drei, hu rah tabiak meng harei 26 tal harei 31/12 di Pasak ilamu tỉnh. Harei pataom lac sa bruk ngak piah pambuak dom urang praong thun hu hatai takre daoh yau gauk, ngak jeng sa labik me-in nghệ thuật, pachreih bruk daoh takơ tapa dom janih nhạc yau nhạc nhẹ, tiền chiến, tình khúc Bolero, thính phòng…. Harei pataom hu peih tabiak dalam  2 vòng: vòng loại  saong vòng chung kết; hu parabha jeng 2 bảng tui umo thun ka dom urang tame pakacah: Bảng A ka dom urang umo meng 35 tal 50 thun (ndih tapui thun 1981 -1966) saong bảng B ka urang meng 51 thun tagok (ndih tapui meng thun 1965 nao)./.