1./ Harei Ilamu dom bangsa Việt Nam thun ini hu peih tabiak ngak meng harei 19-23/4 di palei Ilamu – Du lịch dom bangsa Việt Nam (Đồng Mô, Sơn Tây, Hà Nội) ngan saong kadha "Ragu ragam meng ceik glai".Angan ieu di Harei ilamu dom bangsa Việt Nam thun ini hu daong pok meyaom dom janih alat ragam di bhap bini dom bangsa hu ngak meng dom janih yau kreim, la-a... Harei Ilamu dom bangsa Việt Nam thun ini hu mbaok dom taha palei, dom nghệ nhân, bhap bini di 8 bangsa lac Mường, Thái, Khơ Mú, Dao, Tày, Ê Đê, Tà Ôi, Khmer; dom gah peih ngak, dom urang duah pataom dom alat ragam meng kreim la-a di dom bangsa H’rê, Gia Rai, Thái, Cơ Tu.

2./  Sở Thông tin - Truyền thông tỉnh Lâm Đồng bahrau peih parang iek “Hoàng Sa, Trường Sa di Việt Nam – dom kadha meng sajarah saong meng adat hukum”. Ini lac mbang camereip bhap bini, anek saih, urang jakar, urang lin … di huyện bhum atah Cát Tiên hu maong iek dom thư tịch cổ, bản đồ, tư liệu sajarah .. brei mboh quyền ngak pô di Việt Nam ngan saong 2 quần đảo Hoàng Sa - Trường Sa.  Parang iek jeng brei mboh bruk khang hatai đấu tranh meng dom jalan hòa bình di karja drei brei mboh quyền ngak pô 2 quần đảo ni. 

3./ Di tỉnh Bình Dương hu rah tabiak var taom gaok, ndom biai nao mai di nghệ nhân Đờn ca tài tử Nam bộ di 21 tỉnh, ban. Hu mbaok tame danak dak, hu dom urang lambaok ka dom Sở, ban, ngành dalam tỉnh Bình Dương saong jaik 100 nghệ nhân Đờn ca tài tử mai meng dom tỉnh. Var taom gaok nan, daok dalam dom bruk di danak dak Festival Đờn ca tài tử mbang ka II - Bình Dương thun 2017. Tapa nan, 71 nghệ nhân ưu tú Đờn ca tài tử di dom tỉnh, thành gah meraong hu pok meyaom. 

4./ Di ban raya Hồ Chí Minh, Liên hiệp các tổ chức hữu nghị ban raya Hồ Chí Minh pambuak saong Thành hội Phật giáo ban raya Hồ Chí Minh bahrau peih danak dak uan raok Tết  di Campuchia – Lào – Myanmar – Thái Lan.  Tapa nan brei mboh dom adat cambat meng kan mai di taneh ia Campuchia, Lào, Myanmar saong Thái Lan dalam dom harei raok Tết, nan lac adat: pamenei ia ka Phật, tadhau ayuh kak merai di tangin, thaik ia ba mai bui sambai, chreih chrai ka sa thun bahrau hu siam mekre. Lingiu di nan daok hu danak dak daoh tamia, yaih khan ilamu mbang huak meng kan di dom taneh ia Lào, Thái Lan, Campuchia. 

          5./Piah daong ka bhap bini bui sambai tuk raok thun bahrau Chôl Chnăm Thmây di bhap bini Khmer, di baha Soài So, xã Núi Tô, huyện Tri Tôn, Sở Ilamu- Thể thao saong Du lịch tỉnh An Giang hu peih Harei pataom ilamu, Thể thao saong Du lịch bhap bini Khmer tỉnh An Giang mbang ka XI. Lac labik hu urang Khmer labaih 80.000 menuac, Harei pataom hu ndung bak ilamu bangsa. Harei pataom hu rilo bruk yau: daoh tamia, pakacah thể thao; dom kadha me-in meng kan di bhap bini, ilamu mbang huak di urang Khmer…

6./ Di baha Cái Giá Giữa, xã Hưng Hội, huyện Vĩnh Lợi, tỉnh Bạc Liêu hu rah tabiak danak dak Bui sambai uan raok Chôl Chnăm Thmây di bhap bini Khmer thun 2017. Tapa nan, Ban tổ chức hu brei 2.000 pok pandap ka baoh sang sarak karja, baoh sang urang Khmer; brei 200 pok pandap ka anek saih urang bangsa Khmer kan kandah bac da-a naih joi, pok meyaom 10 học sinh Sang bac Phổ thông bangsa nội trú; alin 14 baoh sang anit ranam ka urang Khmer kan kandah ka sang daok, daong jien ka 40 baoh sang hu taduan đỡ đầu thun 2017./.