Khaw tin ilimo 10-7

           # harei pataom Ilamu, Padhih saong Du lịch bhap bini Chăm thun 2016 hu peih tabiak di  huyện An Phú tỉnh An Giang, meng harei15 tal harei 17.7. Ngan saong kadha: Khik ramik, patagok ilamu bangsa Chăm dalam bruk patagok khang kajap taneh ia, 11 tỉnh, ban hu mbaok tame harei pataom ini, hu: Đà Nẵng, Quảng Nam, Bình Định, Phú Yên, Ninh Thuận, Bình Thuận, Đồng Nai, Tây Ninh, Bình Phước, An Giang, ban raya  Hồ Chí Minh.  Harei pataom oh lac sa bruk ilamu praong bo daok lac tuk piah pok meyaom, yaih khan dom yaom glaong meng kan di bhap bini Chăm; brei mboh bruk sangka di Đảng, Karja dalam bruk khik ramik, patagok ilamu di urang Chăm dalam tuk mbeik drei tame.

       # Di ban raya Hồ Chí Minh,  Cục Mỹ thuật, Thaot binguk  saong Parang iek, Mintri Ilamu Padhih Du lịch peih “Ginum biai Nghị định ka bruk parang iek”, hu mbaok 16 labik lambaok Sở Ilamu padhih Du lịch, mBan Tuyên giáo, Pasak ilami… dom tỉnh, ban gah meraong. Dự thảo nghị định hu 5 chương, 23 paka, dalam nan hu dom quy định ka asal kadha, jalan ngak saong adat likau peih parang iek…Rilo panuac rik tame hu tabiak meng bruk anak meta di puk palei hu urang ba tabiak. Dom panuac nan hu daong ka mBan soạn thảo, kapul urang ngak dự thảo hu thau cambaih jang bruk di puk palei, daong ngak pasiam dự thảo dalam tukvak anak tal.

         #   Thông tấn xã Việt Nam, Hội Nghệ sĩ Nhiếp ảnh Việt Nam pambuak bruk peih Giải Ảnh báo chí “Khoảnh khắc vàng” mbang ka 4. Giải mbang ini lac labik ka dom nhà báo, urang thaot binguk brei mboh meta maong dalam bruk brei thau abih janih gah chính trị, kinh tế, ilamu - xã hội, dom bruk dom kadha di taneh ia di angaok dom jalan nao ngak bruk. Dom blah rup thaot payua tame pakacah lac ảnh đơn atau nhóm, hu thaot meng bilan 9.2015 tal harei 31.8.2016. Rup thaot oh ka hu pandar atau hu pandar di taong abih dom bruk pathau khan dalam taneh ia. Tukvak taduan dom rup thaot payua mai pakacah meng harei peih tabiak tal abih harei 31.8.2016.

            #  Bruk pakacah vak phóng sự- ký sự “Đà Nẵng - dấu ấn 20 thun salih bharau” kayua Báo Đà Nẵng dang tabiak ngak hu peih tabiak. Tukvak taduan kadha vak payua tame pakacah meng harei 1.7 tal abih harei 31.12.2016 saong hu jao giải di bilan 1.2017. Tui thể lệ, dom kadha vak pakacah lac phóng sự, ký sự di báo in (oh taduan phóng sự , ký sự di báo hình, báo ndom saong báo điện tử). Kadha vak meng 1.500 tal 2.500 akhar, hu takik di abih 3 blah rup thaot gam tui. Tui kuhria,  giải thưởng hu: Giải nhất yaom 20 triệu đồng, giải nhì 15 triệu đồng, giải klau 10 triệu đồng saong giải khuyến khích 5 triệu đồng.

           # Dalam tuk pahadar  20 thun padang talei pambuak bruk ngoại giao di Ai-len saong Việt Nam, parang iek rup thaot “Việt Nam 40 thun” di nhiếp ảnh gia urang Ai-len Ian Thuiler bahrau peih tabiak di Miuyim Ilamu bhap bini Hội An. Parang iek parang tabiak 12 blah rup thaot ka lingik tasik gheih mekre saong anek menuac Việt Nam siam hatung hatian hu nhiếp ảnh gia Ian Thuiler thaot veik dalam mbang nao duah thau taneh ia Việt Nam meng Hà Nội tal ban raya Hồ Chí Minh dalam 3 bilan tapa.

          #  Liên minh Hợp tác xã Bình Thuận bahrau peih bruk pahadar harei Hợp tác xã dunya mbang ka 94 saong pataom iek veik, jao giải bruk pakacah “Duah thau Hukum Hợp tác xã thun 2012, dom mô hình hợp tác xã kiểu bahrau”.  Tapa 1 bilan peih tabiak, mBan Tổ chức taduan hu 515kadha vak payua mai pakacah. Tapa nan, mBan Tổ chức hu jao 6 giải tập thể saong 11 urang hu kadha vak gheih di abih.