Khaw tin ilimo
                                                                     

   # Parang iek mỹ thuật “Netsuke – ilamu sarak kayau Nhật Bản đương đại” hu rah tabiak meng harei 26.1 - 15.3 di pasak taom gaok ilimo Nhật Bản Hà Nội dalam tuk pahadar 45 thun pambuak bruk ngoại giao Việt Nam - Nhật Bản. Parang iek yaih khan 65 tác phẩm netsuke di 64 nghệ nhân naih gheih gah sarak kayau đương đại di Nhật Bản. Hu thau, netsuke lac sa janih nút kak khang akaok talei, hu pandar rilo di rai Edo (1603-1868), piah khik ka dom pandap pandar yau ye kadung jien, kadung buh pakao… oh laik tabiak truh đai kimono.

  # Uan  Tết Nguyên đán Mậu Tuất 2018 saong salam uan 88 thun harei padang Đảng Cộng sản Việt Nam, Pasak khik inem krung Thăng Long - Hà Nội peih parang iek ilimo mengkan di libik inem krung Hoàng thành Thăng Long ngan saong kadha Tết Việt meng harei 22.1- 24.2. Tết Việt hu rilo bruk ngak brei mboh veik bruk mbang Tết Việt mengkan ye parang iek yaih khan dom tư liệu, thaot binguk ka Tết Nguyên đán puac abap XIX, akaok abap XX tapa tư liệu rup cih sarak kayau di Henri Oger saong tư liệu thaot binguk di minyim Albert Kahn (Pháp); parang iek rup cih Đông Hồ, Hàng Trống..

   ** Meng harei 27.1 tal harei 20.2, tuai damuai mai tal Hạ Long meda hu maong dom kỳ quan di dunya hu ngak meng bingu that saong hu ba drei tame mein dom kadha mein tết biak chreih chrai dalam rija  “Kỳ quan muôn sắc hoa” mbang akaok meti hu  Sun Group peih ngak di Tổ hợp bui mein giải trí Sun World Halong Complex. Oh lac nao di jalan bingu hadah tanyak, maong dom kỳ quan meng bingu that, ba drei tame dom show mein chreih chrai di Hạ Long dalam rija, tuai damuai mai tal Sun World Halong Complex daok hu mein yaok ratuh kadha mein di libik bui mein dalam sang tuk xuân sak thau 2018.

  ** Melam 30.1 di sang ilimo Lao động tỉnh Khánh Hòa meda rah tabiak melam nhạc “Xuân anit ranam - pamaong tal bhum glaong” piah padang kadung jien daong alin pandap ka dom sang sarak karja, sang bhapbini bangsa kathoat di huyện Khánh Vĩnh bui sambai xuân raok tết. Melam nhạc “ Xuân anit ranam” di danadak pamaong tal bhum glaong, bhum bhapbini kan kandah di Báo Văn Hóa.  Danadak taduan hu bruk daong brei di rilo libik, menuac urang ngan saong 400 cặp vé di danakdak hu dom doanh nghiệp, urang hảo tâm… daong blei. Mban peih ngak danakdak meda caik 100 paok pandap alin ka 100 sang sarak karja, sang bhapbini bangsa takik, sang kan kandah di huyện bhum ceik Khánh Vĩnh .

** Pasak ngak bruk Thanh-thiếu niên barau pambuak bruk saong pasak ngak mbang pablei salih VNPT Ninh Thuận peih pakacah vòng loại ka 2, harei pataom “Nghệ thuật đường phố- bản sắc tuổi trẻ” Ninh Thuận. Ini lac mblang mein siam, kheih piah dom dam dara- thiếu niên takre nghệ thuật brei mboh bruk naih gheih di drei saong hu labik piah piah taom gaok, bac megru. Melam vòng loại ka 2 hu 10 kadha di dom thể loại: daoh, nhảy, xiếc công phu. Tamat melam pakacah, kadha xiếc công phu kayua thí sinh Jang Triệu Thanh (Bác Ái) parang me-in hu mban Giám khảo chấm xuất sắc abih saong hu tame vòng chung kết.

                                                          Thúy Linh/ VOV TP-HCM