Khaw tin ilimo 18-9-2016

       #  Di mblang bein Thống Nhất, Hà Nội hu rah tabiak Harei pataom tapuk bilan thu 2016 . Ini lac harei pataom tapuk mbang akaok mereip hu peih tabiak tui jalan xã hội hóa, hu mbaok 60 đơn vị xuất bản, phát hành, bưu chính, gam saong labaih 70 gian hàng. Harei pataom tapuk oh lac brei mboh pren khang di ilamu puac tapuk dalam bhap bini bo daok peih tabiak rilo jalan raong ba hatai anit ranam ngan saong urang puac tapuk, bruk sangka di bhap bini ban ine. Urang puac tapuk meda duah mboh dom baoh tapuk bharau di abih hu xuất bản tui rilo kadha.

       # Thủ tướng Rajaei bahrau brei adat peih ngak Dự án Khu di tích Óc Eo.Dự án nan hu peih ngak meng thun 2016 - 2020 saong yaom jien buh tame ngak tui kuhria lac  6.740 triệu đồng meng kadung jien karja tỉnh tỉnh An Giang 100%.  Bruk nan piah padang ngak, ramik pasiam Khu di tích văn hóa Óc Eopiah pabak bruk khik ramik, pasiam labik inem krung;  pasiam cơ sở hạ tầng ka inem krung pakat negar, duh ka bruk padang ngak hồ sơ di sản piah pok tagok UNESCO công nhận inem krung ilamu Óc Eo - Ba Thê lac inem krung ilamu dunya, rik daong patgok yaom glaong inem krung, patagok kinh tế - xã hội ka puk palei.

# Miuyim baoh sang di sa-ai Nguyễn Duy Long, urang ngak nông di palei 9, xã Văn Thành, huyện Yên Thành tỉnh Nghệ An urak ini daok pachreih hu bruk sangka di bhap bini saong dom urang roh duah. Meng thun 2000, sa-ai klaak rilo tukvak , pren yava piah nao grauk labik duah pataom pandap klak. Urak ini, miuyim di sang sa-ai hu yaok ribau pandap klak hu yaom glaong. Di labik ini daok khik yaok rituh chum vại, chóe sành,  pandap lan, pandap kayau, pandap meng ban….hu meng yaok rituh thun dahlau. Taong abih janih pandap nan hu dak tui kadha, tui niên đại, maong oh krei hagait sa miuyim

         # Hội Nghệ sĩ sân khấu ban sit Đà Nẵng  hu peih bruk pok meyaom inem krung ilamu phi vật thể Nghệ thuật tuồng xứ Quảng dalam tuk pahadar Harei Sân khấu Việt Nam (12.8 saka ia bulan) saong taduan Bằng inem krung ilamu phi vật thể pakat negar Nghệ thuật tuồng xứ Quảng.  Nghệ thuật  ini,lac sa inem krung ilamu phi vật thể brei mboh ilamu di ban sit. Harei ini, yaom lac gaok rilo kan kandah min nghệ thuật Tuồng jeng daok khik hu pren khang saong hu labik dang praong dalam raidiuk di bhap bini ban sit Đà Nẵng.

        # Di ban sit Nha Trang, tỉnh Khánh Hòa hu ba tame ngak bruk Nhà hát nghệ thuật Dân gian Á Châu kayua ong Lê Xuân Thơm - Tổng Giám đốc Công ty Trách nhiệm hữu hạn  Hải Đăng Khánh Hòa peih ngak.  Thun 1988, hadei di tuk ngak bloh nghĩa vụ quân sự, ong nao ngak bruk di Liên Xô klak. Jaik 30 thun hadei, ong mai veik palei negar , bloh ruah bhum taneh Nha Trang, Khánh Hòa ngak labik padang mbang ngui. Urak ini, ong ngak po 4 nhà hàng, khách sạn cao cấp di ban tasik Nha Trang. Bruk daok pamaong ngak di ong nan lac padang hu sa kapul nghệ thuật piah duh ka tuai damuai, yaih khan ilamu gheih mekre di bangsa tal ayut dunya.

         # Meng harei 26 tal harei 30.9, di tỉnh Kiên Giang hu rah tabiak “Harei pataom capi, daoh lagu bhap bini  3 bhum taneh”  kayua Cục ilamu cơ sở - Mintri ilamu Thể thao Du lịch pambuak haong Sở ilamu Thể thao Kiên Giang peih tabiak. Harei pataom hu 1.200 diễn viên di 40 kapul mai meng dom tỉnh, ban dalam negar. Harei pataom piah pathau khan, pakhang pakajap talei jum pataom bangsa, patagok pren khang bhap bini dalam bruk dak padang saong khik caga taneh ia, pulao kaoh, padang ngak palei pala bahrau, dak padang saong cakrok ilamu, anek menuac Việt Nam, pabak bruk patagok khang kajap di taneh ia.