Khaw tin ilimo harei 1-10

          * Viện Âm nhạc, Học viện Âm nhạc negar VN barau peih nyaom biai khoa học “ Hatai sahaneng saong jalan mein ragu mengkan di dom bangsa takik di Viet Nam saong dunya. Nyaom biai pataom tame ginum biai dom jalan ngak drak samal piah khik ramik saong patagok yaom inem krung ragu ragam mengkan di dom bangsa takik di VN.  

*  Giải thưởng Búp sen vàng mbang yaka 8 thun 2017 hu peih mbaok ngan saong kadha “Kính vạn hoa”. Ini lac giải thưởng yaok thun praong abih dalam thun di pasak daong patagok tài năng điện ảnh piah pok je dom urang ngak phim trẻ di gah  phim tài liệu saong phim truyện katut.

* Dalam dom bruk taom gaok ilimo salam uan 25 thun padang talei pambuak bruk ngoại giao Việt Nam - Hàn Quốc (1992 - 2017), Nhà hát Tuổi trẻ pambuak bruk saong Đoàn kịch Jiegum - Hàn Quốc parang me-in vở kịch Bến bờ xa lắc (tác giả: Lê Thu Hạnh; đạo diễn: NSND Xuân Huyền). Vở kịch hu parang me-in meng dua phiên bản padang ngak karei di gauk meng sap Hàn saong sap Việt, duh ka rilo urang maong di ban Incheon - Hàn Quốc (bilan 9.2017) saong di Hà Nội (bilan 11.2017).

*  Di miunyim Mỹ thuật Việt Nam (Hà Nội) barau rah tabiak parang iek Sứ Hungary đương đại.  Ini lac bruk praong hu peih tabiak tui dom bruk dalam mbang ravang di Thủ tướng Hungary Orbán Viktor tapa Việt Nam. Dom tác phẩm parang iek hu pilih ruah saong rami ramik meng dom jalan saneng karei di gauk saong hu bruk dui pagam dom phong cách. Hadei mbang parang iek di Hà Nội (meng harei 25.9 tal 8.10), parang iek hu peih tabiak di ban raya HCM meng harei 16.10 tal 5.11.

* Di sang daoh Lam Sơn (ban sit Thanh Hóa), Cục ilimo cơ sở (mintri ilimo padhih saong du lich pambuak bruk saong Sở ilimo padhih saong du lich ban sit Thanh Hóa peih harei pataom pathau khan lưu động pakat negar ka khik caga alam moi trường di gah ilimo, padhih saong du lịch. Harei pataom hu 24 kapul pathau khan lưu động ngan saong labaih 500 diễn viên, nhạc công mai meng dom tỉnh, ban dalam taneh ia. Dom thể loại mai pakacah hu tiểu phẩm kịch katut, tuồng, chèo, cải lương, tấu hài…hu asal kadha ka kanyah jhak di nerak alam moi truong, jalan khik caga alam môi trường.

* Pasak khik piah negar IV di ban sit Đà Lạt (Lâm Đồng) barau duah mboh tấm Mộc bản khắc bản đồ tỉnh Ninh Thuận, dalam nan hu dom địa danh, ceik car, kraong ribong hu brei mboh biak cambaih laih urak ini daok khik di kho hiện vật dalam pasak. Tấm Mộc bản nan hu ký hiệu ka 25126, hu sarak tui jalan dương bản.  Tapa duah thau, blah bản đồ ini hu sarak hadei thun 1832 . Sa kadha praong di bản đồ nan, lac bruk hu mbaok di bhum Đà Lạt saong bhum jaik taphia hu vak 3 akhar lac “Lâm Sơn phần”. Yau nan, meng saman patao Nguyễn, tỉnh Ninh Thuận lac bhum taneh biak praong.

* Mbang chung kết “Hoa hậu Đại Dương Việt Nam 2017” meda rah tabiak meng harei 20/10 tal 29/10 di Mũi Né, Phan Thiết. DI ini , 32 thí sinh xuất sắc abih di 2 bhum gah Brak saong meraong tame vòng chung kết tui tanut lac dom thí sinh hu thaik thaok siam, mbaok meta mekre siam ndung bak palei tasik. Langiu hatai sahneng ka jalan diukrai, ngan saong dom caong khin saong hatai ranam tasik, “Hoa hậu Đại Dương Việt Nam 2017” jeng lac tuk piah taong yaom 32 thí sinh oh lac tapa taom gaok, ndom biai nao mai bo daok brei mboh bruk hu thau ka tasik.