Khaw tin ilimo harei 11/2

# Hội Mỹ thuật Việt Nam barau peih parang iek “ uan Đảng –uan Xuân anek thak thau thun 2018” di danaok parang iek Mỹ thuật 16 Ngô Quyền, Hà Nội. Parang iek yaih khan tal urang maong 184 tác phẩm di 184 tác giả ndung bak asal kadha karei di yaok tác giả. Ini lac sa dalam dom bruk ngak yaok thun di Hội anak thun barau.

# Di miunyim Dân tộc học Việt Nam, barau rah tabiak dankadak “Tết Việt”, hu mbaok rilo anek saih sang bac pakat sa saong sang bac THPT dalam ban Hà Nội. Tapa nan, dom adei hu nghệ nhân bhap bini tacei pato piah thau jang ka tết mengkan di bangsa tapa dom bruk ngak ye: papaok bánh chưng, ngak giò tui mengkan, vak thư pháp, in rup thaot Đông Hồ, ngak pháo haluk, tamia sạp…

# Phố ông Đồ thun 2018 daok rah tabiak di jalan Phạm Ngọc Thạch saong Nguyễn Thị Minh Khai (quận 1), ban raya HCM. Dom  ông Đồ ngan saong mực tàu, ba ar bhong daok nắn nót vak dom câu đối Tết, ariya, kadha tadhau yuh xuân. Abih di nyu nan lac dom akhar thư pháp hu ngak gheih jang tuk vak tagok kayau, patau, bao lì xì…tui caong khin di tuai damuai tuk mai iek gian pandap .

#  Tết Mậu Tuất 2018, ban Đà Nẵng meda cuh pháo bingu di 3 libik lac: tatua Nguyễn Văn Trỗi, pasak Hành chính quận Liên Chiểu saong pasak Hành chính huyện Hòa Vang piah duh ka urang bhapbini saong tuai damuai. Dom libik ini meda cuh pháo bingu dalam 15 minit meng 0tuk harei 16/2 (melam Giao thừa). Tabhia nan, daok rah tabiak rilo bruk chreih chrai tapeng dua gah takai kraong Hàn ye: vũ hội jalan phố, daoh bài chòi, mein nhạc hơi, danakdak “daoh tamia jalan phố”, harei pataom bingu Xuân saong darak bingu Tết…

# Jeng dalam tuk xuân barau ini, dom palei ngak mengkan di Hội An, tỉnh Quảng Nam meda peih ngak rilo bruk daoh tamia bhapbini tui adat cambat tanarakun di palei ye giỗ tổ bruk ngak mộc Kim Bồng di harei 21/2, lễ hội Cầu Bông Trà Quế di harei 22/2, hội tangei ndiuk Cẩm Nam di dua harei 2 saong 3/3. Lingiu di nan, daok hu dom bruk ye: darak bingu xuân Mậu Tuất, pakacah ghe đảo thủy akaok xuân, parang iek thaot binguk “Tết Hội An mengkan saong urak ini”, pakacah daoh bài chòi…

# Ngan saong kadha” inem krung ilimo saong bruk mbeik drei tame, patagok, Huế - 1 libik nao 5 inem krung, Festival Huế 2018 meda rah tabiak meng harei 27/4-2/5/2018 ngan saong bruk pataom mbaok di 20 kapul nghệ thuật di dunya saong dom kapul nghệ thuật hadah trah dalam taneh ia sanya ba mai bruk chreih chrai, barau.

Thúy Linh/VOV HCM