# “Dam dara saong bhapbini dom bangsa ngan saong tasik pulao negar” lac asal kadha di dom bruk ngak dalam bilan 3 di palei ilimo –du lich dom bangsa VN, Đồng Mô, Sơn Tây, Hà Nội. Bruk ngak dalam bilan 3 hu mbaok di jaik 80 urang bhapbini di 11 bangsa: Tày, Dao, Mông, Thái, Mường, Khơ Mú, Tà Ôi, Cơ Tu, RagLai, Ê Đê, Khmer.  “Damdara saong bhapbini dom bangsa saong tasik pulao negar” hu dom bruk ngak siam, hu makna kak kajap saong hatai anit tasik pulao di dam dara saong bhapbini dom bangsa di baoh sang 54 bangsa VN.

#Di palei sinh thái inem krung Pơ-mu nguyên sinh di xã Axan, huyện biên giới Tây Giang, tỉnh Quảng Nam, barau rah tabiak rija peih akaok thun dhar phuan glai mbang yaka sa pachreih hu rilo bhapbini bangsa urang Cơ-tu pataom mbaok tame. Rije peih akaok thun dhar phun glai piah khik saong patagok yaom inem krung di urang Cơ Tu pambuak saong patagok du lịch sinh thái khang kajap; saong tapa nan rik daong paglaong akaok sahaneng khik caga glai dalam bhapbini, abih di nyu nan lac urang bhapbini daok di bhum biên giới.

# Tỉnh Điện Biên barau peih bruk khan brei thau saong jao bằng công nhận ilimo phi vật thể pakat negar di mintri ilimo –padhih saong Du lich ka ilamu ngak bingu la angaok khan ao mengkan di urang Mông xã Sa Lông, huyện Mường Chà, tỉnh Điện Biên. Ilamu ngak bingu la angaok khan ao mengkan di urang lac sa dalam dom ilamu bhap bini kheih mekre, hu amuk kei urang Mông bingu `sahneng mboh saong pato veik; daok bruk ngak dom mô típ bingu la karei di bhapbini urang Mông hoa di Sa Lông hu patagok meng raidiuk, ngak brei hu rilo janih jang dalam dom bingu la.

# Melam thanercar saong melam adit yaok adit, di mblang beir gah timul cầu Rồng ban Đà Nẵng hu tanyi tagok dom kadha daoh Bài Chòi, kak takai tuai damuai. Ban Đà Nẵng urak ini hu 9 kalup kapul Bài Chòi di dom quận Cẩm Lệ, Sơn Trà, Liên Chiểu, Ngũ Hành Sơn saong huyện Hòa Vang. Bài Chòi lac ilimo lambaok, brei mboh ilamu di ban Đà Nẵng. Ini jeng lac kadha mein mengkan, ndung bak suan yava, raidiuk di bhapbini pak nan. Inem krung nghệ thuật Bài Chòi mengkan daok hu khik ramik saong patagok gam saong dom inem mek sajarah, ilimo dalam ban Đà Nẵng.

# Harei pataom bingu Anh đào - Mai vàng Yên Tử 2018, hu ban sit Uông Bí, tỉnh Quảng Ninh peih ngak meng harei 24 tal 28/3 di libik inem mek pakat negar Yên Tử, ban sit Uông Bí. Tui kuhria, meda parang iek jaik 5.000 dhar bingu Anh đào, 50 phun bingu Anh đào Nhật Bản saong 120 phun Mai vàng Yên Tử./.