Khaw tin ilimo harei 12-11  
                                                                             

# Hadei di tuk nao pasang iek bruk hajan xua, tui ek bruk pasiam dom khut khat di ribuk ka  12 di phố cổ Hội An (Quảng Nam),  Thủ tướng Nguyễn Xuân Phúc pandar tỉnh Quảng Nam, ban sit Hội An gam saong dom gah chức năng jak ba dom kapul, abih di nyu nan lac bol bala, công an, dam dara saong bhapnini ramik pasiam dom khut khat meng hajan ribuk piah samal tani tanat raidiuk, ngak mbang veik. Thủ tướng pandar lac,  oh caik ka phố cổ Hội An gaok tayah kayua ia tagok; tui cơ chế, sarak piah ramik pasiam inem krung ilimo Hội An..

 # Ngan saong kadha “dak padang công nghiệp điện ảnh barau saong nhân văn”, harei pataom Phim Việt Nam mbang yaka XX meda hu peih ngak di ban tasik Đà Nẵng gheih mekre meng harei 24 tal 28.11. Ini lac bruk ilimo praong piah yaih khan ilimo Việt Nam tapa dom tác phẩm điện ảnh Việt Nam hadah krah. Dahlau nan, meng harei 8 tal 14.11, adit phim salam uan harei pataom Phim Việt Nam mbang yaka XX meda rah tabiak di Hà Nội saong ban raya Hồ Chí Minh ngan saong 29 bộ phim hu ba tabiak chiếu.

#  Mintri ilimo, padhih saong Du lịch Việt Nam barau pambuak bruk saong mintri ilimo saong Nghệ thuật Campuchia peih “adit ilimo Campuchia di Việt Nam” thun 2017 dalam tuk pahadar 50 thun padang talei pambuak bruk ngoại giao di dua taneh ia. Adit ilimo Campuchia di Việt Nam hu rah tabiak di Hà Nội saong ban sit Hạ Long piah yaih khan tal bhapbini Việt Nam saong dom ayut dunya ilimo  di taneh ia Campuchia.

#Di ban sit Sơn Tây, mintri ilimo padhih saong du lich pambuak bruk saong uy mban bhapbini ban sit Sơn Tây barau peih parang iek rup cih jak ba blah praong pathau khan ka padang ngak palei pala barau. Parang iek yaih khan 61 blah rup cih di dom urang dalam negar piah pabak bruk pathau khan padang ngak palei pala barau tukvak 2016-2020.

# Jabat athur raong Châu Á barau payua thư tal akaok uy mban bhapnini ban Hải Phòng ieu padheih bruk ginuh kubao Đồ Sơn. Dalam blah thư payua urang dang akaok ban Hải Phòng, ông David Neale - Giám đốc phúc lợi athur raong, jabat athur raong Châu Á ndom lac, harei pataom ginuh kubao raong saong pachreih dom bruk taong paoh; dom bruk ngak dalam harei pataom yau: pasram, ginuh saong sik ralo hadei di mbang pakacah lac oh njauk saong jalan patagok sa ilimo Việt Nam bahrau, hadah hadai.

#  Yaom lac akaok uy mban bhapnini tỉnh Khánh Hòa hu mbaoh tangin brei tabiak Công điện khẩn di harei 3.11 tacei pato brei padheih bruk pakacah Hoa hậu Hoàn vũ VN 2017 dalam dom harei ribuk, hajan xua kan kandah ka tỉnh, min mban peih ngak jeng daok peih bruk pakacah bán kết. Mintri ilimo padhih saong du lich barau hu văn bản payua ka Cục Nghệ thuật Biểu diễn, Thanh tra mintri ilimo padhih saong du lich , sở ilimo padhih saong du lich tỉnh Khánh Hòa saong Công ty Cổ phần Hoàn vũ Sài Gòn pandar Công ty Cổ phần Hoàn vũ Sài Gòn brei padheih peih bruk pakacah Hoa hậu Hoàn vũ Việt Nam 2017 mbiah tal tuk ramik pasiam blaoh khut khat meng ribuk 12.

# Nhiếp ảnh gia Nguyễn Linh Vinh Quốc (ndih tapui thun 1971, Gia Lai) barau mek hu giải Nhất bruk pakacah thaot binguk pakat dunya Nhiếp ảnh gia môi trường 2017 (EPOTY 2017) ngan saong tác phẩm “Đôi mắt hy vọng”. Blah thoat hu saai chụp di sa mblang hareik di ban sit Kon Tum (tỉnh Kon Tum) di harei 23/6/2017. Thaot chụp amaik saong anek bangsa Ba Na duah mbang meng bruk duan ve chai jeng daok di mblang hareik dalam tuk hajan si mai, taginum jhuk daok dui mai. Panuac di tác giả payua tal menuac sia lac jhui palai pajoa môi trường sống.