Khaw tin ilimo harei 12-3

      # Sở ilimo – padhih saong Du lịch tỉnh Đắk Lắk barau peih pakak parang iek cà phê Buôn Ma Thuột saong không gian ilimo cồng chiêng Tây Nguyên.  Parang iek yaih khan 144 baok thaot ka bruk pala drak cà phê saong taom gaok ilimo cồng chiêng Tây Nguyên. Ini lac baok thoat gheih abih hu pilih ruah meng 495 baoh thoat nghệ thuật di 71 tác giả mai meng grauk taneh ia di mbang pakacah thaot binguk nghệ thuật ka kadha ini.

# Meng harei 15-20/3, Đại sứ quán Rumani pambuak bruk saong mintri ilimo – padhih saong Du lịch peih danakdak daoh tamia ragu bangsa Rumani di Hà Nội saong ban raya Hồ Chí Minh. Danakdak daok dalam bruk pambuak bruk ilimo hu mboah tangin di mintri ilimo dua taneh ia Rumani saong Việt Nam, di mbang ravang di Thủ tướng Rumani tal Việt Nam meng bilan 7/2016.

# Việt Nam lac tanhe ia takik abih hu dua dự án phim hu daa mai harei pataom phim dunya Cannes 2017. Ini lac Culi oh tuk halei hia saong phim Vị di dua urang ngak phim trẻ: Phạm Ngọc Lân saong Lê Bảo. Thun ini, hu 15 dự án phim di 14 taneh ia hu pilih ruah pataom tame hạng mục ini.

# Melam 22/3, melam nhạc All Female Guitar Night meda rah tabiak di sang daoh Tuổi Trẻ, Hà Nội, ngan saong bruk tame daoh di 3 urang nghệ sĩ kumei Christie Lenée (Mỹ), Kanaho (Nhật Bản) saong Erica Cho (Hàn Quốc). melam nhạc ngan saong bruk pataom tame di dom urang nữ nghệ sĩ danei angan mai meng dom taneh ia, jia lac hu rilo khán giả Việt Nam mai meng dòng guitar barau ini, jeng ye ba nghệ thuật mai jaik saong bhapbini jang .

# Sa trích đoạn kịch hu angan “Chuyện negar Langbiang” hu mek meng tác phẩm gam angan di nhà văn Nguyễn Nhật Ánh meda hu đội kịch Tuổi Ngọc ngak di jalan tapuk – gian pnadap Nhà xuất bản Trẻ di harei 11/3. Harei ini, nhà văn Nguyễn Nhật Ánh tabiak mbaok bìa tapuk barau bộ Langbiang saong alin akhn ký ka urang pang. Ini lac bộ tapuk giả tưởng akaok mereip di nhà văn Nguyễn Nhật Ánh vak caik ka thiếu nhi, umo thun barau praong Việt Nam.

# Meng harei 3-31/3, Pasak ilimo Hàn Quốc di Việt Nam peih parang iek “Ranh giới vô định” (Undefined Boundaries) yaih khan ka urang sa thế giới tác phẩm đa dạng ngan saong rilo thể loại ye hội họa, nhiếp ảnh, sắp đặt, thaot binguk tui chủ đề Ranh giới, brei thau bruk maong đa dạng di 8 nghệ sĩ ngan saong umo thun meng 30-40, urak ini daok ngak bruk nghệ thuật siam dalam taneh ia saong langiu taneh ia. Di bruk parang iek meda rah tabiak tọa đàm bàn tròn ngan saong bruk pataom tame di dom chuyên gia nghệ thuật thị giác dua taneh ia Việt Nam saong Hàn Quốc piah klak rabha bruk di gah mỹ thuật, duah bruk taom gaok mỹ thuật di dua taneh ia di harei hadei.  

# Tỉnh Kiên Giang daok peih ngak dom thủ tục piah taduan mek inem krung di dua diuk pasang tài hoa – nhà thơ Đông Hồ saong nữ sĩ Mộng Tuyết. Inem krung di nhà thơ Đông Hồ hu dom libik sang lưu niệm “Đông Hồ thi nhân kỷ niệm đường” urak ini daok di baok jalan hu angan ông di ban sit Hà Tiên, tỉnh Kiên Giang. Ini lac baok sang kayua diuk ông la nữ sĩ Mộng Tuyết padang tagok saong ngak blaoh di thun 1995 piah khik saong paglaong yaom inem mek ka thân thế, bruk ngak di dua urang.

# Di miunyim Mỹ thuật Việt Nam di Hà Nội, parang iek hu angan “Giá Thánh” di họa sĩ Trần Tuấn Long barau peih pakak. Ini lac parang iek hội họa ka adat Đạo Mẫu akaok mereip hadei tuk ngak tui adat thờ Mẫu di urang Việt hu pok angan lac inem krung ilimo phi vật thể di menuac sia. Dalam 26 tác phẩm sơn mài khổ praong hu parang iek, baok akaok mereip hu Trần Tuấn Long cih meng thun 1998.

# Baoh rup cih cuộn Phật Quan Âm lac paok pandap pahadar 10 thun Đức Gyalwang Drukpa mbang akaok mereip mai ravang Việt Nam meda hu peih paka ka bhapbini maong di Đại Bảo tháp Mandala Tây Thiên, Vĩnh Phúc di harei 16/3. Ini jeng lac baok rup cih hu gah Kỉ lục Việt Nam (VietKings) brei angan lac baok rup cih cuộn “Phật Quan Âm Thiên Thủ Thiên Nhãn” praong abih Việt Nam./.