# Tui kuhria mboh di Bộ Lao động Thương binh saong Xã hội, taneh ia drei hu 60% sinh viên bac tamat bloh tabiak ngak bruk oh njauk bruk drei bac, saong hu tal 200 ribau cử nhân oh hu bruk ngak hadei di tuk bac tamat bloh. Roh duah jeng mboh lac, makna di bruk ini lac kayua sinh viên hadei di tuk bac bloh đại học daok kurang jalan brei ka bruk ngak, takik thau sap negar lingiu, dom ilamu oh ka pabak hu labik piliyh ruah menuac tame ngak, saong oh ka thau bruk halei piah duah ngak. Kayua yau nan ye, sa dalam dom jalan ngak praong piah patrun bruk oh hu bruk ngak di sinh viên lac njauk pambuak pakajap sang bac haong doanh nghiệp. Kayua lac meng bruk daong di doanh nghiệp ye sinh viên hu pato pakai tapak ilamu, tapa nan chất lượng pato pakai, abih di nyu nan lac mbuan duah hu bruk ngak jang.

 # Thun 2018, dalam bhum taneran kraong CL hu jaik 8 bác sĩ saong labaih 1 dược sĩ ka 10 ribau rahra, daok biak atah dut saong bruk ba tabiak di Thủ tướng Rajaei dalam Quyết định 122/QĐ-TTg ka “jalan ngak  negar khik caga, iek glang saong paglaong pren yava bhap bini tukvak 2011 - 2020, pamaong tal thun 2030”. Tui nan, tỉnh hu bác sĩ ka 10 ribau rahra biar abih di bhum taneran kraong CL lac An Giang (lac 6,30 bác sĩ ka 10 ribau rahra), patui di nan, lac Tiền Giang (6,32 bác sĩ ka 10 ribau rahra). Lingiu di nan, dom bác sĩ iek gah ruak lao, khlong, gila, pháp y, blac raih dak kurang  biak rilo jang. Thun 2018, sang bac Đại học Y dược Cần Thơ  likau pabak jang 450 chỉ tiêu ngành hiếm, min Mintri Y tế tok brei pabak 150 chỉ tiêu.

# Nhóm nhạc huyền thoại Boney M hu parang me-in sa melam di Vinpearl Land, Nha Trang harei 10/8. Ini lac mbang akaok meti nhóm nhạc disco dane angan parang me-in anak khán giả Việt. Harei 10 bilan 8 ini, Boney M huyền thoại mai veik Việt Nam dalam live show “Boney M - Lửa mùa hè”. Di live show, Boney M hu ba mai ka ban tasik Nha Trang labaih 20 kadha daoh dane angan yau ye: Rivers of Babylon, Daddy cool, Bahama mama, Sunny... “Lửa mùa hè - Boney M” hu ba mai chreih chrai ka yaok ribau khán giả Việt. Melam nhạc jeng “sàn disco trên đảo” ngan saong sân khấu hu ngak biak công phu, ánh sáng bahrau, mekre saong dom ragu tamia vượt thời gian. 

# Harei pataom tapuk Mùa Thu 2018 hu peih tabiak meng harei 22 tal harei 26/8 di mblang bein Thống Nhất, Hà Nội. Harei pataom tapuk hu mbaok yaok ratuh đơn vị xuất bản, labik in ấn, phát hành. Di harei pataom tapuk mùa Thu, yaok đơn vị  hu padang dom gian hàng biak karei di drei ngak jeng labik taom gaok ilamu di ban ine sa ribau thun ilamu. Labik puac tapuk hu biak rilo dom janih tapuk piah pabak ka urang puac tapuk. Harei pataom tapuk mùa Thu thun 2018 daok hu bruk taom gaok ndom biai nao mai di urang puac tapuk haong urang vak tapuk, yaih khan tapuk bahrau tabiak, tapuk pablei laik, ginum biai dom bruk ilamu, chính trị, sajarah…brei thau dalam dom baoh tapuk tiêu biểu. Pak ini jeng hu rilo bruk pablei salih bản quyền, dịch thuật; danak dak me-in sambai pablak haong pathau khan, pachreih bruk puac tapuk brei ka dam dara, uraniah.

# TPHCM  brei adat padang ngak nhà hát đa năng hu 2.000 labik daok tui tanut di dunya, di thun 2019 di labik cư xá Lữ Gia (quận 11). Nhà hát đa năng hu padang ngak tui chuẩn sa sang daoh dunya hu ginup dom janih pandap bahrau. Tuk oh parang me-in, meda ngak brei lihik khgaiy daok, piah mek labik ngak bruk karei, atau ngak brei mblo tabiak 500 khgaiy atau 1.000 khgaiy tui janih parang me-in. Tui kuihria, yaom jien piah padang ngak nhà hát đa năng tagok tal 1.500 tỷ đồng. Sân khấu meda pandar ka rilo janih yau ye: kịch nói, múa rối, xiếc, daoh tamia, duh ka dom bruk pakacah, dom kadha praong... 

# Tal bilan 8 yaok thun, sa mạc joa lange di Nevada (Mỹ) hu rah tabiak lễ hội Burning Man, sa bruk ilamu pachreih hu labaih 70.000 menuac hu mbaok tame, ngan saong dom kadha me-in biak karei yau ye: tal bac taong gauk, dom bữa tiệc oh cuk khan ao dalam bọt sabon, parang tabiak dom công trình kiến trúc biak mekre meta... Bruk praong abih di lễ hội lac melam car puac abih – adat am cuh hình nộm biak praong "The Man". Công trình meng kayau ini hu thaik thaok karei gauk tui yaok thun. Menuac urang pataom gauk vil val piah maong iek dalah apui nyu mbang abih, njauk tui jalan lac "oh caik veik inem mek" yau sa panuac pahadar ka bruk khik caga môi trường. Bruk mekre ini hu ngak ka Burning Man jeng sa dalam dom bruk njauk ba drei tame dahlau di tuk metai nao di biak rilo menuac angaok dunya. Lễ hội Burning Man 2018 hu peih tabiak meng harei 26/8 di sa mạc Black Rock daok di bang Nevada, Mỹ ngan saong kadha lac "I, Robot".

   # Tạp chí Tatler bahrau brei thau angan top 30 menuac ngui cuk mekre abih thun 2018, dalam nan Hoàng tử George (5 tuổi) di Hoàng gia Anh dang akaok dom angan. Di thun 2015, George jeng hu British GQ pilih ruah lac sa dalam dom “Qúy ông thời trang nhất”. Yaok janih pandap George cuk tagok jeng hu urang duah blei saong pandap hu pablei abih mbong. Hoàng tử George hu taong yaom glaong ngan saong dom khan ao hu sambo màu biak gheih mekre, hu áo polo, ao len takuai glaong.

    # Tui khau tin angaok tạp chí dunya gah baoh taneh bahrau tabiak, dom urang roh duah jia lac, baoh taneh di kol drei meda samar yam tapa labik bo pak nan nhiệt độ baoh taneh tagok tal tanut pandiak jru ia saong ia tasik tagok dalam dom pluh thun tal. Gah khoa học mboh lac, baoh taneh meda plaih hu bruk nan piah jeng sa baoh sang camin, tui nan anek menuac njauk ramiki veik bruk ngak di anek menuac haong lingik tasiok, yau bruk padeih pandar nhiên liệu hóa thạch, kham merat pala kayau, pala glai, khik iek glai, duah jalan pacang cakak dom tia cực tím saong patagok dom jamriak njuk mek các-bon tabiak truh không khí./.