# Yau sa paok pandap alin tagok ka Chủ tịch Hồ Chí Minh anit ranam di bangsa, dalam tuk pahadar 128 thun harei ndih tapui di Wa  (19/5/1890 -19/5/2018), dalam melam 18/5, di pasak Nghệ thuật Âu Cơ (Hà Nội), Báo Văn hóa meda peih melam nhạc ngan saong kadha “pandap bilan 5 pok tagok Wa. Danakdak meda ba mai ka urang pang dom kadha daoh danei angan di abih ka Wa Hồ, lac dom ragu ndung bak hatai anit ranam hu mbang tame dalam hatung hatian, dalam glo akaok di dom rairah urang Việt Nam.  Dom kadha daoh ye: Dấu chân phía trước, sap daok kreih glai Pác Bó, Đôi dép Wa Hồ,  Hồ Chí Minh đẹp nhất tên Người…

# Harei pataom caraih Đồng Tháp mbang ka I thun 2018 ngan saong kadha “caraih hồng nerak sambo màu” meda rah tabiak meng harei 18 tal harei 20/5 di mbang beir Văn Miếu, libik inem mek Xẻo Quít, Khu Di tích Gò Tháp - Đồng Sen Tháp Mười, tỉnh Đồng Tháp. Dalam harei pataom rah tabiak rilo bruk ye:  pakacah ẩm thực ka caraih – nghệ thuật klauk bingu caraih, harei pakacah thaot binguk ka caraih, parang iek caraih Đồng Tháp, dom gian pandap ẩm thực – pandap lưu niệm - đặc sản meng caraih, dom libik mein dom kadha mein mengkan, ndom biai ka caraih dalam akaok sahneng, danakdak biểu diễn nghệ thuật ka Wa Hồ.

# Di ban sit Hội An, Ủy ban bhapbini tỉnh Quảng Nam barau peih bruk taduan mek Bằng công nhận Nghệ thuật bài chòi Trung bộ Việt Nam lac inem krung ilimo phi vật thể lambaok ka menuac sia (UNESCO) alin brei. Bruk UNESCO công nhận hu brei mboh libik dang di bài chòi dalam raidiuk bhapbini, pok je yaom sáng tạo nghệ thuật di bhum taneh Trung bộ dalam abih tih dom yaom inem krung ilimo phi vật thể di Việt Nam, rik daong ngak jeng bruk đa dạng ilimo di menuac sia. Ini oh lac bruk hadah mbaok meta bo daok lac trach nhiem di urang bhapbini Trung bộ Việt Nam dalam bruk khik đa dạng dom ilimo dalam kho tàng ilimo di menuac sia.

# “Dalikan urang likei dũng sĩ” lac angan vở diễn ngak tui Sử thi Đam San di bangsa Ê Đê – Tây Nguyên barau hu Nhà hát Kịch Việt Nam phóng tác saong dàn dựng angaok sân khấu kịch meda tabiak mbaok urang maong dalam harei 1/6. Sử thi Đam San lac bản anh hùng ca pok je anek menuac caong khin jayak, ngak po taneh riya lingik tasik. Đam San lac thaot binguk ka pren khang, hatai khang kadang khik caga anek menuac di bangsa saong bhapbini. Dalam vở diễn, dom nghệ sỹ Nhà hát Kịch Việt Nam hu pandar chất liệu thuần Việt piah ngak vở kịch “dalikan urang likei dũng sĩ” piah nao jaik jang bhapbini, abih di nyu nan lac uranaih.

# meng harei 1 tal harei 9/6 tal, di ban sit Bắc Hà, huyện Bắc Hà, tỉnh Lào Cai meda rah tabiak adit ilimo du lịch Bắc Hà 2018 ngan saong kadha “ sambo màu cao nguyên patih”. Lingiu di bruk peih pakak ngan saong danakdak nghệ thuật ndung bak ilimo cao nguyên, adit ilimo du lịch Bắc Hà daok hu dom bruk ye: Lễ hội jalan phố, Lễ hội mận – parang iek kaya nong puk palei; duah thau darak phiên Bắc Hà; parang iek bruk ngak meng kan, peih kadha mein mengkan…