Khaw tin ilimo harei 25/12

      * Parang iek tapuk, thaot binguk, harak gar ngan saong kadha “Việt Nam – jalan mbeik drei tame dunya” kayua mintri Thông tin saong Truyền thông peih ngak, hu peih pakak di pasak parang iek ilimo Nghệ thuật Việt Nam (ka 2 Hoa Lư, quận Hai Bà Trưng, Hà Nội). Parang iek yaok ratuh blah thaot binguk saong rilo tapuk yaih khan ka urang maong jalan mbeik drei tame dunya di VN tui dom kadha karei di gauk, brei mboh jaln mbeik drei tame dunya di VN tapa yaok tukvak, dom bruk ngak hu di jalan mbeik drei tame dunya. 

     * Di sang bac Đại học Kiến trúc Hà Nội barau rah tabiak bruk parang iek “Hà Nội-Sài Gòn” mbang ka 4. Bruk taom gaokmbang  ka 4 ini di dom nghệ sĩ điêu khắc Hà Nội saong Sài Gòn dui pachreih hu  dom tác giả pataom tame rilo di abih meng dahlau mai tal ini, 28 nghệ sĩ ngan saong 56 sáng tác. Taphia bruk parang iek meda hu bruk taom gaok, ginum biai bruk ngak ngan saong kadha Điêu khắc saong không gian haong kiến trúc, rah tabiak di sang bac Đại học Kiến trúc Hà Nội.

     * Mbang akaok mereip urang maong ban raya Hồ Chí Minh hu maong danakdak xiếc nghệ thuật kayua sang daoh nghệ thuật Phương Nam pambuak bruk saong Happy Dream Circus- Nhật Bản peih ngak. Danakdak peih tabiak meng harei 23.12. 2016 tal 19.2.2017 di rạp xiếc công viên Gia Định.  Danakdak piah taom gaok ilimo, paglaong talei pambuak bruk Việt Nam- Nhật Bản. Rilo  tiết mục gheih, mekre, hấp dẫn, mạo hiểm mbang akaok mereip mai tal ban raya HCM ye : đu bay, vòng quay tử thần, mô tô bay, mein gar Nhật, đu talei, tung hứng saong dom tiết mục xiếc thú bui sambai, hài hước…kayua dom nghệ sĩ mai meng Venezuela, Argentina, Colombia; Mexico; Ecuador, Nga, Nhật Bản saong Việt Nam mein.

       * Pasak ilimo tỉnh Quảng Nam brei thau harei pataom Giai điệu sắc màu tuổi trẻ mbang yaka 10 Xuân Đinh Dậu - 2017 meda peih mbaok vòng sơ tuyển meng ini tal harei 9.1.2017.  Tui nan, harei pataom hu rabha jeng dua kapul umo thun pakacah, meng 11-15 thun saong meng 16-35 thun. Dom kapul tame pakacah  dom bruk ye : sap daoh gheih; kapul chat; Khiêu vũ; tamia; Ảo thuật; Thời trang-Trang phục.  Melam chung kết xếp hạng meda rah tabiak di melam 26.1.2017 (lac melam 29 bilan 12 thun anek sak kra di ban sit Tam Kỳ (Quảng Nam).

     * Pasak ilimo tỉnh NinhThuận  pambuak bruk saong kapul urang dahlau thiah ngak bol lin saong dom libik pan phao ndao dalam tỉnh peih danakdak daoh tamia ngan saong kadha “ hadah hamiet hatung hatian Bộ đội Cụ Hồ” .  Danakdak daoh tamia hu 18 tiết mục hu dom thể loại tốp ca, song ca, đơn ca, daoh tamia kayua urang jakar, urang lin dom libik pan phao ndao saong kapul urang dahlau daih ngak bol lin tỉnh parang me-in. Danakdak lac bruk ngak gheih mekre salam uan pahadar 70 thun harei Toàn quốc kháng chiến ; 27 thun harei Quốc phòng toàn dân.

      * Pasak Thông tin xúc tiến du lịch tỉnh Vĩnh Long pambuak bruk saong mban hội hương đình An Thành (An Bình, Long Hồ) saong kapul tuồng cổ Đồng Thinh barau peih bruk parang mein nghệ thuật daoh bội duh ka  tuai du lịch dunya jaik 50 urang mai meng Pháp, ngan saong trích đoạn “Tiết Giao đoạt ngọc”.  Taphia bruk chreih chrai di asal kadha, yaom nhân văn di cốt truyện, rilo tuai du lịch Pháp jeng mboh bui hatian ka jalan parang me-in di dom nghệ nhân. Ini lac mbang ka klau, nghệ thuật daoh bội hu Vĩnh Long peih ngak piah duh ka du lịch.