Khaw tin ilimo harei 25/6/2017

# Di pasak ilimo Pháp - L'Espace, 24 Tràng Tiền, Hà Nội barau rah tabiak harei pataom Âm nhạc dunya, hu mbaok tame parang me-in di dom kapul nhạc, dom nghệ sĩ Việt Nam haong dunya.

# Di miunyim sajarah negar, Hà Nội barau peih parang iek “Nét vàng son – duah pataom pandap kayau sơn son thếp vàng”. Tuai mai ravang miunyim meda maong dom “Nét vàng son” hu sa saman hu angan je dalam sa labik ndung bak asal kadha min jeng daok hu ginup rilo ilimo.

#Nyaom ginum biai sarak pakat glaong di Diễn đàn Kinh tế châu Á – Thái Bình Dương (APEC) ka du lịch khang kajap barau rah tabiak di ban sit Hạ Long (Quảng Ninh). Nyaom biai hu njauk hatai gauk ka du lịch khang kajap di abih gah saong nao tame dalam khik caga alam môi trường, ilimo bản địa saong sangka paglaong jien mek tame di bhapbini di yaok taneh ia, dalam nan hu Việt Nam.

# Di Hà Nội, Hội Điện ảnh Hà Nội barau peih ginum biai ngan saong kadha “dak padang điện ảnh siam ka ban ine rabau thun ilamu”,  hu mbaok di rilo urang vak biên kịch, đạo diễn, urang vak văn, urang ngak báo. Tapa nan, urang hu ba tabiak panuac tham luận jeng ye rik daong rilo kadha dalam bruk dak padang, duah kịch bản điện ảnh siam ka bruk daok dang di Hà Nội, urang Hà Nội văn minh, thanh lịch.

# Di tỉnh Đồng Nai barau rah tabiak harei pataom tamia rối dom sang thiếu nhi, pasak ngak bruk thanh thiếu nhi bhum gah meraong mbang yaka 9 thun 2017, kayua sang thiếu nhi tỉnh  pambuak bruk saong Sở ilimo, padhih saong Du lịch Đồng Nai peih ngak, hu mbaok di 16 libik. Lingiu asal kadha praong lac tamia rối ia, dom adei thiếu nhi daok hu ravang mein rilo libik sajarah, ilimo saong hu taom gaok ndom biai nao mai saong gauk.

# Danakdak âm nhạc pahadar 25 thun daoh di ca sĩ Thu Minh hu angan ieu“Fire Phoenix- Phượng hoàng lửa” barau rah tabiak di pasak nyaom biai negar (Hà Nội). Danakdak kayua đạo diễn Việt Thanh padang ngan saong talei pambuak bruk di Công ty Đông Đô Show. Thu Minh dahlau thiah mek  hu giải nhất mbang pakacah “ sap daoh papar binguk ban raya Hồ Chí Minh” tuk umo 16 thun saong bruk daoh meng thun 1992.

# Di ban raya Hồ Chí Minh, Pasak UNESCO ilimo, pato megru (UNESCO - CEP) pambuak bruk saong Hệ thống pato megru mỹ thuật thiếu nhi TopArt barau patabiak mbang pakacah mỹ thuật “Giải Cọ nhí TopArt 2017”. Ngan saong kadha “Sắc màu lễ hội Việt Nam”, mbang pakacah thun ini tacei dom adei thau gha halau mengkan, rik daong pabak ilamu saong hatai anit palei negar.