# Parang iek "Phố hồi đó" di dự án Humanoid di dom anek saih sang bac Hà Nội - Amsterdam brei mboh veik raidiuk di anek menmuac labik ban klak. Tapa nan ngak jeng mblang me-in kein lagaih, daong ka dom anek saih thau jang saong anit jang ka raidiuk di anek menuac labik ban klak Hà Nội. 50 blah rup thaot hu ba tabiak dalam parang iek. Dom blah rup thaot nan jeng hu pablei to yaom saong taong abih yaom jien hu piah brei ka uraniah kan kathaot.

# Sở Ilamu, Thể thao Đà Nẵng bahrau peih bruk taduan mek 2 rup patau mỹ thuật Sóng biển saong Dòng sữa mẹ, hu yaom jien ngak abih 1,1 tỷ đồng kayua 2 urang điêu khắc Oyvin Storbaekken (urang Na Uy) saong Phạm Hồng (Hội Mỹ thuật ban sit Đà Nẵng), gam saong Quỹ Điêu khắc Đà Nẵng alin hadiah brei ka banb sit Đà Nẵng. Ini lac 2 kadha daok dalam 10 phác thảo rup patau mỹ thuật hu UB bhap bini ban sit Đà Nẵng pilih ruah catang piah caik di dom labik hu rilo menuac sia nao mai dalam ban sit meng thun 2015.

# Dalam tuk pahadar 65 thun harei Nhiếp ảnh Việt Nam, 135kadha nhiếp ảnh gheih abih di harei pataom rup thaot  “Taneh ia, anek menuac, ayut sahabat dunya tapa ống kính dom urang nhiếp ảnh Việt Nam” daok hu parang tabiak brei bhap bini maong iek Pasak khik piah saong parang iek rup thaot nghệ thuật Việt Nam (quận Cầu Giấy, Hà Nội).

# Di xã Tam Giang, huyện Yên Phong, tỉnh Bắc Ninh bahrau peih pakak Đền thờ saongrup patau Thái úy Lý Thường Kiệt dalam labik du lịch, sajarah - ilamu Chiến tuyến Như Nguyệt. Dự án padang ngak labik Đền thờ Lý Thường Kiệt hu 20 hạng mục, abih tih phun jien buh tame labaih 254 tỷ đồng, hu ngak dalam tukvak meng thun 2016 - 2020. Ini lac 1 dalam 6 công trình praong di tỉnh. Rup patau Thái úy Lý Thường Kiệt glaong 9 m, hu ngak meng ban, trak 16 tấn.

#Urang thiết kế angan Đỗ Trịnh Hoài Nam bahrau khan lac, bộ sưu tập ao tah  in pưt hala dok 42 taneh ia di sa-ai hu ba tabiak di harei pataom phim Cannes di bilan 5/2018. Ini jeng lac bruk akaok meti dalam dom bruk di danak dak “Vẻ đẹp Việt Nam 2018” hu Giải thưởng Doanh nhân ao tah Việt Nam, Áo tah in rup thaot hala dok 42 taneh ia saong harei pataom phim Cannes, bộ sưu tập bilan caraih, harei pataom ao tah saong dom bingu la hu angan di dunya..

# Phim  “Pik meta mboh bilan hè” di sa kapul urang tác giả Việt Nam hu ba tabiak chiếu di Hokkaido harei 6/4 dahlau di tuk mai tal Việt Nam di harei 1/6. “Pik meta mboh bilan hè”  lac angan  phim kayau đạo diễn Cao Thùy Nhi saong dom urang ngak phim daok ranaih umo di Việt Nam ngak. Phim hu bruk daong meng sa labik ngak phim palei bingu Anh đào. Nan jeng lac sa dalam dom makna  phim hu tal 90% cảnh di negar ia harei tagok saong hu mbaok 3/4 diễn viên lac urang Japon. 

  # Di Nhà hát Trưng Vương Đà Nẵng bahrau rah tabiak Melam nhac Trịnh Công Sơn hu angan ieu lac "Sa harei piah anit ranam...". Ini lac sa dalam dom bruk ngak piah hadar 17 thun harei aruah nhạc sĩ Trịnh Công Sơn palang lihik  (1/4/2001 - 1/4/2018).  Melam nhạc Trịnh Công Sơn oh lac paglaong bruk ilamu nghệ thuật ka ban Đà Nẵng bo daok pabak hatai caong di bhap bini Đà Nẵng./.

Thúy Linh