Khaw tin jala harei 9/1/2016

 # Page ini (9/1),  Ủy ban Thường vụ Quốc hội peih Mbang nyaom ka 6. Pak mbang nyaom ini, Ủy ban Thường vụ Quốc hội meda brei panuac ka dự thảo nghị quyết di Uỷ ban Thường vụ Quốc hội ka bruk xử lý kỷ luật ngan haong urang jakar padeih hưu saong dom kadha prong karei daok panuac karei di gauk di dom dự án: Hukum trách nhiệm bồi thường di Karja (pasiam veik); Hukum daong pháp lý (pasiam veik); Hukum khik iek ngoại thương; Hukum daong ba doanh nghiệp gap haong sit; Hukum quy hoạch; Luật khik iek, pandar drap ar karja (pasiam veik); Hukum khik iek, pandar vũ khí, vật liệu patuh saong  công cụ daong; Hukum cảnh vệ.

# Bair harei 8/1, Thủ tướng rajaei Nguyễn Xuân Phúc hu nao ravang huyện bhum ceik Trà Lĩnh, gah Đông Bắc tỉnh Cao Bằng saong glang iek pabak mbang dunya Trà Lĩnh (Việt Nam) - Long Bang (ban sit Tịnh Tây, Quảng Tây, Trung Quốc). Jeng di tuk jaik tame thun barau Đinh Dậu 2017, Thủ tướng Nguyễn Xuân Phúc hu nao ravang, ndom biaia saong alin pandap ka urang jakar, bol lin Đồn Biên phòng pabak mbang negar Trà Lĩnh – lac libik ngak bruk khik caga cột mốc, jalan tapen negar angaok mbaok haluk atah labaih 26km.

# Melam harei (8/1), pak bal raya Hồ Chí Minh hu rah tabiak bruk pahadar  67 thun harei ilamu anek saih, sinh viên saong Hội sinh viên Việt Nam (9/1/1950-9/1/2017). Harei ini 67 thun dahlau, angaok jalan phố Sài Gòn, anek saih, sinh viên hu nao gam haong bhap bani, kham mesruh metak meblah mek  độc lập tự do ka bangsa. Dom melam oh ndih pachreih tui panduac daoh "Tagok bo nao", pal tangin gauk jeng riyak pacang cakak bruk nga kanjah jhak di kaol khamang. Dalam mbang mesruh metak rambah rambup nan, ralo anek saih, sinh viên van klaak rup drei. Pok sap ndom di van ngak lễ, amuk Trương Thị Mai, Ủy viên Bộ Chính trị, Akaok Ban Dân vận Trung ương brei thau: Ngan haong bruk lac kapul chính trị-xã hội di sinh viên, Kapul nyaom Sinh viên Việt Nam njauk kham merat jak ba sinh viên Việt Nam halan hatian ka dom bruk piah patagok taneh aia. Dahlak jia lac, ngan haong hatai caong khin saong nhiệt huyết di uranaih, thế hệ sinh viên Việt Nam harei ini meda njauk haong ilamu hadah hadai di rairah nao dahlau.

# Mintri Tư pháp daok caga peih mbang nyaom saong lambaok dom mintri, nganh pambuak tal piah taong yaom ka caong khin apdang ngak hukum dân số di mintri Y tế. Dahlau di nan, Dự thảo hukum Dân số hu mintri Y tế payua tal initri Tư pháp piah tư vấn, thẩm định hu panuac caong pacadu sarak ka menek anek. Di Dự thảo hukum Dân số, mintri Y tế ba tabiak  2 jalan ngak. Jalan ngak ka 1 lac dom yau diuk pasang, menuac urang hu quyền ka tukvak menek, khoảng cách menek saong số anek. Jalan ngak ka 2 lac quy định yau urak ini.   

 # Thun 2016, dom tỉnh bhum taneran kraong Cửu Long ciuk pambak di biến đổi khí  hậu, tua riya pandiak bhang, njaom mbaak mbak. Dalam nan, gah  lĩnh vực ngak nong di 13 tỉnh Bhum taneran kraong Cửu Long njauk pambak praong, ngak kan kandah tal rai diuk di bhap bani dalam bhum. Yau nan min, ngan haong bruk kham merat di dom puk palei dalam bhum saong bruk daong ba samar drah di dom bộ ngành Trung ương hu daong ka Bhum taneran kraong Cửu Long pasiam veik kinh tế, grap tanat rai diuk. Tui nan, tốc độ patagok kinh tế bhum thun 2016 kuhria mek hu 6,9%, trun 0,9% dut haong tukvak ini 2015, tok mek hu jaik 98% kế hoạch; jien mek tame kuhria rah tapa tui akaok manuac  38,59% triệu đồng yaok urang dalam sa thun (biar jang labaih 1,5 triệu đồng dut haong thun 2015).

# Di ban sit Cần Thơ, labaih 600 urang đoàn, damdara mai meng dom  quận, huyện saong dom sang bac cao đẳng, đại học dalam ban sit pataom tame harei “ adit bhong” mbang yaka 9 thun 2017. Di dom thun tapa, bruk halan hatian brei darah di ban sit Cần Thơ ngak hu rilo bruk uan tabuan. Hu rik daong dalam bruk chủ động kadung darah hacih duh drak samal ka cấp cứu saong iek ruak ka bhapbini. Dom tanjoh darah ba anek manuac gilac meng jalan metai, daong pasiam pran yava jeng njauk lac ba kadha bui sambai, haniem phuan mai ka dom urang ruak saong sang dom urang nan. 

# Melam kabroi (8/1), baoh sang di labik 79-81 jalan Bạch Đằng, Phường 15, quận Bình Thạnh, bal raya Hồ Chí Minh apui khuah khang ngak gal ralo urang gah dalam. Lực lượng padam khuah di puk palei samar hu mbaok giải cứu taong abih urang daok gar dalam sang. Taduan mek hu tin mbang khuah rah tabiak, 68 urang jakar chiến sĩ gam haong 6 sruh radaih kanjar, radaih padam khuah chuyên dụng hu samar mai tal hiện trường. Lính cứu hỏa gam haong mặt nạ saong bình dưỡng khí hu nao tame dalam apui khuah piah daong veih sa amuk taha daok gar gah dalam saong dom urang karei daok jaik taphia nan, dalam nan hu sa kamuan umo 10 thun. 3 urang karei jeng daok dalam baoh sang nan nduac tagok tabung sang iew daong hu lính padam khuah panduan ba tapa radaih kanjar ba trun ala. Amuk taha njauk rambuis trak kayua njauk apui mbang haong hít njauk ralo thak độc hu ba nai cấp cứu.

Khaw tin dunya

# Yaok ratuh urang takre ndik radaih juak hu pataom tame ban ine Mát-xcơ-va, yaom lac tukvak lingiu doak la ar piah pataom tame mbang ndik radaih juak bilan la ar quy mo praong. Ini lac mbang ka dua dom urang takre ndik radaih juak peih bruk ini, min thun ini nhiệt độ băng giá glaong jang duk saong thun dahlau lac âm 29 độ C. Mbang ndik radaih juak nao tapa quãng đường 14 kilomét, nao tal điện Kremlin saong gilac mai kraong Mát-xcơ-va di tukvak sa tuk meteh. Mban peih bruk khan brei thau lac, bruk tanat di mbang ndik radaih juak piah brei thau lac bilan la ar oh njauk lac kan akndah ka bruk ndik radaih juak saong jeng piah jhul khang bruk patagok hạ tầng giao thông ka radaih juak saong siam ka jalan nao mai di Nga.

 # Pagam pambak tame bruk hu miễn thực thi thỏa thuận cakak trun sản lượng di kapul nyaom dom negar pablei menyek tabiak negar langiu (OPEC), Iran bahrau pablei hu labaih 13 triệu thùng menyek bo meng nan mai daok piah angaok dom sruh gilai pajeng menyek. 3 bilan tapa, Iran pablei tabiak hu jaik sa meteh menyek daok piah angaok dom sruh gilai pajeng menyek angaok tasik, ba số menyek tamo daok tatheik kandon angaok tasik trun 16,4 triệu thùng. Gah blei menyek di Iran dalam dom bilan jaik di ini binah prong pak châu Á yau Trung Quốc, Ấn Độ, Hàn Quốc saong dom negar châu Âu yau Italia, Pháp. Iran caong khin mek hu cơ hội piah ba tame darak pasar bahrau di châu Âu, jeng lac dom negar dalam bhum Ban-tích, Trung saong Đông Âu.

# Sa mbang srau kadau sang guk barau rah tabiak di Braxin ngak ka 4 urang metai. Bruk ini daok brei mboh bruk quá tải trak di dom sang guk di Braxin. Bruk srau kadau barau abih ini rah tabiak di sang guk Đê-sem-ba-ga-đo Rai-mun-đô Vi-đan Pê-soa (Desembargador Raimundo Vidal Pessoa) di ban  Ma-na-us (Manaus) bang A-ma-dôn (Amazon). Tui panuac khan brei thau di gah khik ramik sang guk bang A-ma-dôn, 3 tù nhân gaok kaoh akok saong dom urang daok veik kak takoi tal metai. Min, bruk brei thau ini oh ka ndom động cơ di mbang metai tàn bạo ini saong urak ini oh ka thau camabih hu băng đảng tội phạm halei mbuak tal bruk ini lei oh.