# Thủ tướng Raja-ei bahrau mboh tangin brei peih ngak quy hoạch taong abih bruk khik ramik, pasiam veik saong cakrok patagok yaom inem mek negar labik lưu niệm Chủ tịch Hồ Chí Minh di Kim Liên, huyện Nam Đàn, tỉnh Nghệ An. Tui nan, khik ramik inem mek negar labik lưu niệm Chủ tịch Hồ Chí Minh di Kim Liên, huyện Nam Đàn, tỉnh Nghệ An piah pok paglaong bruk diukra saong bruk ngak cách mạng di Chủ tịch Hồ Chí Minh; patagok yaom labik lưu niệm Chủ tịch Hồ Chí Minh di xã Kim Liên, piah inem mek jeng labik pato pakai ilamu meng kan ranam taneh aia, labik rivang ma-in ilamo –dak rai sajarah pambuak pagam haong dom janih biak karei di  bhum taneh Nam Đàn saong tỉnh Nghệ An.

# Brei panuac tacei pato di Nyaom biai ka bruk peih tabiak jalan ngak, jalan  cak rok patagok samar, khang kajap gah cong nghiep ngak kayau saong kaya glai pablei tabiak negar langiu hu peih tabiak di harei 8/8, di Ban raya HCM, Thủ tướng Nguyễn Xuân Phúc tacei lac bruk pablei tabaik negar langiu thun 2019 lac meng 10 tal 11 tỷ đôla Mỹ, mbiah tal thun 2025 lac meng 18 -20 tỷ đôla Mỹ, glaong jang tanut bo Mentri Ngak nong saong patagok palei pala ba tabiak. Urak ini, kayau saong pandap ngak meng kayau hu jeng janih pandap duah jien tame glaong dang dhi 6 di Việt Nam, meblah 6% urang blei lac negar langiu, dang akok dom taneh ia ĐNA; dang dhi 2 châu Á saong dang dhi 5 di dunya. Pandap panda kaya glai pablei tabiak negar langiu, abih di nyu lac kayau saong dom janih pandap ngak meng kayau tagok hu 13% yaok thun, meng thun 2010 -2017.

# Harei 8-8, di mbang nyaom ka 8, mbang nyaom bất thường, HĐ bhap bani tỉnh Phú Yên khóa VII mbang ka 2016 – 2021 hu pok ong Phạm Đại Dương, Thứ trưởng Mentri Khoa học saong Công nghệ ngak Chủ tịch UB bhap bani tỉnh Phú Yên vaktu 2016 – 2021, mek hu taong abih dom phiếu palih ruah. Langiu di nan, mbang nyaom jeng  brei tapa Sarak brei padeih ngak Chủ tịch UBND tỉnh, brei padeih ngak đại biểu Hội đồng bhap bani tỉnh Phú Yên vaktu 2016 – 2021 ngan haong ong Hoàng Văn Trà, piah taduan mek bruk ngak bahrau di Ủy Ban Kiểm tra Trung ương.

# UB bhap bini Ban raya HCM birau hu harak văn bản taduan panuac likau di Sở Pato megru  Ban raya ka bruk khik tamo yaom jien bac thun bac 2018 -2019 sumu yau tun bac 2017-2018.  Tui nan, jien bac ka dom quận yau ye: 1, 2, 3, 4, 5, 6, 7, 8, 9, 10, 11, 12, Bình Thạnh, Phú Nhuận, Gò Vấp, Tân Bình, Tân Phú, Thủ Đức saong Bình Tân yau ini: ngan saong kapol uranaih ala umo 3 thun lac 200 ribau đồng sa bilan sa anek saih; uranaih mau giáo umo meng 3 tal 5 thun  lac 160 ribau đồng sa bilan sa anek saih; pakat THCS saong bổ túc THCS lac 100 ribau đồng sa bilan sa anek saih; pakat THPT saong bổ túc THPT lac 120 ribau đồng sa bilan sa anek saih.

      Daok pakat tieu học oh abih jien bac. Bruk miễn jien bac ka anek saih bac hệ chuyên di dom sang bac THPT chuyên saong sang bac THPT hu tal bac chuyen hu khik yua dom thun bac dahlau.

 # Biar harei 8/8, Đồn Biên phòng Cửa khẩu Dunya Bờ Y- Bộ đội Biên phòng Kon Tum pambuak haong Công an huyện Ngọc Hồi, Phòng Cảnh sát PC47- Công an tỉnh Bình Định hu cap khik Nguyễn Chí Thiện, ndih tapui thun 1989 – urang pandar phao cuh metai manuac dalam tuk nhậu di bal Quy Nhơn. Dahlau di nan, jaik 21 tuk harei 1/8, dalam tuk mbang menyum haong ayut dalam quán angaok jalan Nguyễn Duy Trinh, bal Quy Nhơn, tỉnh Bình Định, Nguyễn Chí Thiện saong kapul nyaom likei dam daok nhậu bàn taphia methuh gauk. Thiện suak phao tabiak cuh tame sa-ai Nguyễn Hà Việt (umo 30 thun), daok di phường Đống Đa, bal Quy Nhơn ngak ka sa-ai Việt metai angaok jalan ba tame sang iek ruak.

 Khaw tin dunya:

# Harei 8/8, dom urang điều tra di negar Trung Quốc brei mek veik dom janih vaccin oh siam kayua Công ty jru Trung Quốc Changchun Changsheng Life Sciences Ltd. Ngak tabiak, pablei dalam taneh ia saong pablei tabiak negar langiu. Dom urang nan hu mboh c.ty ini sraw asar janih ia abih pandar hu tame ngak vaccin  saong ngak ho so ja meng akaok bilan 4 thun 2014. Tui AP, angan dom taneh ia hu jru vaccin di C.ty Changsheng oh brei thau min bruk mek veik vaccin ja hu pambak tal negar langiu, ngak trun angan je gah jru tavao di Trung Quốc.

# Bhap bani bal sit Xin-vét (Silves), gah Meraong Bồ Đào Nha, hu ba nao daok di labik karei tuk apui khuah glai daok pambak prong di labik ini. Truyền hình Bồ Đào Nha brei mboh bhap bani pok dom adei ranaih, dom drei asau angaok tangin, tui jalan tacei ba di cảnh sát piah tabiak truh thak jhuk par kapal. Tui kuhria yaok rituh lính daong padam khuah saong binh sĩ gam haong ralo sruh kapal haok dahlau di nan njauk kham merat padam apui di bal sit padeih padei Mô-chích (Mochique) gah Meraong negar ini. Angin khang ngak ka glai khuah pambak prongm, ngak kan kandah tal bruk padam apui. Khuah glai khang ralo harei tapa di khu padeih padei gah meraong Bồ Đào Nha ngak ka 30 urang njauk rambuis, dalam nan hu sa urang njauk rambuis trak.

# Ốt-xtrây-lia (Australia) harei ini brei thau mek veik quốc tịch di 5 urang dalam nan hu 3 urang likei, 2 urang kumei kayau tame kol IS.  Harak quyết định ini hu ba tabiak piah pacang cakak dom urang nan gilac veik mai palei negar di drei ngak dom bruk taong paoh patuh phao ndao. Tui harak mbao The Daily Mail, Australia hu 230 bhap bini tame kol IS, dalam nan hu 90 urang metai tuk tame dom mbang patuh phao ndao di negar langiu./.