bruk mesup harei ini 14/11, Quốc hội pang ong Lê Minh Khai - Tổng Thanh tra Rajaei, thừa ủy quyền di Thủ tướng Rajaei, puac harak pathau khan bruk langyah khiếu nại, tố cáo di bhap bini thun 2018.

Tui nan, thun 2018, bruk khiếu nại, tố cáo di bhap bini hu rilo đơn thư jang, min bruk langyah jeng hu rilo jang dut saong thun 2017. Tui nan, abih tih đơn khiếu nại, tố cáo tagok 11,8%, dom bruk  khiếu nại, tố cáo tagok  4,7%. Dom đơn khiếu nại gah taneh riya lac rilo di abih. Bruk khiếu nại, tố cáo di bhap bini daok rah tabiak rilo saong khang jang. Dom bruk khiếu nại, tố cáo rilo menuac hu bruk hu langyah min bhap bini oh njauk hatai, daok tui bruk khiếu nại, tố cáo . Njauk caik hatai lac hu dom kol kanjah jhak, pagam pambak tame bruk khiếu nại, tố cáo piah pacuh pajarak bhap bini pataom gauk rilo menuac, ngak srau kadau puk palei..

# Công ty TNHH Hàng không Tre Việt (Bamboo Airways) barau hu brei harak adat ngak mbang pajeng ba gah kapal ahaok. Tui nan, bruk pajeng ba di Bamboo Airways hu: menuac urang, pandap panda, kadung, bưu gửi; janih pajeng ba lac thường lệ saong oh thường lệ. Phun Jien điều lệ angaok harak adat par lac 700 tỷ đồng. Tui bruk ba tabiak, Bamboo Airways meda peih 100 jalan par pambuak pagam dom ban praong saong libik nao du lịch danei angan di Việt Nam, jeng ye dunya. Tuk akaok mereip, hãng hu peih dahlau dom jalan par dalam taneh ia yau Hà Nội - Quy Nhơn, Hà Nội - Đồng Hới, ban raya HCM - Quy Nhơn.

3#Harei ini, bruk xét xử 2 urang dahlau daih ngak tướng công an lac Phan Văn Vĩnh, Nguyễn Thanh Hóa dalam jalan talei me-in mbia ribau tỉ đồng  yam tapa harei ngak bruk ka 3. Tui cáo trạng, piah hợp thức hóa yaok ribau tỉ duah hu meng bruk peih me-in mbia, Phan Sào Nam, Nguyễn Văn Dương hu rao jien tui rilo jalan ngak, dalam nan hu bruk buh jien tame ngak dự án BOT, rilo sang danaok, taneh riya yaom yaok ribau tỷ.

# Urak ini, yaok thun dom doanh nghiệp dalam taneh ia caong hu 9 tỷ m²  khan bai, dalam tuk dalam taneh ia tok ngak tabiak hu 4 tỷ m² khan brei yau nan ye rilo nguyên liệu piah ngak dom pandap jhik pablei tabiak taneh ia lingiu doanh nghiệp njauk blei meng taneh ia lingiu. Kayua kurang nguyên liệu khan bai dalam taneh ia yau nan ye dom doanh nghiệp gaok kan kandah dalam bruk ngak. Doanh nghiệp dalam taneh ia njauk ngak pandap gia công miat. Taphia nan, doanh nghiệp jeng kan si pandar hu ưu đãi yaom kak je tuk pablei tabiak taneh ia lingiu dalam khối CPTPP tuk hiệp định ini ba tame pandar. Piah pasiam bruk oh lagaih ini, tui rilo doanh nghiệp menyim, jhik, rajaei njauk hu sarak ưu đãi dalam bruk patagok gah menyim, nyom.

# Dalam 10 thun tapa, dom gah chức năng tỉnh An Giang duah mboh, pasang iek, duah thau, langyah labaih 920 bruk gam saong 1.600 urang pambuak tal ma túy. Dalam nan hu ba tabiak truy tố jaik 630 bruk, jaik 970 urang, ba tabak xét xử 530 bruk, labaih 7450 bị cáo. Jeng dalam tukvak ini, An Giang cap mek hu labaih 1.900 gam heroin; jaik 1650 gam ma túy tổng hợp. Dom labik iek ruak saong cai nghiện ma túy di tỉnh hu padang ngak bahrau, hu taduan, khik iek saong cai nghiện ka jaik 3.920 mbang urang nghiện, hu peih bruk cai nghiện ma túy di sang saong dalam bhap bini ka jaik 180 urang. 

Khaw tin dunya

# Harei kabroi hu tal 20 urang njauk rambuac hadei di tuk sa sruh radaih ô tô ginuh tame gah anak sa tòa sang an sinh xã hội di ban sit  Éc Ha-bờ (Egg Harbor), bang Niu Giơ-di (New Jersey), gah timul taneh ia Mỹ. Tuk  bala rah tabiak hu 4 urang hu mbaok angaok radaih, hu dua uranaih, min oh hu thei angaok radaih njauk rambuis trak. Tui urang jakar puk palei, urak ini oh mboh hagait lac bruk ngak nan mai meng hatai khin.

# Cao ủy Liên Hợp Quốc ka urang tỵ nạn (UNHCR) bahrau brei thau, 262 urang nhập cư suan adat hukum hu ba meng Li-bi tal Ni-giê harei 12/11 meng bloh. Dalam sa panuac khan, UNHCR brei thau, tal urak ini, hu labaih 2.340 urang hu ba tabiak truh Li-bi saong jabat ini daok caong ka sa harei hadei hu siam mekre jang.

# Tal tukvak ini, dom kapul padam khuah Mỹ pacang hu takik abih 30% dua mbang khuah praong di gah Brak saong meraong bang Ca-li-phoóc-ni-a, min tui kuhria, bruk angin khang meda patuh tabiak ngak ka apui meda pambak praong di dom harei tal, mbuan palai pajoa yaok pluh rabau baoh sang dalam bang. Takik abih 44 urang metai, dom urang metai glaong abih kayua dom mbang khuah glai dalam sajarah bang Ca-li-phoóc-ni-a. Yaok ratuh urang jeng daok lihik saong labaih 7 rabau baoh sang khuah ralai abih. Jaik 150 rabau urang hu ba nao tal libik siam mekre, salamat./.