Pahadar 71 thun Harei Thương binh liệt sĩ (27/7/1947 - 27/7/2018), Bộ Chỉ huy Bộ đội Biên phòng thành phố Đà Nẵng pambuak haong karja puk palei pasiam veik saong padang ngak bahrau 13 baoh sang ranam alin brei ka urang buh pren ka cách mạng, ngan haong yaom jien 300 triệu đồng. Tapa nan, Đồn Biên phòng dom cơ sở hu pok brei yaok rituh pok pandap ka dom baoh sang sarak karja hu rai diuk kan kandah.  Bộ đội Biên phòng thành phố Đà Nẵng daok hu raong 9 Mẹ Việt Nam Anh hùng. 

# Peih ngak danak dak pasang iek pacang cakak bruk bơm tạp chất tame hadang nguyên liệu song sản xuất, pablei salih hadang hu tạp chất di Mintri ngak nong song patagok palei  meng thun 2017 tal ni, 4 tỉnh di bhum taneran krong CL lac: Cà Mau, Bạc Liêu, Sóc Trăng, Kiên Giang hu pasang iek 327 mbang chap hu 118 labik bơm tạp chất tame jiak 24 tấn, pok jien tong phạt 3,7 tỷ đồng.

       # Meng adit kreh bilan 7 nao, pajaih limo sữa A2 mbang akaok meti hu Vinamilk blei meng New Zealand mai ka Việt Nam daok tabiak hu dom dòng sữa A2 akaok meti di trang trại limo sữa Thống Nhất, Thanh Hoá. Bruk Vinamilk blei  limo pajaih A2 ini mai Việt Nam oh lac tok ba mai ralo kein laba ka urang blei pandar bo daok brei mboh hu bruk cakrok patagok di Vinamilk jeng yau gah ia tasau limo di Việt Nam angaok darak pasar dunya. Ini lac mbang yam akaok meti di công ty cổ phần sữa Việt Nam Vinamilk dalam bruk peih prong saong parilo tapol limo sữa piah pabak ka urang blei pandar Việt Nam.

        # Jiak 27 ribau sang trọ di tỉnh Đồng Nai dok kuhria jien điện pandar  ka urang dok  trọ njauk tui quy định, lac 160 ribau tanut pandar điện. Bruk ngak siam yaom điện dong ka yaok ribau urang pah sang trọ trun jien pandar cai yaok bilan, tani tanat rai duik, abih di nyu nan lac công nhân, urang ngak kan kathaot, sinh viên, anek saih.

        # Phòng Cảnh sát tội phạm gah môi trường- Công an tỉnh Bến Tre brei thau lac bahrau mboh 22 phương tiện bơm mek duah dalam melam, ngak hồ sơ xử lý tui njauk adat. Tui nan, melam harei 18/7, gah cảnh sát môi trường peih bruk pasang iek angaok kraong Cổ Chiên, dalam huyện Chợ Lách hu duah mboh 22 sàn lan daok bơm mek cuah di dom labik oh brei adat. Jabat chức năng hu taong phạt hành chính yaom jien jaik 140 triệu đồng. 

Khaw tin dunya 

# Hajan praong gam gam dalam dom harei tapa ba tal ia sua khang di huyện Đông Hương dalam châu Lâm Hạ, tỉnh Cảm Túc, Trung Quốc. Kuhria tal tuk vak ni, ia sua ngak ka 9 urang metai, 7 urang lahik song  39 urang karei njauk rambuac. ia sua jeng dui  jaleih song ngak khut 1.539 boh sang, ba theik 1.600 drei athur, lam lahik 6.500 héc ta njam patam. Karja labik ni hu panduan ba jiak 2.500 urang tal labik siam mekre, saong daok pasiam veik khut khat kayua ia sua rah tabiak.

  # Hàn Quốc hu brei tapa quy định bahrau ka adit ngak bruk. Raja-ei pandar taong abih dom công ty karja saong tư nhân hu meng 300 urang ngak tagok, njauk peih ngak bruk patrun tukvak ngak bruk meng 68 tuk/tuần trun daok 52 tuk/adit. Dalam nan, urang ngak meda ngak bruk thông thường ralo abih 40 tuk/adit gam 12 tuk ngak langiu giờ. Yau nan min, sa công ty roh duah bruk ngak Hàn Quốc hubrei thau ka kết quả roh duah, labaih sa meteh urang ngak bruk văn phòng di negar ini jeng njauk nao ngak bruk di puac adit, bất chấp bruk Raja-ei daok kham merat daong urang ngak hu bruk cân bằng dalam bruk ngak saong rai diuk di drei.   

      # Quốc hội Ai Cập bahrau brei tapa sa hukum brei adat ka dom jabat karja meda tah klaak atau pacang cakak dom tài khoản truyền thông mạng xã hội jang yau tong phạt dom jabat báo chí patabiak dom khau tin ja. Tui nan dom tài khoản mạng xã hội yau Facebook song Twitter atau blog hu menuac tui iek tagok tal 5000 urang hu mong lac jalan truyền thông, song tuk nan meda njauk truy tố meyah ba tin tức suan atau pacuh pajarak ngak suan hukum./.