# Harei ¾, kapan cảnh sát tasik 8004 hu vaih tame rivang xã đảo Song Tử Tây, huyện đảo Trường Sa, tỉnh Khánh Hòa rivang song brei pandap ka urang jakar, urang lin, bhap bini xã palao. Jeng dalam mbang ni, kapul hu pathau khan tal bhap bini dom bruk bo mik va tong chap ikan brei thau tuk tong chap atah tasik, labik brei tong chap di bhum tasi, jang yau dom asal kadha ka bruk ngak meng kan di gah cảnh sát tasik VN song Bộ tư lệnh bhum cảnh sát  tasik 1.

      # Chi cục khik iek drak pasar dom tỉnh Lạng Sơn, Cao Bằng, Hà Giang, Lai Châu, Điện Biên, Lào Cai, Phú Thọ, Hưng Yên, Hải Dương, Hà Nội, Quảng Ninh, Thanh Hoá, Nghệ An, Quảng Bình, Đà Nẵng, Cần Thơ saong ban raya Hồ Chí Minh daok  cap khik labaih 40 ribau lít alak. Taong abih, dom labik ngak alak, pablei salih alak oh ka ngak njauk bruk pathau khan định kỳ atau tui panuac tacei di jabat khik iek karja, ngak kan kandah dalam bruk pataom iek, taong yaom bruk ngak alak, pablei salih alak.

      # Tui jalan ngak lac “ Yaok urang đoàn, dam dara sa bruk ngak siam, yaok cơ sở đoàn sa bruk ngak cambaih laih hu mbaok tame bruk padang ngak palei pala bahrau, tapa sa bilan kham merat pachreih tame bilan dam dara thun 2017, dam dara Cần Thơ hu padang ngak bahrau song pasiam veik labaih 120 km jalan mbak tong abih phun jien labaih 5 tỷ đồn, ngak bahrau 6 boh tatua palei pala hu yaom labaih 1,5 tỷ đồng, langyah song dong duah bruk ngak ka labaih  4.600 dam dara, duah bruk ngak ka labaih 2.200 dam dara, patom mek labaih 60 tấn hareik harom.

      # Đồng Nai lac tỉnh hu tapon pabui praong abih dalam taneh ia, jaik 1,8 triệu drei. Bruk ini ngak ô nhiễm môi trường, ngak jhak tal pren yava di bhap bini, ngak lahik mỹ quan đô thị. Meng bilan 8/2016, UB bhap bini ban Biên Hòa tỉnh ĐN peih bruk cưỡng chế tui jalan padeih pabak điện pandar  dom baoh sang raong pabui di dom phường Long Bình, Trảng Dài saong Tân Phong.  Hadei di 8 bilan peih ngak, hu 188 baoh sang padeih raong, min, 14 baoh sang daok veik yaom lac njauk xử phạt hành chính min jeng daok raong pabui.

      # Kuhria tal tuk vak ni, urang nong tỉnh Bạc Liêu hu palao rong jiak  110.000 ha hadang, tagok labaih 95% mblang taneh rong pala kaya ikan di tỉnh. Tui gah ngak nong tỉnh BL , yaom lac dalam dom bilan akaok thun langik oh ka siam, ngak khat lihik oh sit tal bruk rong hadang. Min gam song tacei jalan khang di karja puk palei dom pakat, bruk tui iek jit ruak kajap, buh jien tabiak di urang nong, yaom hadang nguyên liệu di darak pasa dang di tanut glong, hu tani tanat, urang rong hadang sahaneng hatai patagok bruk rong glang

      # Tui pathau khan di sở jalan mbak pajeng ba ban raya HCM, meng harei 22/4 hu ramik veik bruk nao mai angaok dom jalan labik pasak ban raya piah duh bruk padang ngak nhà ga Bến Thành mbang 2 – dự án padang ngak tuyến metro 1 (Bến Thành – Suối Tiên). Dom jalan hu ramik veik bruk nao mai lac Trần Hưng Đạo, Phạm Ngũ Lão, Lê Lai, Yersin saong Ký Con. 

     # Sở Văn hóa, Thể thao Đà Nẵng, Công ty Sunrise Events Việt Nam pambuak gauk peih họp báo brei thau ka bruk pakacah Ironman 70.3 Vietnam 2017, hu rah tabiak di harei 7/5 di ban Đà Nẵng, song hu mbaok di labaih 1.250 vận động viên mai meng 52 negar di dunya; dalam nan, po sang VN hu 330 vận động viên.

      Patui di ini dom khau tin dunya:

     # Công báo Hoàng gia Thái Lan brei thau, Hukum negar barau di taneh ia ini hu patabiak di harei 6/4 – harei pahadar Vương triều Chakri – dalam sa var lễ kayua pataoVa-gi-ra-long-con dang tabiak. Tapa nan, Hukum negar barau hu pik tagok piah patao TL mbaoh tangin tame saong hadei di nan hu jao ka Thủ tướng Pray-út Chan-ô-cha.

     # Gah pasang iek môi trường Trung Quốc hu tagok bruk tui iek ô nhiễm di ban ine Bắc Kinh kayua sa mbang suah pacang sre khu vực. Tui kuhria, mbang ô nhiễm không khí bahrau ni daok rah tabiak di grauk labik, pacang tong abih Bắc Kinh, Thiên Tân, Hà Bắc meng ni tal harei 7 bilan 4, dalam nan dom ban Thiên Tân, Đường Sơn, Lang Phường song An Dương.

    # Tổng thống Mỹ Đô-nan Trăm harei ini, 4/4 hu kế hoạch taom gaok jaik 50 urang dang akaok doanh nghiệp Mỹ di Nhà Trắng piah ginum meyai dom jalan ngak salih barau bruk pablei salih. Mbang taom gaok ini jeng hu mbaok giám đốc điều hành di ralo tập đoàn praong yau Xi-ti -grúp, Blách-xtôn Grúp, Giét-Blue E-uây, Max-tơ-cát saong Sàn giao dịch chứng khoán Niu Yooc)./.