Khaw tin pagaiy harei 10-1

      # Biar harei kabroi, 9/1, pak Hà Nội, Thủ tướng Nguyễn Xuân Phúc raok Phó Thủ tướng, Akaok Mentri Nội vụ Cam-pu-chia Xăm-đéc Krô-la-hom Sar Kheng daok rivang saong ngak bruk pak Việt Nam. Thủ tướng ndom lac sarak dahlau hadei oh salih karei di Đảng, Karja Việt Nam tuk halei jeng caong khin pakhang pasiam talei rohim "Negar jaik taphia siam gheih, rohim meng kan, pambuak bruk taong abih gah, khang kajap suak lavik” haong Cam-pu-chia. Thủ tướng ndom lac, bruk dunya, khu vực daok hu ralo cuang kandah, tavak tave, srau dhau, dom thế lực thù địch dak harei dak patagok bruk chống phá, min yaom lac daok dalam bruk yau halei, dua negar jeng khik talei gul pataom, pambuak bruk meng kan.

          # Di Hà Nội, Ủy viên mintri Chính trị, akaok Ủy ban Trung ương Mặt trận negar Việt Nam Nguyễn Thiện Nhân hu taduan mek 100 triệu đồng daong bhapbini gah kreh negar saong Tây Nguyên pasiam dom khut khat meng hajan xua kayua kapul urang dang akaok, urang jakar, phóng viên, biên tập viên, urang ngak di Thông tấn xã Việt Nam saong 1.180 EUR di bhapbini urang Việt Nam di bhum Dillingen an Der Donau -BRD, Cộng hòa Liên bang Đức alin. Di var taduan mek, akaok Ủy ban Trung ương Mặt trận negar Việt Nam Nguyễn Thiện Nhân brei thau : Thun 2016 bala trak ngak ka yaok rabau urang laik tame raidiuk kan kandah, lihik sang danaok, drap ar yau nan ye caong khin hu daong lac biak praong. Ông brei thau, mặt trận meda drak samal ba jien daong nao tal dom tỉnh gaok hajan xua, pamaong tal bruk ramik psiam sang ka bhapbini piah raok Tết Nguyên đán.  

       # Harei 9/1, pak tỉnh An Giang, Kapul urang ngak bruk Raja-ei kayua ong Trương Hòa Bình, Ủy viên Bộ Chính trị, Phaok Thủ tướng thường trực Raja-ei, Akaok Ban Tacei pato pacang cakak buôn lậu, bleik saleik dalam bruk pablei salih saong pandap ja (BCĐ 389 negar) ba akaok hu van ngak bruk haong tỉnh An Giang saong dom gah pambuak pagam gah ngak mbang kinh tế - xã hội, bruk mesruh metak pacang cakak buôn lậu, bleik saleik dalam bruk pablei salih saong pandap ja dalam tỉnh. Phaok thủ tướng ndom lac, An Giang lac tỉnh hu jalan tapen negar atah  laghaih ka kol buôn lậu. Kayua yau nan ye, anak tal An Giang njauk patui veik sangka jang bruk pacang cakak buôn lậu saong bleik saleik dalam pablei salih; langyah catang dom urang jakar những nhiễu, ba jalan ka kol buôn lậu.   

      # Melam 9/1, di ban sit Vinh, tỉnh Nghệ An peih danakdak “ tet kayua urang kathaot  – Đinh Dậu thun 2017". Dalam 3 thun tapa, danakdak “ Tết kayua urang kathaot " tỉnh Nghệ An hu jak ba labaih 1.000 libik, doanh nghiệp saong menuac urang daong jaik 90 tỷ đồng ka labaih 165 rabau mbang sang kathaot dalam tỉnh hu alin pandap Tết. Min, Nghệ An jeng daok jaik 75.000 sang kathaot, ridaiuk bhapbini abih di nyu nan lac bhapbini bhum ceik, bhum atah bayah daok gaok rilo kan akandah njauk hu klah rabha, sangka daong abih di nyu nan lac tuk Tết Nguyên đán Đinh Dậu 2017 jaik tal. Di danakdak hu labaih 273 libik, doanh nghiệp, dom urang hảo tâm saong menuac urang daong urang kathaot Nghệ An labaih 42 tỷ đồng.

       # Peih mbang pasang iek liên ngành khik caga  vệ sinh an toàn pandap mbang menyum tukvak Tết Nguyên đán Đinh Dậu 2017, biar harei 9-1, Kapul urang pasang iek liên ngành ka vệ sinh an toàn thực phẩm tỉnh Gia Lai peih bruk pasang iek labik ngak cà phê bột Ngọc Thành di ong Nguyễn Ngọc Thành, di labik 31 jalan Bế Văn Đàn, bal Pleiku. Kapul urang pasang iek duah mboh  28 kg cà phê tabung saong 129 kg nguyên liệu hu srau meluk gauk. Dalam yaok pok  jeng pandap, cà phê tok hu 10%, daok veik 90% nan lac asal đậu nành saong dom janih phụ gia. Kapul urang pasang iek di tỉnh hu ngak biên bản taong phạt hành chính, brei padeih ngak, cap mek taong abih pandap saong nguyên liệu ba nao am cuh klaak.

          # Meng ini tal dahlau Tết Nguyên đán Đinh Dậu 2017, Ủy ban Mặt trận negar tỉnh Đắc Lắc pambuak bruk saong dom pakat ủy Đảng, karja, kapul nyaom, dom doanh nghiep saong urang hảo tâm… ba dom kapul nao ravang, alin pandap Tết ka dom amaik Việt Nam Anh hùng, dom sang liệt sĩ, thương, bệnh binh, sang buh pren yava ka cách mang saong dom sang kathaot, kan kandah….Tui kuhria, yaok paok pandap yaom meng 300 tal 800 rabau đồng, hu ahar, kẹo, dom pandap pandar yaok harei saong jien.

        # Pataom iek veik bruk pakacah “Vì an ninh Tổ quốc” thun 2016, gah  Công an bal Cần Thơ hu 30 kapul nyaom, manuac urang naih gheih dũng cảm mưu trí mesruh metak pacang cakak tội phạm, abih hatai ngak bruk brei ka bhap bani hu  Akaok negar pok brei Huân chương chiến công pakat sa, dua, klau saong Huân chương pacang khik palei negar pakat 3 saong jaik 90 kapul nyaom, manuac urang hu Raja-ei saong Mentri Công an brei harak pok meyaom. Praong abih dalam thun tapa nan lac gah công an bal raya ngak siam bruk tham mưu ka  Thành ủy, pakat ủy, karja patabiak ralo harak tacei pato peih ngak bruk khik caga grap tanat an ninh trật tự, samar langyah dom bruk ngak ô nhiễm môi trường, ngak brei ka bhap bani duh hatai. Pacang khik siam mekre dom labik trọng điểm, dom bruk ngak chính trị prong, bruk ngak di dom urang pal akaok Đảng, Karja saong dom kapul nyaom dunya.

        Khaw tin dunya

         #Yaok ratuh urang njauk klak sang danaok hadei di tuk sa mbang ribuk praong pambuak saong hajan praong, angin khang saong tanyaak ba tal dom mbang jaleih taneh saong xua praong di gah Brak Ca-rô-li-na saong Nê-va-đa, Mỹ.  Di  Xô-nô-ma, dom sang bac jeng kareik bambang, sang danaok njauk ba nao libik karei saong yaok rabau urang daok dalam sang oh hu menyeik, rilo canah jalan oh nao mai hu. Duh hatai ka jaleih tuyết daok mbuan rah tabiak kayua hajan praong di libik gah Brak Xia-ra Nê-va-đa (Sierra Nevada). Hajan praong jeng tuh trun gah meraong Ca-li-phoóc-nia pagaiy harei 09/01 saong hu panuac brei thayu lac mbuan jaleih haluk di dom libik mbon ceik.

       # Cuba haong Mỹ harei kabroi hu mboh tangin tame sa harak sanya piah pacang caga bruk sre menyek di Vịnh Mê-hi-cô, rah tui takai tasik bang Flo-ri-đa di Mỹ. Tui nan, dua gah njauk hatai hu mbaok tame  kapul pacang caga, pasang iek saong ngak hacih menyek sre dalam bhum tasik di dua gah pak Vịnh Mê-hi-cô . Urak ini Mỹ saong Cuba daok jhul samar bruk hoàn thành dom thỏa thuận daok karei di gauk dahlau di tuk Tổng thống đắc cử Mỹ Đô-nan Trăm ( Donald Trump) tagok rai di harei 20 bilan 1 tal. Tui Lambaok urang ngoại giao di Mỹ pak Cuba ong Giép-frây Đơ Lau-ren-tis (Jeffrey DeLaurentis), thỏa thuận ini piah pacang khik  môi trường biển chung di dua negar jaik taphia.  

      # Kum mùa daok mbuan njom mbak jeng jit di Cộng hòa Séc tuk dom urang njaom saong metai tagok samal di tukvak jaik di ini. Kayua huac lac ruak meda pambak jeng jit, harei 9/1 mintri Y tế Cộng hòa Séc hu tabiak lệnh pakauk pablei tabiak jru Tamiflu hu pandar piah iek dom ruak ka kum. Dalam tuk nan dom sang iek ruak di dom libik hu urang njaom ruak hu tabiak lệnh pakauk atau brei takik urang dalam sang nao ravang urang ruak, piah trun takik bruk mbuan pambak ruak tabiak bhapbini. Tui kuhria di gah y tế,  bhapbini Séc klauk vắc-xin caga kum biak bair, meblaih jaik 5% dalam abih tih labaih 10 triệu bhapbini di taneh ia ini./.