Khaw tin pagaiy harei 10/2

     # Page harei 9/2, Phaok Thủ tướng Trịnh Đình Dũng hu van ngak bruk haong Công ty Thiết kế saong tư vấn padang ngak công trình hàng không (ADCC) dalam Mentri Quốc phòng – Jabat hu Thủ tướng Raja-ei jao bruk tư vấn ramik veik quy hoạch piah peih prong, patagok mblang kapal haok Tân Sơn Nhất. Phó thủ tướng pandar gah Công ty njauk hu jalan ngak piah pachreih bruk bhap bani buh jien tame ngak, jak ba dom doanh nghiệp buh jien tame ngak; khik kajap chất lượng công trình. Abih di nyu nan lac khik kajap an toàn dalam tukvak peih ngak, khai thác, pandar công trình; khik kajap an toàn, an ninh hàng không. 

      # Ngak tui tacei pato di Thủ tướng Trương Hòa Bình, mintri jien padai barau buh brei mbang 2 pok jien 1.680 tỷ đồng ka 4 puk palei meng kadung jien di Công ty TNHH Gang thép Hưng Nghiệp Formosa Hà Tĩnh bayar khat lihik ka urang gaok sự cố môi trường tasik. Cambaih laih, mintri jien padai  buh brei mbang 2 ka 4 tỉnh là Hà Tĩnh 560 tỉ đồng, tỉnh Quảng Bình 760 tỉ đồng, tỉnh Quảng Trị 160 tỉ đồng saong Thừa Thiên-Huế 200 tỉ đồng.

     # Thun bac 2017 - 2018, sang bac Đại học Kinh tế Đà Nẵng daok palih ruah tuyển sinh dom tổ hợp môn truyền thống oh klaak tapa yau jalan palih ruah tuyển sinh hu brei thau dahlau di nan. Tui nan, sang bac meda tuyển sinh tui dua nyaom ngành ngan haong dom tổ hợp môn xét tuyển cambaih laih yau hadei: Nyaom sa: Mã tổ hợp môn: A00 (Toán, Vật lí, Hóa học), A01 (Toán, Vật lí, Tiếng Anh), D01 (Ngữ văn, Toán, Tiếng Anh) saong D90 (Toán, Khoa học tự nhiên, Tiếng Anh); Nyaom 2: Mã tổ hợp môn xét tuyển lac: A00 (Toán, Vật lí, Hóa học), A01 (Toán, Vật lí, Tiếng Anh), D01 (Ngữ văn, Toán, Tiếng Anh) saong D96 (Toán, Khoa học xã hội, Tiếng Anh); 

       # Dalam huyện Lạc Dương, tỉnh Lâm Đồng hu labaih 3.600 ha cà phê, rilo meng lac pajaih cà phê arabica, hu tal 3.300 ha daok gaok bọ xít jamaok palai kaik. Rilo taneh cà phê urak ini daok tamuh caduk meda, lac janih bọ xít jamaok palai kaik, thun hala meda ba tal bruk quang hợp, praong di phun suai jang. Meyah oh hu bruk pametai bọ xít jamaok drak samal lac năng suất, chất lượng caphe huyện Lạc Dương vụ tal njauk khut trak. 

     # Amuk Trần Thị Nga, Phaok Akaok Ủy ban bhap bani tỉnh Kon Tum brei thau: tỉnh kham merat tal thun 2020 pakajap,  khik ramik saong patagok khang kajap ngan haong dom xã mek hu chuẩn palei pala bahrau, nao gam haong bruk pataom tame padang dom xã hu điều kiện, yaok thun mek hu meng 1 tal 2 tiêu chí tagok angaok sa xã tui bộ tiêu chí negar ka chuẩn palei pala bahrau. Tỉnh kham merat tal thun 2020 hu 25 xã mek hu chuẩn palei pala bahrau.

     # Glut jaleih ar kraong Cái, tỉnh Khánh Hòa daok rah tabiak dah harei dah trak ngak ka yaok ratuh saong bhapbini gaok kan kandah dalam tuk nan puk palei kurang jien piah ramik pasiam. Urak ini canah ar kraong Cái tapa dom xãVĩnh Ngọc, Vĩnh Phương, Vĩnh Thạnh, ban sit Nha Trang  glut jaleih trak abih. 

     # Biar harei 9/2, pak mbang nyaom haong Sở Du lịch Bal raya Hồ Chí Minh, Phaok akaok Ủy ban bhap bani bal raya Trần Vĩnh Tuyến brei thau: thun 2017, bal raya kham merat mek hu mục tiêu taduan raok 6 triệu mbang tuai damuai dunya. Ong Bùi Tá Hoàng Vũ, Akaok Sở Rivang ma-in bal raya Hồ Chí Minh brei thau meda pataom tame bruk cakrok patagok sản phẩm du lịch bahrau tui gah du lịch hu trách nhiệm haong truyền thống, haong ilamo, môi trường, bhap bani: Khaol dahlak meda pataom tame patagok không gian đô thị yau Cần Giờ, Củ Chi; peih ngak dom tour du lịch pagam haong palei ngak saong gam haong puk palei piah dak padang dom janih pandap bo tuai damuai meda cảm nhận hu bruk cakrok patagok di đô thị saong bruk lắng đọng labik bhum palei di bal raya.

      Khaw tin dunya

      # Cục Chính sách saong Kế hoạch, mintri Thương mại Thái Lan barau khan brei thau bruk roh duah ka dom sarak kinh tế di Tổng thống Mỹ Đô-nan Trăm (Donald Trump). Roh duah khan lac, kinh tế Thái Lan oh gaok kan kandah tapak kayua dom sarak kinh tế di Tổng thống Mỹ barau di tukvak tal saong Thái Lan daok maong mboh jalan jhul khang pablei salih saong Trung Quốc haong Mê-xi-cô (Mexico) tuk Mỹ patrun pambuak mbuak kinh tế saong dua taneh ia ini.  

    # Karja bal Paris brei thau tháp Ép-phen (Eiffeil) - biểu tượng di negar Pháp meda hu pacang caga meng sa daning kareih pacang cak đạn glaong 2,5 mét. Ini lac sa dalam dom jalan ngak piah pacang cakak bruk tấn công khủng bố pak labik dakrai sajarah daneiy angan di negar Pháp.

     # Dalam mbang taom gaok Tổng thống Mỹ Đô-nan Trăm harei  10/02, thủ tướng Nhật Shin-dô A-bê kuhria caga ba tbaiak dom mbang ginum biai dua gah ka pablei salih , an ninh, saong dom bruk kinh tế praong dalam nan hu bruk jien padai.  Thủ tướng A-bê meda nao tal  Mỹ saong caong khin dom panuac sanya daong ba brei bruk ngak di Mỹ saong paglaong bol bala Nhật, meda thuyết phục tổng thống Đô-nan Trăm trun takik dom bruk pablei salih saong tiền tệ jeng ye daong talei pambuak bruk đồng minh suai livik di dua taneh ia.