Khaw tin pagaiy harei 10/3/2017

       # Tukvak tapa, bruk buôn lậu, pajeng ba pandap ja, pandap pakauk daok hu mboh ralo angaok dom tuyến pabah mbang negar, angaok tasik, dalam nội địa; bruk ngak suan niên  yết yaom pablei pandap, ngak tabiak, pablei salih pandap panda abih harei pandar, pandap ja, pandap ngal mblah, pandap oh chất lượng, pandap oh thau cambaih asal di nyu daok hu mboh biak ralo. Anak bruk yau nan, Phaok Thủ tướng Trương Hòa Bình, Akaok ban tacei pato pakat negar pacang cakak buôn lậu, bleik saleik dalam bruk pablei salih saong pandap ja (Ban tacei pato 389 negar) ndom lac, tukvak anak tal meda patagok kỷ cương, kỷ luật công vụ, pacang cakak dom biểu hiện tiêu cực, tham nhũng di urang jakar, công chức dom lực lượng chức năng meng Trung ương tal dom puk palei, kiên quyết xử lý catang dom trường hợp vi phạm, hu hành vi pacang, daong ba bruk buôn lậu.

       # Hadei di 3 harei ngak bruk, harei kabroi (9/3), nyaom roya urang kumei pakat negar mbang yaka XII, tukvak 2017 - 2022 hu tamat blaoh. Akaok Trung ương kapul Liên hiệp urang kumei Việt Nam khóa XII Nguyễn Thị Thu Hà ndom lac : nyaom roya biak dân chủ, hu ginum biai saong brei tapa dom văn kiện praong; brei mboh hatai kham merat salih barau khang, abih asal kadha dalam bruk ngak di Kapul dom pakat, piah ngak siam labik dang dahlau di bruk urang kumei; ba jalan pachreih dom rai urang kumei paglaong pren, tari tarieng, sáng tạo, trách nhiệm dak apdang taneh ia...

      # Mentri Lao động Thương binh saong Xã hội bahrau tabiak Thông tư Quy định quy chế tuyển sinh saong brei thau ka chỉ tiêu tuyển sinh trình độ trung cấp, cao đẳng. Tui nan, tukvak tuyển sinh di dom sang bac trung cấp, cao đẳng hu peih ngak sa mbang atau ralo mbang dalam thun. Bruk tuyển sinh meda tui jalan xét tuyển, thi tuyển atau pambuak thi tuyển haong xét tuyển. Quy chế tuyển sinh meda kayua dom sang bac ba tabiak, grap tanat hu dom asal kadha tui adat di Mentri Lao động Thương binh saong Xã hội yau: ngành, nghề đào tạo, tukvak, đối tượng, jalan tuyển sinh jeng yau dom sarak ưu tiên dalam tuyển sinh.

        # Harei kabroi 9/3, kapul ngak bruk di gah Công Thương saong  Công An hu nao pasangt iek hadei tuk rah tabiak mbang khuah di công trường dự án sang mac Nhiệt điện Vĩnh Tân 4, huyện Tuy Phong, tỉnh Bình Thuận. Kapul ngak bruk hu pasang iek, mek mẫu, ngak bruk saong Tập đoàn Điện lực Việt Nam, Tổng Công ty Phát điện 3, Ban khik ramik Dự án Nhiệt điện Vĩnh Tân, Tổ hợp nhà thầu EPC. Tui Tổng Công ty Phát điện 3, gah thầu sanyan taduan abih trách nhiệm ka bruk bala di công trường padang ngak sang mac Nhiệt điện Vĩnh Tân 4, salih barau abih dom pandap tayah kayua  sự cố harei 7/3 saong kham merat ngak blaoh njauk tukvak yau bruk ba tabiak dahlau nan. 

       # Hadei di van mbang jala caga tame ka, biar harei 9/3, yaok rituh urang ngak công ty Trách nhiệm hữu hạn Quốc tế Samil Vina, chuyên jik trang phục, khan ao di Lô P8, P9 jalan D6, Khu công nghiệp Nam Tân Uyên, dalam bal sit Tân Uyên, tỉnh Bình Dương, hu mboh dim triệu chứng nghi ngộ độc pandap mbang menyum, njauk tame sang iek ruak cấp cứu. Urak ini gah chức năng bal sit Tân Uyên pambuak haong Chi cục An toàn pandap mbang menyum phẩm- Sở y tế tỉnh peih bruk mek thông tin, điều tra ngak brei thau cambaih laih mekna ba tal bruk nan.

      # Sở ngak nong saong patagok palei pala tỉnh Đồng Tháp brei thau, piah  caga pacang khua padam khuah bilan thu thun ini, dalam tỉnh hu  caga 58 trạm chốt khik caga, 24 đài quan sát, chòi khik, la bàn, máy định vị (GPS), yaok ratuh máy pagaih, mac kakak hareik, mac bơm ia padam khuah chuyên dụng saong mac bơm barau saong yaok ratuh bình xịt padam khuah; ngak jeng jaik 300 km kênh, đê bao padang ia; ba jalan băng mbong, jalan mbang hijao jaik 200 km... duh ka bruk pacang caga khuah glai.

      # Dalam thun ini, gah rivang Bạc Liêu ba tabiak ralo jalan ngak  mang tính đột phá piah khai thác dom pren khang biak karei di puk palei, dalam nan hu sarak pataom tame patagok hạ tầng du lịch pak dom khu, điểm du lịch hu mong yau jalan patagok khu rivang ma-in, labik rivang ma-in pakat negar hu brei thau dalam “Quy hoạch tổng thể patagok bruk rivang ma-in Việt Nam tal thun 2020, pamong tal thun 2030”.

      Khaw tin dunya

          # Ala bruk dang akaok di Phó Thủ tướng Thái Lan Somkid Jatusripitak (Xổm-kít Gia-tu-xri-pi-tắc), hãng kapal ahaok Thai Airways International (THAI) saong tập đoàn Airbus Industries barau mbaoh tangin tame ba ar hadar pambuak bruk bruk roh duah bruk khả thi di dự án dak padang sa pasak khik ramik saong dut iek kapal ahaok pakat khu vực di mblang par ahaok U-tapao, gah timul Thái Lan. Phó Thủ tướng Jatusripitak brei thau : kadha caong khin hu jeng bruk” di Thái Lan tuk hu gah thầu taneh ia langiu pataom tame ngak bruk patagok taneh ia ini jeng sa pasak dut iek, ramik pasiam kapal ahaok di khu vực.

        # Malaysia bahrau brei thau oh hu bruk cakak klaoh talei pambuak bruk nao mai haong Cộng hòa dân chủ bhap bani Triều Tiên saong meda ginum nao mai haong negar ini. Panuac brei thau nan di   Malaysia hu mong yau kadha ngak padam trun dom cuang kandah dalam talei rohim pambuak bruk di dua gah jaik di ini, pambuak pagam tal bruk metai lahik di sa bhap bani Triều Tiên hu hộ chiếu angan Kim Chon (Kim Chol) pak mblang kapal haok dunya di Malaysia harei 13/2 meng blaoh. Gah Malaysia brei thau, ong Kim Chon njauk đầu độc, dalam tuk nan gah Triều Tiên khẳng định ong ini metai kayua mbang pandik tim, tiểu đường saong áp huyết glaong.

         # Tui kuhria mboh di công ty lữ hành Riotur, jaik 6 triệu mbang urang, hu tuai damuai taneh ia langiu saong bhapbini puk palei hu pataom tame yaok ratuh bruk di tukvak rah tabiak lễ hội hóa trang Carnival danei angan di ban Rio de Janeiro (Ri-ô đề Gian-nây-rô) di Brazil. Ngan saong lượng tuai rilo yau nan, jaik  80% dom haduk padheih padai di Rio de Janeiro hu bak abih di luac tukvak rah tabiak Carnival. Harei ini, ban Rio de Janeiro hu taduan raok tal 1,1 triệu mbang tuai taneh ia langiu saong doanh thu tagok tal jaik 1 triệu đô la Mỹ./.