Khaw tin pagaiy harei  11/2/2017

         # Meng harei 11/2/2017, tui Quyết định ka 2036 di Mentri Thông tin saong Truyền thông, meda hu 59 dalam 63 tỉnh, bal meda peih bruk salih mã vùng điện thoại cố định. Ta-eng 4 tỉnh Vĩnh Phúc, Phú Thọ, Hòa Bình saong Hà Giang jeng daok khik tamo. Bruk  salih ini meda pambak tal urang pandar. Yau nan min, bruk salih mã vùng nan lac bruk njauk ngak, oh ngak dahlau jeng ngak hadei, hadei di tuk tani tanat, mã vùng điện thoại bahrau meda ba mai ralo kein laba ka urang pandar.

        # Piah khik caga tani tanat an ninh trật tự tuk rija harei ia bilan baok baoh bilan sa, Công an ban sit Thủ Dầu Một, tỉnh Bình Dương pambuak bruk saong  Ban Chỉ huy quân sự ban, Phòng Cảnh sát pacang khuah padam khuah saong dom gah chức năng dalam tỉnh paglaong bruk khik caga an toàn giao thông, trật tự đô thị, langyah catang dom urang pablei salih lih mek jalan nao mai ngak gar jalan ...

     # Meng ini tal puac bilan 3/2017, dom doanh nghiệp dalam tỉnh Đồng Nai meda palih ruah bahrau labaih 30.000 urang ngak. Tui Sở Lao động, Thương binh saong Xã hội tỉnh Đồng Nai, thun 2017 doanh nghiệp dalam tỉnh njauk palih ruah jaik 79.000 urang ngak, dalam nan hu labaih 60.600 urang ngak phổ thông.

      # Dom thun tapa, bhapbini xã Vĩnh Hòa Hưng Nam, huyện Gò Quao, tỉnh Kiên Giang hu kakak phun hlang lac phun tamuh eng di dom kraong ribaong piah bambu pablei, pabak nhiên liệu pak ngak dom janih pandap thủ công mỹ nghệ, patagok jien mek tame, rik daong patruh eik patrun kathaot. Kuhria rah tapa, sa urang dalam 3 bilan kakak njam hlang pambu thu meng 300 – 500 kilôgram, saong yaom pablei urak ini meng 17.000 – 18.000 đồng yaok  kilôgram.

        # Dom bác sỹ Khoa Ngoại, Sang iek ruak Quận 11, Bal raya Hồ Chí Minh  hu blac raih salih khớp pha hu siam ka ong taha umo 98 thun mai meng tỉnh Bình Thuận. Ini lac sa dalam takik sang iek ruak tuyến quận peih ngak hu ilamu ini di urang ruak prong thun.

      # Tal urak ini, dom urang njaom HIV dalam taneh ia lac labaih  231.000 urang, dom urang ruak AIDS urak ini lac 87.800 urang, dom urang njaom HIV melai lac 89.500 urang. Bruk njaom HIV dalam bhapbini hu pacang cakak ala 0,3%. Dalam taneh ia hu peih praong dom libik iek ruak methadone meng 55 tỉnh, ban thun 2015 tabiak abih 63 tỉnh, ban di thun 2016 ngan saong 275 cơ sở iek ruak methadone saong 50.800 urang ruak.

      # Urak ini, manuac urang njauk ruak thủy đậu daok tagok khang pak dom tỉnh, bal yau: Bal raya Hồ Chí Minh saong Hà Nội. Meng akaok bilan sa tal ini, Khoa Nhiễm – Thần kinh, Sang iek ruak Nhi đồng 1 bal raya Hồ Chí Minh taduan raok 24 uranaih tame iek ruak thủy đậu. Di khoa ruak Nhiệt đới, Bệnh viện E (Hà Nội) dalam 1 bilan taduan saong iek ruak labaih 20 urang njauk ruak thủy đậu. Piah pacang caga ruak thủy đậu, bhap bani njauk takik taom gaok haong urang njauk ruak piah pacang cakak ruak njaom mbak. Manuac urang ruak njauk padeih bac atau padeih ngak meng 7- 10 harei kuhria meng tuk tamuh ruak piah plaih pambak tapa dom urang jaik taphia.

       Khaw tin dunya

     # Raidiuk hu patagok di dom thun jaik ini ngak ka bhapbini TQ mboh takre raong anek athur dalam sang, ieu lac thú cưng. Dom drei sau cảnh di TQ jeng tagok 27,4 triệu drei, dang ka 3 di dunya hadei Mỹ saong Braxin. Dom anek raong patagok khang dui pagam bruk darak pasal patuh tabiak dịch vụ ka thú cưng. Tui nan, urak ini hu labaih 30.000 cửa hàng dịch vụ pasang iek thú cưng hu peih tabiak di dom ban praong di TQ, rilo jang 3 mbang duk Mỹ.

     # Karja Israel peih gom hijao ka bruk padang ngak labaih 1.000 baoh sang daok bahrau di Bờ Tây, dom harei hadei di tuk quốc hội negar ini brei tapa hukum hợp pháp hóa dom labik daok angaok taneh meblah mek di Palestine. Tui bruk ba tabiak, Hội đồng Bảo an Liên hợp quốc meda ginum biai ka bruk khu định cư di Israel dalam harei 15/2 anak tal. Dalam bilan 12 thun dahlau, Hội đồng Bảo an Liên hợp quốc hu brei tapa Sarak 2334 lên án dom khu định cư di Israel lac sa "bruk vi phạm adat hukum dunya.

       # Dom urang alamu hu ba tabiak bộ gien maong ye blaoh blai di asal  diêm mạch (quinoa), tapa nan ndom lac janih asal hu maong lac pandap mbang ameh ini meda rik daong khik caga an ninh pandap mbang di dunya kayua hu rilo dinh dưỡng saong tamuh hu di rilo labik langik tasik karei di gauk. Tui Giáo sư Mark Tester (Mắc Te-xtơ) di Đại học Khoa học saong Công nghệ Patao Abdullah di Saudi Arabia saong lac akaok kapul roh duah, oh  yau rilo janih phun ngak nong karei, siam lagaih di phun quinoa lac meda diuk di lingik thu lagu atau njaom mbak.