Khaw tin pagaiy harei  12/1

     * Bĩar harei 11-1, pak Hà Nội, Thủ tướng Nguyễn Xuân Phúc hu mbaok dalam nyaom biai ba tabiak bruk ngak thun 2017 di Văn phòng Raja-ei. Văn phòng Raja-ei hu brei thau bruk ngak prong dalam thun 2017 nan lac pataom tame paglaong bruk pasang iek, taong yaom dom văn bản quy phạm pháp luật, pacang cakak lợi ích nhóm, “tham nhũng chính sách”. Dalam thun tapa, Văn phòng Raja-ei hu taduan mek  121 ribau văn bản, tham mưu tổng hợp ka urang pal akaok Raja-ei jaik 15 ribau Phiếu trình langyah bruk ngak; patabiak atau trình pakat hu thẩm quyền patabiak labaih 27 ribau văn bản.

          *Cục Y tế dự phòng brei thau, thun 2016,hu mek jaik 4.700 mẫu bệnh phẩm di dom urang njaom virus Zika piah dut iek, duah mboh 212 urang gaok ruak kayua virus Zika di 11 tỉnh, ban, dalam nan hu 186 urang daok di ban raya Hồ Chí Minh. Dom tỉnh, ban daok veik yaok labik tok hu meng 1 tal  7 urang hu Bình Dương, Khánh Hòa, Đồng Nai, Đắk Lắk, Bà Rịa- Vũng Tàu, Phú Yên, Long An, Tây Ninh, Cần Thơ, Bình Phước. Daoki bhum gah Brak oh ka mboh urang halei njaom virus Zika.

      * Tui harak khan brei thau di Nyaom biai “Patagok bruk pacang cakak lao bhum Tây Nam Bộ” bahrau rah tabiak pak Cần Thơ,  manuac urang njauk ruak lao phổi bahrau di bhum taneh ini jeng mboh ralo, dang ka 2 dalam taong abih 8 bhum kinh tế xã hội di negar. Njauk duh hatai nan lac, manuac urang njauk ruak lao oh pang jru di bhum taneh ini daok hu mboh yaok thun nan lac 1 ribau 300 urang ruak; meblah  ¼ taong abih urang njauk ruak lao oh pang jru di negar. Sa dalam dom mekna ba tal  bruk ini nan kayua suai duah mboh ruak, iek ruak oh njauk ilamu.

        *Harei kabroi (11/1), di tỉnh Đắk Lắk, Tổng cục Lâm nghiệp (mintri ngak nong saong patagok palei pala, gah động vật Châu Á saong sở ngak nong daom tỉnh Đắk Lắk, Đồng Nai, Nghệ An peih nyaom biai “ jalan khik, patagok tapol lamen VN”. Di Việt Nam, urak ini hu jaik 60 drei lamen sang saong 100 drei lamen glai  daok  mbuan si tuyệt chủng. Gah khik caga athur  Châu Á ba tabiak bruk lac njauk khik alam moi truong daok, pacang caga catang bruk duah mek kamen piah mek bala. Di tapol lamen sang, njauk trun takik pandar dom bruk du lịch piah pasang iek pren yava lamen siam jang saong hu bruk nhân pajaih siam.

          * Yaok thun di tỉnh Gia Lai njauk peih ngak án dân sự tagok tal yaok pluh ribau bruk saong ini lac sa dalam takik dom tỉnh hu jien peih ngak án labaih ribau tỷ. Tui Cục Thi hành án Dân sự tỉnh Gia Lai, thun 2016, jabat thụ lý jaik 14.500 bruk saong yaom jien abih tih labaih 1.000 tỷ đồng. Tapa nan, hu langyah blaoh jaik 9.200 bruk ngan haong yaom jien labaih 270 tỷ đồng, hu 79% dom bruk saong 41% số jien di dom bruk hu jalan langyah.

     * Urak ini, kapul pasang iek di dom gah di tỉnh Đắk Nông daok patabiak mbang tabung glaong pasang iek bruk ngak mbang, pablei salih saong chế biến pandap mbang menyum meng pakat tỉnh nao tal cơ sở. Dalam na, pataom tame pasang iek nyaom pandap mbuan si gaok ngộ độc glaong ye mứt, ahar, keo, alak, njam patam baok traoh, dom janih ia dalam kallok. Hadei sa adit pasang iek, gah chức năng hu duah mboh labaih 10 labik ngak, pablei salih pandap mbang menyum ngak suan dom quy dinh ka an toan hacih saat pandap mbang menyum.

     * Piah palagheih ka manuac urang, taong abih sang thei jeng hu mbang Tết, tỉnh Cà Mau buh tabiak 32 tỷ đồng piah nao rivang, pataom mbaok, alin brei pandap dalam tukvak Tết Nguyên đán Đinh Dậu 2017. Dalam nan, labaih 27 tỷ đồng  piah blei pandap Tết ka dom urang hu mbang tui sarak. Yaok pok pandap hu yaom meng 200 – 400 ribau đồng, mong tui yaok đối tượng.

        Khaw tin dunya

      *  harei 11 / 1, Tổng thống đắc cử Mỹ Đô-nan Trăm (Donald Trump) hu mbang nyaom akaok mereip kuhria meng tuk tame hu di mbang pilih ruah di bilan 11 thun dahlau. Bê bối can thiệp pilih ruah di Nga, số phận tập đoàn Trump saong dom sarak jail tal lac dom asal kadha praong hu biai di mbang nyaom ini. Javap calei tangi sua pambuak tal dom panuac ka talei pambuak bruk di ông saong rajaei Nga saong panuac lac Nga can thiệp tame mbang pilih ruah thun 2016, ông Trump praong sap tah klak saong ndom lac dom asal kadha ini lac bịa đặt. Min, tổng thống đắc cử Mỹ jeng hu ndom lac Nga dang likuk dom mbang taong tame mạng dalam hệ thống máy tính di đảng Dân chủ saong pandar dom gah chức năng taneh ia iini duah thau.

       *Ngoại trưởng Philíppin Pơ-phéc-tô Ya-say (Perfecto Yasay) harei kabroi (11/1) brei mboh hatai caong khin lac Bộ Quy tắc ứng xử di dom gah pak Biển Đông (COC) di dom taneh aia Đông Nam Á saong Trung Quốc meda ngak salah blaoh di kreh thun ini. Pok sap ndom di mbang họp báo harei kabroi, Ngoại trưởng Ya-say brei thau dom mbang ginum pakat glaong, pakat ala Akaok Mentri daok hu peih ngak. Ini lac makna yau habar Philíppin caong khin dom gah meda ngak salah taong abih Bộ Quy tắc ứng xử di dom gah pak Biển Đông (COC) di kreh thun 2017.

      * Thủ tướng Nhật Bản Sin-dô A-bê (Shinzo Abe) harei 14/1 meda hu mbang ravang Ô-xtrây-li-a, dalam tuk hu rilo panuac  ndom biai ka bruk hu mbaok di  Mỹ di châu Á meng rai di karja Tổng thống đắc cử Đô-nan Trăm (Donald Trump). Dalam sa thông cáo, jabat Thủ tướng Ô-xtrây-li-a brei thau, Thủ tướng dua taneh ia meda hu mbang ginum biai ka dom bruk an ninh khu vực, abih di nyu nan lac Hiệp định đối tác xuyên Thái Bình Dương (TPP) saong dom sarak meda hu ala rai Tổng thống đắc cử Đô-nan Trăm./.