# Thủ tướng Raja-ei bahrau mboh tangin brei adat Quy hoạch padang ngak Khu Ngak nong pandar công nghệ glaong Phú Yên tal thun 2030. Tui nan, Khu Ngak nong pandar công nghệ glaong Phú Yên tal thun 2030 daok dalam xã Hòa Quang Bắc, huyện Phú Hòa, tỉnh Phú Yên ngan haong mblang taneh tự nhiên tukvak I nan lac 460 ha. Khu Ngak nong pandar công nghệ glaong Phú Yên lac labik peih ngak dom bruk roh duah ứng dụng, ngak iek mô hình saong ba brei ilamu công nghệ ngak tabiak pandap panda kaya nong pandar công nghệ glaong, pato pathram urang ngak công nghệ glaong gah ngak nong.

# DI ban sit Hội An, tỉnh Quảng Nam, Viện Phan Châu Trinh barau tabaik mbaok. Thường vụ Tỉnh ủy Quảng Nam hu jao brei ka Viện ngak bộ Toàn chí Quảng Nam. Ini lac sa bộ tapuk praong hu labaih 20 tập, ngak dalam 5 thun. Gam saong Toàn chí, Viện meda peih bruk roh duah ka labik dang di tư tưởng Phan Châu Trinh dalam sajarah tư tưởng cận đại saong hiện đại Việt Nam; công trình pataom iek veik 30 thun patagok di Hội An saong dom cuang kandah barau di Hội An urak ini; công trình duah thau ka xã hội học di gah timul Quảng Nam dalam dự án patagok bhum taneh ini.     

 # Pak tỉnh Khánh Hòa, hajan ribuk di rilo labik dui atah tal akaok bilan 2/2017 ngak ka trữ lượng saradang di phun tabau trun biak ralo, ngak ka urang pala tabau khat lahik trak. Tui sa-ai Nguyễn Quốc Tuấn, daok di palei Tân Hương, xã Ninh Hương, bal sit Ninh, thun 2016, sang sa-ai buh jien tame ngak 3ha tabau (pala veik got bahrau) yaom jaik 40-50 triệu sa ha, thun ini tui kuhria dahlau mek tame jaik 150 tấn tabau, ngan haong yaom jaik 980 ribau sa tấn tabau 10 chữ saradang, kaoh abih phun jien buh tame, daok laba hu labaih 20 triệu đồng. Yau nan min tal tukvak ini ini taong abih mblang tabau jeng daok cang kaoh.

#Tỉnh Kon Tum kham merat tal thun 2020, dalam tỉnh hu taong abih dom xã ngak hu chuẩn dom tiêu chí ka : quy hoạch saong peih bruk quy hoạch, thủy lợi, điện, bưu điện, sang daok bhap bini, tỷ lệ urang ngak hu bruk ngak gam gam, pato megru, y tế, an ninh trật tự xã hội. Tỉnh kham merat tal thun 2020 hu 25 xã mek hu chuẩn palei pala barau.

# Ban Khik iek dom khu chế xuất saong khu công nghiệp bal raya Hồ Chí Minh (HEPZA) hu brei thau ka manuac urang nao ngak bruk  veik hadei di Tết pak dom khu chế xuất saong khu công nghiệp dalam bal raya. Dalam tuk nan, hu jaik  285.000 urang ngak daok ngak bruk dalam dom khu công ngiệp saong khu chế xuất dalam bal raya, ngan haong labaih 70% lac urang ngak langiu tỉnh hu mai ngak bruk veik.

# Tỉnh Trà Vinh urak ini hu 94 hợp tác xã saong yaom phun jien điều lệ labaih 115 tỷ đồng, dalam nan gah ngak nong  - thủy sản hu 47 hợp tác xã. Dom hợp tác xã ngak bruk kein laba meblah 29%. Thun 2016, Kadung jien daong di Hợp tác xã tỉnh Trà Vinh hu brei 4 tỷ đồng daong dom hợp tác xã paglaong chất lượng bruk ngak.

 # Tỉnh An Giang hu peih bruk brei thau Quyết định công nhận xã Mỹ Khánh, bal Long Xuyên lac xã mek hu chuẩn palei pala bahrau. Ini lac xã akaok meti di tỉnh hu công nhận lac xã palei pala bahrau dalam thun 2017. Urak ini, labaih 99,7% baoh sang di xã Mỹ Khánh pandar hu điện siam mekre;  bhap bani blei bảo hiểm y tế jaik 71%; 95% baoh sang mek hu angan baoh sang ilamo; jien mek tame kuhria tui akaok manuac  labaih 36 triệu đồng yaok urang yaok thun; baoh sang kathaot trun daok 3,72%.

Khaw tin dunya

# Mintri Công an Trung Quốc brei thau, peih tabiak bruk mek nem vân tay di dom tui damuai taneh ia langiu tuk dom urang ini tame taneh ia ini meng harei 10/2. Dom urang hu hộ chiếu taneh ia lngiu umo meng 14-70 njauk brei nem vân tay ka dom gah chức trách taneh ia ini. Bruk mek nem vân tay tuai damuai taneh ia langiu hu peih ngak di pabah mbang negar mblang kapal haok Thẩm Quyến, hadei di nan tal dom pabah mbang karei dalam taneh ia.

 # Baha Bàng Long, bal ine Viêng Chăn,  Lào  bahrau peih ngak lễ likau hajan siam angin laghaih. Ini lac bruk ngak hu baha Việt Nam pak Lào, dalam nan hu baha Bàng Long,  peih ngak yaok thun piah likau ka taneh aia hu sron mbon, bhap bani hu srei sil saong hadal tal DHAR PHOR prong dalam di dom urang nao dahlau.  

# Mintri Ngoại giao Thái Lan barau peih sa mbang họp báo pambual tal bruk brei thau ka pablei salih menuac di thun 2016.Brei panuac di var họp báo, akaok mintri Ngoại giao Đôn Pra-mút-vi-nai (Don Pramudwinai) ndom lac, gah chức trách Thái Lan hu langyah bruk pablei salih menuac dalam thun bloh. Dom kham merat di Thái Lan dalam pacang caga bruk pablei salih menuac pataom tame 5 kadha, hu sarak, truy tố, khik caga, pacang caga saong đối tác. Bruk daok pamaong ngak di Thái Lan dalam kham merat pacang caga pablei salih menuac lac piah ba mai an ninh ka anek menuac saong bruk patagok khang kajap di taneh ia.