Khaw tin pagaiy harei 13/3

       # Harei 12/3, ngak bruk haong urang pal akaok tỉnh Bắc Giang ka bruk mong iek pren yava ka bhap bani, Phaok Thủ tướng Vũ Đức Đam pachreih tui panuac panuac ba tabiak di tỉnh Bắc Giang peih bruk mong iek định kỳ, tacei jalan, mong iek pren yava akaok mereip ka bhap bani. Phaok Thủ tướng jeng hu kakei lac njauk parabha cambaih bruk mong iek ruak định kỳ saong bruk padang ngak hồ sơ pren yava điện tử. Dalam nan bruk ngak hồ sơ, bệnh án, sổ y bạ điện tử nan lac bruk ngak di dom jabat khik iek karja saong njauk ngak biak tani tanat, suai lavik. Ngak hu bruk ini meda ba mai siam lagaih biak prong, duh ka bruk khik iek mô hình ruak kik di Mentri Y tế.

     # Jeng dalam harei 12/3, di mblang brein Nhà Hát praong ban Hải Phòng rah tabiak danakdak taom gaok ilimo nghệ thuật di ban Hải Phòng saong Nhật Bản saong peih pakak harei pataom bingu đào. Ini jeng lac mbang akaok mereip harei pataom bingu anh đào Nhật Bản hu peih ngak di ini. Hu thau, dalam harei ban Hải Phòng saong Nhật Bản hu mbaoh tangin tame 3 dự án pambuak bruk barau di gah giao thông vận tải saong hạ tầng đô thị. Harei pataom rah tabiak tal abih harei 14/3.

     # Ủy ban thường vụ Quốc hội bahrau tabiak Sarak brei padeih bruk ngak Ủy viên thường trực Ủy ban Khoa học, công nghệ saong môi trường Quốc hội ngan haong ong Nguyễn Văn Cảnh (urang QH kapul Bình Định), meng harei 15/2. Dahlau di nan ong Nguyễn Văn Cảnh hu  đơn likau padeih ngak urang Quốc hội chuyên trách di trung ương, mai veik Bình Định ngak urang Quốc hội kiêm nhiệm.

      # Tui  Sở Y tế ban Hà Nội, jaik dua adit pasang iek yaok ratuh labik ngak, pablei salih alak, gah chức năng di ban hu niêm phong jaik 16.000 lít alak saong jaik 5 kg men alak oh cambaih asal di nyu. Dalam tuk nan, di harei 22/2 tal ini, hu 26 urang daok di Hà Nội gaok ngộ độc alak methanol, dalam nan hu 2 urang metai. Urak ini jeng daok 7 urang daok iek ruak.

       # Harei 13/3, urang pal kaok Ủy ban bhap bani quận Bình Tân, bal raya Hồ Chí Minh hu mai rivang tangi, pachreih ba gauk gar baoh sang njauk bala dalam mbang khuah page mesup harei nan ngak ka 4 urang metai, taphia di nan daong 80 triệu ka baoh sang urang njauk bala piah ngak ndam. Mbang khauh rah tabiak di baoh sang  1686 (jalan Tỉnh Lộ 10, phường Tân Tạo, quận Bình Tân) kayua ong Võ Hoài Nam (47 thun) ngak po. Baoh sang ini hu mblang taneh jaik 120m2, hu 1 trệt, 1 gác kayau, sang kiak pak tol. Gah dalam caik ralo pandap mbuan khuah yau ván ép, ba-ar, hòm kayau… nan ye pui khuah samar ngak ka 4 urang metai gam haong ralo grap ar karei.

    # Tỉnh Vĩnh Long kham merat thun 2017 hu takik abih  700 urang ngak nao ngak bruk di taneh ia langiu tui hợp đồng, khik caga bruk caong khin ka urang ngak saong kein laba di kinh tế - xã hội. Thun 2016, tỉnh Vĩnh Long hu ba 714 urang ngak nao ngak bruk di taneh ia langiu, dalam nan pataom tame rilo di dom taneh ia ye : Nhật Bản, Đài Loan, Hàn Quốc, Malaysia… rik daong ba brei bruk ngak ka urang ngak dalam tỉnh.

      # Sở Ilmao, padhih saong rivang ma-in tỉnh Gia Lai hu peih Harei nduac Olympic brei ka pren yava bhap bani thun 2017. Ini lac bruk ngak piah pachreih bhap bani pathram ma-in padhaih paglaong pren yava tui kareih camin Wa Hồ. Mai hu mnbaok saong pachrei tui harei nduac Olympic brei ka pren yava bhap bani thun 2017 hu labaih 2000 urang jakar, công chức, viên chức, anek saih, urang đoàn, urang linsaong võ sinh.

      Khaw tin dunya

      # Harei 12/3, sa mbang ribuk khang ba tal ia xua, glut jaleih haluk saong lihik menyek  di Niu Dilân. Jabat daong urang njauk bala Niu Dilân kuhria yaok rabau sang gaok kan kandah kayua hajan xua saong lihik menyek. Tui kuhria di urang jakar Óc-len brei thau, hu labaih 320 drap ar saong sang danaok di  bhapbini gaok ia dauk. Dalam 5 harei tapa, dom mbang hajan xua hamiet nan jeng hu tuh mai di dom libik praong di pulao gah Brak Niu Dilân.

     # Urang jakar bol bala Nigiêria harei 12/3 brei thau, gah an ninh pak bang Bô-nô gah Đông Bắc negar ini daong hu labaih 200 bhap bani meng tangin kol phiến quân Bô-kô Ha-ram.  Kol khủng bố Bô-kô Ha-ram njauk cáo buộclac pametai  20 ribau urang saong ngak ka labaih 2,3 triệu bhap bani Nigiêria njauk klaak sang danaok nao meng thun 2009. Tal ini, dom gah an ninh Nigiêria mek hu ralo jayak dalam mbang mesruh  pacang Bô-kô Ha-ram. Dalam nan, hu chiến dịch bilan 12 thun dahlau taong tayah kol  khủng bố tabiak truh Glai Sam-bi-sa – labik pato pasram prong abih di Bô-kô Ha-ram pak Nigiêria.

     # Di mbang brei panuac harei 12/3, Thủ tướng Hà Lan Mắc Rút-tơ ndom lac meda ngak dom bruk piah patrun pandiak căng thẳng” saong  Thổ Nhĩ Kỳ, bo tui ông nan lac căng thẳng ngoại giao tồi tệ abih Hà Lan daok dang anak di rilo thun tapa. Thủ tướng Rút-tơ brei thau,  ông oh ka hu mboh căng thẳng yau nan saong rajaei Hà Lan caong bruk ngak cẩn trọng saong khôn ngoan. Tui ông, meyah căng thẳng daok leo thang lac Hà Lan njauk taong bayan, min ông meda ngak dom bruk di quyền hạn di drei piah trun  căng thẳng saong Thổ Nhĩ Kỳ./.