# Biar harei 13/2, pak Jabat Raja-ei, Thủ tướng Nguyễn Xuân Phúc taduan raok  Đại sứ I-xra-en pak Việt Nam M.E.Sa-ha. Taong yaom glaong dom dự án I-xra-en  peih ngak pak Việt Nam, Thủ tướng pandar Đại sứ quán I-xra-en patagok pambuak haong dom Mentri Ngoại giao Việt Nam piah peih bruk pambuak gauk taong abih gah bo negar ini hu pren khang yau an ninh mạng, ngak nong, urang ngak, quốc phòng. Đại sứ I-xra-en brei thau, negar ini daok peih prong bruk buh jien tame Việt Nam, caik hatai tal nguồn nhân lực, taphia di nan ralo urang Việt Nam tapa bac megru bruk ngak nong, khởi nghiệp pak I-xra-en.

     # Jeng dalam harei 13/2, Phó Thủ tướng Vương Đình Huệ dang akaok mbang nyaom saong dom mintri, nganh ka bruk kuhria caga ka nyaom biai sơ kết 3 thun peih ngak hukum Hợp tác xã thun 2012 (hu ba tabiak pandar meng harei  1/7/2013), tui kuhria hu peih ngak di puac Quý II/2017. Phó Thủ tướng pandar dom mintri, nganh njauk brei thau ginup ka bruk HTX di dom gah, dom jalan pambuak bruk hợp tác xã.

      # Mentri Pato megru bahrau tabiak Harak tacei pato peih ngak Quy chế pakacah THPT negar saong xét công nhận tốt nghiệp THPT negar thun 2017. Tui nan, tukvak đăng ký dự thi THPT thun 2017 meng harei ¼ tal abih harei 20/4. Hadei di harei 20/04, thí sinh oh brei salih labik pakacah saong dom thông tin ka bài thi, môn thi hu đăng ký. Tuk đăng ký dự thi meda hu phiếu đăng ký xét tuyển đại học, cao đẳng tui gam. Yaok thí sinh meda hu brei sa tài khoản saong mật khẩu piah tame phần mềm khik iek thi tapa internet pak địa chỉ http://thisinh.thithptquocgia.edu.vn.

      # Xã Bum Nưa, huyện biên giới Mường Tè barau hu tỉnh Lai Châu brei panuac lac mek hu chuẩn palei pala barau hadei di rilo thun kham merat. Xã Bum Nưa hu taneh praong labaih 7.000 ha, labaih 700 sang, jien mek tame rilo di gah ngak nong, pala glai. Meng hu bruk tacei pato khang di pakat uy, karja puk palei saong bruk njauk hatai di bhapbini,  Bum Nưa hu tuh jalan menyek saong bê tông abih labaih 31km jalan pambuak pagam  xã  saong dalam bản. Puac thun  2016, jien mek tame yaok akaok menuac dalam xã hu labaih 22 triệu đồng/sa urang sa thun; dom urang ngak hu bruk ngak gam gam meblah labaih 92%; tỷ lệ sang kathaot trun daok 24%...

       # Pasak pambuak, daong duah daong duah Hàng hải khu vực 3 brei thau sa sruh gilai ikan di Bà Rịa - Vũng Tàu njauk tame aia, 5 dalam 7 urang taong ikan angaok gilai lahik. Hệ thống thông tin duyên hải Việt Nam hu brei thau ka sruh gilai njauk bala angaok riyak vô tuyến mbaok taneh saong vệ tinh piah ka dom sruh gilai karei tapa labik ini mong iek saong duah daong urang taong ikan lahik. Urak ini langik tasik di labik ini biak jhak, rijak prong, glaong, pambak tal bruk daong duah urang lahik.

      # Sang iek ruak Đa khoa Đak Lak barau taduan iek ruak ka sa uranaih likei bahrau ndih tapui hu 10 harei dalam tuk mbuan metai kayua gaok uốn ván. Dahlau nan, dalam tuk metian, saai H’Ngọc di xã Yang Reh, huyện Krông Bông oh klauk vắc xin  caga uốn ván. Tal tuk metian di adit ka 36, saai H’Ngọc ndih tapui kurang harei, bo daok ndih taptui di sang piah ka amuk mbuai kakak talei pruac meng dao lam oh khử trùng. Bloh 6 harei adei di tuk ndih tapui, anek likei saai H’Ngọc klak mam, pandiak glaong hamiet saong tagok cơn cơ giật. Urak ini, anek kamal jeng daok ruak trak, njauk thở mac, nhiễm trùng darah saong mbuan metai. Dom bác sỹ kakei, dom urang amaik tuk metian njauk nao dut iek pren yava thai kỳ tui định kỳ, klauk caga uốn ván ginup saong tuk ndih tapui njauk nao tal libik y tế.

     # Darak pasar bingu  saong pandap alin ka harei lễ tình yêu Valentine (14-2) pak bal raya Hồ Chí Minh biak chreih chai. Yaom bingu hồng hu tagok, ta-eng pandap alin yaom biak tani tanat. Yaom bingu hồng hu tagok dut haong dom harei karei meng 30-50%. Dalam nan hu, janih hồng phủ sô-cô-la blei tame meng Hà Lan hu cửa hàng Flower Box di Quận 1 Yaom pablei yaom 200.000 đồng/bông. Thun ini, bingu hồng  “bất tử”  blei tame meng châu Âu, xử lý tui công nghệ bhrau nan ye khik that meng 3-5 thun hu yaom pablei meng 80-150 ribau đồng sa bingu. 

       Khaw tin dunya

     # Tổng Thư ký Liên hợp quốc An-tô-ni-ô Gu-tê-rết barau ieu pagam veik dom mbang ginum biai hòa bình di dom gah tham chiến di Y-ê-men. Tổng thư ký Liên hợp quốc jeng padrak dom gah xung đột di Y-ê-men khik caga bruk brei pandap daong ka dom urang bhapbini di taneh ia njauk lac daok dalam bruk mesruh metak ini. Đặc phái viên hòa bình di Liên hợp quốc Un Sếch A-mét jeng daok jhul khang sa bruk piah peih jalan ka bruk jao brei chính trị di Y-ê-men.

       # Bhum taneh Đài Loan (Trung Quốc) bahrau am cuh klaak 130 ribau drei menuk ada kuhria meng akaok thun tal ini, dalam tukvak urang jakar di puk palei brei thau hu mboh chủng cúm menuk ada bahrau angaok pulao ini. Jaik abih menuk ada njauk ba nao am cuh klaak nan njauk njaom mbak chủng cúm menuk ada H5N2 và H5N8. Taong abih hu 13 trang trại njauk pambak kayua jit cúm menuk ada tamuh dalam thun ini. Meng akaok bilan ini, Đài Loan jeng brei thau ka trường hợp njaom mbak menuk ada akaok meti di manuac urang, nan lac sa ong taha umo 69 thun – urang brei thau lac njaom mbak virus cúm menuk ada H7N9 hadei di tuk gilac veik meng Trung Quốc đại lục.

     # Labaih 180 rabau urang bhapbini di bhum gah Brak Ca-li-phoóc-ni-a njauk sơ tán kayua baok đập Ô-rô-vin glaong abih taneh ia gaok suy yếu kayua hajan praong saong mbuan si patuh tuk halei jeng hu. Lượng ia dalah urak ini oh padheih panduac, min lệnh sơ tán jeng daok khik. Ini lac mbang akaok mereip đập Ô-rô-vin hu caik dalam bruk khẩn cấp di jaik 50 thun di baok đập. Urak ini, dom quan chức puk palei daok drak samal pathaook ia tabiak truh đập tràn praong ngan saong tốc độ jaik 2.800 mét khối yaok harei. Kuhrai caga, di dom bilan tal, đập Ô-rô-vin daok dang anak sa lượng ia praong kayua tal tuyết tapal daok ralai./.