Khaw tin pagaiy harei 14/3/2017

     # Page ini (14/3), pak sang Quốc hội, Ủy ban Thường vụ Quốc hội peih  mbang nyaom ka 8. Rah tabiak meng ini tal abih harei 22/3, mbang yaom  ini ceik ralo tukvak ka bruk  padang ngak hukum. Tui kuhria, harei 21/3, Thường vụ Quốc hội meda caik sa harei peih bruk sua tangi, javap jaleiy di urang Quốc hội.

     # Di nyaom ginum biai paglaong bruk khik ramik chất lượng xét nghiệm rah tabiak di harei 13/3 pak Hà Nội, mintri Y tế brei thau, anak tal 122 sang iek ruak meda peih bruk liên thông kết quả xét nghiệm. Tui kuhria, thun 2016 dom cơ sở y tế dalam taneh ia peih ngak hu labaih 516 triệu xét nghiệm dom janih . Meng thun 2011 tal ini, dom xét nghiệm di dom sang iek ruak tagok labaih 10% yaok thun .

      # “Uan Đảng, uan thuan bahrau, uan rayo sap ndom Việt Nam 72 thun”, lac angan di van ndom biai nao mai di dom klup kapul Urang pang rayo dom tỉnh gah Barak kraong Hồng hu peih ngak harei 13/3 pak bal Việt Trì, tỉnh Phú Thọ. Ini lac mbang ndom biai nap mai peih ngak bhian thun piah ka dom  urang di dom klup kapul Urang pang rayo hu jalan bac megru ilamu di gauk dalam bruk ngak saong patagok dom klup kapul urang pang rayo di yaok puk palei.

        # Dom urang blei ô tô di taneh ia langiu meng  9 libik daok tagok oh njauk nộp harak chứng nhận cơ sở bảo hành, ramik psiam ô tô ginup điều kiện kayua mintri Giao thông vận tải brei. Ini lac bruk njauk caik hatai di Thông tư 04/2017 ramik pasiam, pabak Thông tư ka 20/2011 quy định pabak adat blei radaih ô tô meng negar lingiu piah pajeng menuac janih meng 9 libik daok trun .

       # Mentri Ilamo padhih saong rivang ma-in bahrau jao brei uyết định bổ nhiệm Đại sứ Du lịch Việt Nam vaktu 2017-2020 ka ong Jordan Vogt-Roberts, đạo diễn bộ phim “Kong: Đảo đầu lâu”. Ini lac mbang akaok meti Việt Nam palih ruah sa đạo diễn negar langiu ngak Đại sứ Du lịch. Tui Quyết định, đạo diễn Jordan Vogt-Roberts meda ngak Đại sứ Du lịch Việt Nam dalam 3 thun, kuhria meng bilan 3/2017 tal bilan 3/2020.

       # Harei 13/3, dự án pajeng tuai, pandap meng kapal cao tốc tuyến Sóc Trăng – Côn Đảo di Công ty Cổ phần kapal cao tốc Superdong – Kiên Giang hu peih tabiak ngak di ban sit Trần Đề, huyện Trần Đề, tỉnh Sóc Trăng. Dự án hu dua hạng mục praong lac đầu tư kapal cao tốc superdong Côn Đảo I saong yaom jien buh tame jaik 50 tỷ đồng saong ngak Bến tàu Trần Đề tui yaom jien buh tame lac 90 tỷ đồng. Tuyến kapal cao tốc meng huyện Trần Đề nao Côn Đảo hu peih ngak piah pabak bruk quy hoạch patagok du lịch tui jalan tasik nao tal inem mek sajarah Côn Đảo.

      # Tui pathau khan di Pasak Y tế dự phòng tỉnh Cao Bằng, dalam 11 uranaih umo meng 45 harei tal 11 thun nghi njauk ruak ho gà hu iek ruak di sang iek ruak đa khoa huyện Thông Nông (tỉnh Cao Bằng) hu 1 urang ruak umo bahrau 45 harei njauk ruak trak, hu ba tagok Sang iek ruak Uranaih Trung ương piah điều trị. Tal harei 10/3, uranaih ini metai. Uranaih ini oh ka tal thun klauk vắc xin Quinvaxem (vắc xin pacang caga dom janih ruak: bạch hầu, uốn ván, ho gà, viêm gan B, viêm phổi, viêm màng não kayua vi khuẩn Hib). Kayua langik tasik di gah Barak daok ẩm ướt nan ye virus cúm diuk hu suai jang. Piah pacang caga ruak, dom bác sĩ kakei bhap bani bhian rao tangin meng japol, khik hacih satah idung, meta, cambuai. Meyah hu điều kiện, njauk nao klauk jru vắc xin pacang caga cúm.

       Khaw tin dunya

      # Hội đồng châu Âu barau brei dui atah dom jalan trừng phạt dom bruk ba tal neh rabha taneh ia saong nền độc lập di Ucraina. Dom lệnh trừng phạt ini hu dui atah jang 6 bilan, nan lac  tal 15/9, dalam nan hu bruk kareik drap ar saong pakauk nhập cảnh tame taneh ia châu Âu. Hu thau, angan dom urang gaok dom bruk trừng phạt urak ini dui trun daok 150 urang saong 37 thực thể, kayua 2 urang metai barau hu ba tabiak truh angan.

      # Akaok Ủy ban negar ka bruk giải giáp vũ khí hóa học di Nga, ong Mi-kha-in Ba-bích harei kabroi (13/3) brei thau, negar ini meda ngak salah blaoh bruk am cuh klaak taong abih kho vũ khí hóa học dalam thun ini. Nga daok dalam 165 taneh aia mboh tangin tame Công ước pakauk Vũ khí hóa học, dalam nan pakauk patagok, ngak tabiak, pablei salih, khik piah, panduan jao saong pandar vũ khí hóa học. Dalam 20 thun tapa, Nga hu padang ngak ralo sang mac piah xử lý kho vũ khí hóa học prong abih dunya.

     # Quỹ nhi đồng di Liên hợp quốc (UNICEF) barau brei thau, takik abih  652 uranaih Xi-ri metai kayua dom bruk mesruh gauk dalam thun 2016 saong yaok rabau uranaih daok diuk dalam libik srau kadau, mesruh metak khang. Tui  UNICEF, ini lac dom urang metai glaong abih dalam 3 thun tapa di Xi-ri. Dalam nan, labaih 255 uranaih metai tuk daok dalam atau jaik sang bac. Oh lac metai kayua phao kraong, dom adei metai kayua kurang jru saong dom điều kiện y tế .