# Harei 14/3, dalam mbang taom gaok di Phaok Thủ tướng gam lac akaok mintri Ngoại giao Phạm Bình Minh haong Quyền Thủ tướng Vương quốc Campuchia, Samdech Sar Kheng, dua gah njauk gauk ndom lac: mbang nyaom ka 15 Ủy ban Hỗn hợp Việt Nam - Campuchia ka pambuak bruk Kinh tế, Ilamo, Khoa học Kỹ thuật saong Nyaom biai pambuak bruk saong patagok dom tỉnh tapen negar Việt Nam - Campuchia mbang ka 9 pak Phnom Penh meda ngak brei biak siam dalam bruk pakajap saong cakrok talei rohim pambuak bruk nao mai di dua negar.

         # Thủ tướng rajaei pandar dom mintri, ngành, puk palei brei thau bruk khan ka bhapbini lac sa dalam dom bruk ngak gam gam, meng di nan brei menuac urang ka njauk piah pabak bruk khan brei bhapbini thau. Ini lac dom asal kadha di Chỉ thị 08/CT-TTg harei 14/3/2017 di Thủ tướng rajaei ka bruk ngak tui adat hukum khan brei asal kadha. Chỉ thị brei thau cambaih, hukum khan brei asal kadha ka 104/2016/QH13 hu ba tatbiak meng harei 1/7/2018. Ini lac  đạo Luật biak praong, ba jalan pháp lý ka bruk peih ngak quyền hu thau di bhapbini saong paglaong bruk công khai, minh bạch dalam bruk ngak di dom jabat karja.

     # Hải quan cửa khẩu Mblang kapal haok Nội Bài pambuak haong Cục Điều tra pacang cakak pablei salih lậu - Tổng cục Hải quan bahrau cap mek mbang pajeng ba tapa jalan par meng châu Phi tame dalam negar drei ngan haong labaih 100 kg take anek athur nghi lac take tê giác. Hu thau, lô pandap hu duah mboh angak mbang pal KQ 870 harei 14/3 nao meng Narobi- Kenya tal Nội Bài, angaok thẻ hành lý oh hu angan urang taduan mek. Lực lượng hải quan daok pambuak bruk haong dom jabat chức năng patui veik ngak cambaih bruk ini, taphia di nan ba mẫu pandap ini nao giám định pak Viện Sinh thái saong Tài nguyên sinh vật – Viện Hàn lâm Khoa học saong Công nghệ Việt Nam.

      # Harei kabroi (14/3), di takai tasik Đà Nẵng, Ban Liên lạc Trường Sa di ban Đà Nẵng tukvak 1984-1988 peih bruk palao hoa đăng pahadar đồng đội metai di pulao Gạc Ma, quần đảo Trường Sa tỉnh Khánh Hòa. Di ini, dom urang dahlau thiah ngak bol lin hadar veik dom kadha oh var hu dalam sa tukvak kak kajap saong tasik pulao. Jeng dalam harei, di Bãi Dài, huyện Cam Lâm, tỉnh Khánh Hòa,  Tổng Liên đoàn Lao động Việt Nam, peih bruk  nghiệm thu phần cụm tượng đài Khu Tưởng niệm chiến sĩ Gạc Ma.

     # Patagok pren khang cakrok bruk rivang ma-in, ralo baoh sang di  Lâm Bình - huyện bhum atah bayah abih di tỉnh Tuyên Quang hu ngak du lịch cộng đồng. Huyện hu mblang taneh tamo labaih 78.000 ha, bhap bani hu labaih 30.000 urang ngan haong labaih 10 bangsa diuk rai, dalam nan hu Tày hu ralo di abih. Tukvak anak tal, huyện Lâm Bình meda patui veik quy hoạch gilac dom  labik du lịch, caik hatai cakrok saong pasiam gilac dom yaom ilamo di dom bangsa daok lahik nao saong tacei pato bhap bani ngak du lịch khang kajap.

      # Harei 14/3, Ban An toàn pandap mbang menyum ban raya Hồ Chí Minh gam saong Hội đồng bhapbini ban raya hu var pasang iek bruk ngak tui sarak, adat hukum ka an toàn hacih saat pandap mbang menyum. Anak tal, mban ini meda pambuak bruk saong dom haduk thí nghiệm, ba tabiak jalan tacei pato bruk pambuak gauk langyah bruk xét nghiệm. Amuk Phạm Khánh Phong Lan, akaok mBan khik ramik an toàn pandap mbang menyum ban raya Hồ Chí Minh khan lac : Drei meda pandar dom libik dalam ban raya pataom tame mek mẫu kiểm nghiệm hu blaoh lac urang oh ika ba kết quả mai ka mban piah mban  xử lý. Bruk ba tabiak oh lac quyền hạn di mban, saong kol dahlak hu trách nhiệm ka bruk nan.

      #  Pak xã An Nhơn, Liên minh hợp tác xã tỉnh Bến Tre pambuak haong Ủy ban bhap bani huyện Thạnh Phú bahrau dak padang hợp tác xã padai hadang Thạnh Phú. Ini lac hợp tác xã padai hadang (padai hacih) akaok meti di  tỉnh Bến Tre, ngak tiền đề peih prong bruk pambuak gauk ngak padai hacih tabiak angaok huyện tasik Thạnh Phú. Xã An Nhơn hu jaik 1.000ha mblang taneh ngak padai hadang. Bilan 9/2016, Cục sở hữu trí tuệ, Mentri Khoa học saong Công nghệ brei harak ba-ar chứng nhận nhãn hiệu tập thể padai hacih Thạnh Phú ka 17 baoh sang dalam tổ hợp tác padai hacih Thạnh Phú, xã An Nhơn.

      Khaw tin dunya

      # Tổng thống Mỹ Đô-nan Trăm daok tabiak bruk gaok akaok taneh ia Trung Quốc Tập Cận Bình di bilan 4 tal, dalam tuk sa nyaom biai pakat glaong dui atah 2 harei di bang Phlo-ri-đa, dalam bruk xoa dịu talei pambuak bruk kinh te praong ka dua di dunya ini. Tui panuac di rajaei Mỹ, mbang gaok kuhria di harei 6-7/4 di libik padheih padhiay Mác-ra Lây-gô di Tổng thống Đô-nan Trăm di Phlo-ri-đa.

       # Harei 14/3, Nyaom biai thượng đỉnh Khởi nghiệp Toàn cầu 2017 (GEC 2017) peih tabiak dalam prong prang di bal Johannesburg di Nam Phi, ngan haong bruk hu mbaok di labaih 1.500 urang lambaok doanh nghiệp, doanh nhân, dom urang khoa học saong urang hoạch định sarak di labaih 100 negar angaok dunya. Di nyaom biai mbang ini, dom urang lambaok, doanh nghiệp saong doanh nhân angaok dunya meda hu mbaok tame dom mbang nyaom taong abih quy mô prong ka hoạch định chính sách, sáng kiến bahrau saong jalan pambuak bruk cakrok patagok.

      # Hu 49  tuai bị thương di sa mbang bala khinh khí cầu di tỉnh Cappadocia, gah kreh negar Thổ Nhĩ Kỳ harei kabroi  14/3). Hu thau, klau khinh khí cầu pajeng rilo lac tuai taneh ia langiu hu hạ cánh khẩn cấp kayua angin khang ngak ka dom urang tuai bị thương. Tui đại sứ quán Trung Quốc di Ankara, 15 urang bhapbini di taneh ia ini hu bị thương dalam nan hu  9 urang gaok joh talang. Bruk ini daok hu dom gah chức năng dut iek, urang jakar mintri ilimo saong Du lịch Thổ Nhĩ Kỳ jeng hu ba nao tal dom sang iek ruak puk puk palei piah pataom mek asal kadha.