Khaw tin pagaiy harei 16/12

 # Biar harei 15/12, pak jabat Raja-ei, Thủ tướng Nguyễn Xuân Phúc hu dang tabiak ngak bruk haong Ban chấp hành Trung ương Đoàn Thanh niên Cộng sản Hồ Chí Minh. Van ngak bruk hu taong yaom bruk peih ngak Quy chế pambuak bruk di Raja-ei haong Trung ương Đoàn saong Kết luận di Thủ tướng Raja-ei pak van ngak bruk haong Trung ương Đoàn thun 2015; ba tabiak bruk ngak piah peih ngak dalam tukvak anak tal. 

# Di tuk pahadar 70 thun harei Toàn quốc kháng chiến (19/12/1946-19/12/2016), melam kabroi (15/12), di Hà Nội, rah tabiak danadak Cầu truyền hình đặc biệt “hadiuk hamiet saong ban ine ”, di dua gah akaok lac miunyim sajarah Quân sự Việt Nam (Cột cờ Hà Nội) saong darak Đồng Xuân. Tapa danakdak, urang maong hu pang, gilac veik dom thun bilan hào hùng di ban ine tapa panuac khan di dom urang hu mbaok saman nan saong maong rilo kadha nghệ thuật biak hu makna, pambuak pagam saong dom tukvak praong prang di sajarah bangsa.

# Tuk thau lac dom anai gru Sang bac Mầm non xã An Hiệp, huyện Tuy An, tỉnh Phú Yên ohhuac metai lihik, daong ba dom kamuan daok gar dalam mbang aia sua tuh mai bất ngờ ngak aia dauk abih dalam sang bac di harei 13/12 meng blaoh, Akaok Mentri Pato megru Phùng Xuân Nhạ hu pok brei harak meyaom ka dom anai gru  ini. Akaok Mentri Phùng Xuân Nhạ pandar karja puk palei haong gah Pato megru tỉnh Phú Yên daong Sang bac samar yam tapa kan kandah, grap tanat bruk pato haong bac. 

# Bair harei 15/12, di ban sit Hạ Long, Công ty Cổ phần Cơ khí mỏ saong ngak gilai tàu (TKV) peih bruk hạ thủy kapal ikan lưới chụp kanduh thép công suất 829 mã lực hu ngak tui Nghị định 67/2014/NĐ-CP di rajaei .  Thun 2016, di ban sit Quảng Yên saong ban sit Uông Bí jeng hạ thủy hu 2 baok kapal kanduh thép tui Nghị định 67/2014/NĐ-CP. Bruk daong urang ngak ikan ngak kapal hu brei mboh bruk sangka di Đảng saong karja dalam bruk daong urang ngak ikan sahanang hatai tabiak tasik khik caga chủ quyền tasik pulao gireih di negar.

# Hadei di tuk aia sua angaok dom baoh kraong sraok trun, bhap bani tỉnh Phú Yên daok jak ba gauk tabiak hamu bơm njuk aia tabiak piah cứu bingu, njam patam Tết saong padai đông xuân pala drak avar; puh ramik veik sang danaok. Hajan ribuk ralo harei tapa hu ngak ka klau urang njauk rambuis; ngak aia dauk, pacang cakak 15 xã, bal sit; labaih 700 baoh sang bhap bani khut khat; jaik 600ha padai oh ka samu yuak ye jaleih abih saong yaok rituh ha padai đông xuân pala drak avar jeng njauk aia dauk úng; dom canah jalan pasei saong jalan kabak jeng glut jaleih ngak kan kandah ka bruk nao mai…

# Dah pagaiy harei ini (16/12), sa mbang khuah praong nyu patuh tabiak di baok sang ka 453/6 jalan  Lê Văn Sỹ, Phường 12, Quận 3, ban raya Hồ Chí Minh. Tui Cảnh sát phòng cháy chữa cháy ban raya, mbang khuah ngak ka 6 urang metai saong dua urang bị thương urak ini daok cấp cứu, rilo urang gaok bala lac urang dalamn sa sang , langiu nan daok mbang abih sang gam rilo drap ar. Tal 6 tuk pagaiy, labik khuah nan daok hu gah chức năng phong tỏa piah pasang iek, duah thau makna ba tal khuah

 # Harei kabroi (15/12), pak bal sit Đồng Xoài, Ủy ban bhap bani tỉnh Bình Phước saong Ủy ban bhap bani Bal raya Hồ Chí Minh hu peih ngak nyaom biai xúc tiến đầu tư saong pataom iek veik dua thun (2014-2016) pambuak bruk patagok kinh tế – xã hội di dua puk palei. Tapa nan,, Ủy ban bhap bani tỉnh Bình Phước hu brei harak adat đầu tư  19 dự án saong yaom jien buh tame abih tih 9.335 tỷ đồng ka dom urang đầu tư mai meng Bal raya Hồ Chí Minh saong Bình Phước.

       Khaw tin dunya

# Dom urang điều tra Pháp harei kabroi brei thau, tukvak ini jeng oh ka ba tabiak lac kayua halei laik kapal ahaok di Ai Cập. Sruh kapal ahaok số hiệu MS 804 di Hãng kapal haok Ai Cập ( EgyptAir) nyu laik trun  Địa Trung Hải di harei 19/5 barau blaoh tuk daok par meng Paris tal Cairo, ngak abih 66 urang di sruh kapal ahaok metai. Panuac nan di  dom urang điều tra Pháp hu ba tabiak dom tukvak hadei tuk Ai Cập brei thau hu dấu vết chất patuh hu duah mboh di angaok rup urang metai di sruh kapal ahaok ini.

 # Raja-ei Philipin khang panuac lac, Philipin jeng oh njauk hagait meyah Mỹ kaoh trun bruk daong ka negar. Panuac ndom ini hu ba tabiak hadei di tuk Mỹ oh brei gia hạn sa pok daong brei prong ka Philipin kayua "dom huac kanda daok hu mboh" pambuak pagam tal nguyên tắc pháp luật ala saman Tổng thống Rô-đri-gô Đu-téc-tê (Rodrigo Duterte). Phản ứng anak panuac khan di jabat Mỹ, Bộ trưởng Kinh tế Philipin Ơ-nét-tô Pơ-ni-a (Ernesto Pernia) naom lac, bruk ngak nan di Mỹ oh hu makna prong ralo. Urak ini hu ralo negar daong sangka buh jien tame Philipin ngak mbang .

# Thủ tướng Thái Lan Pra-út Chan Ô-cha (Prayuth Chan-ocha) harei 15/12, hu tagok sap khik caga quyết định ramik pasiam hukum tội phạm mạng piah paglaong khả năng di rajaei dalam bruk yah klak rilo asal kadha hu đăng tải di mạng. Thủ tướng Thái Lan brei thau : yaom lac trang web halei hu maong lac mối đe dọa ka an ninh negar atau đăng tải dom asal kadha , thaot binguk ngak băng hoại đạo đức xã hội jeng hu yah klak atau padhieh đăng tải./.