Khaw tin pagaiy harei 17/12

 * Taduan panuac daa di Thủ tướng Raja-ei Nguyễn Xuân Phúc, Thủ tướng Negar Campuchia Xăm-đéc Ạ-kẹ Mô-ha Xê-na Pạ-đây Tê-chô Hun Xen (Samdech Akka Moha Sena Padei Techo Hun Sen), haong Kapul lambaok pakat glaong Rajaei  Campuchia meda mai rivang negar Cộng hòa Xã hội chủ nghĩa Việt Nam meng harei 20 tal harei 21 bilan 12 thun 2016.

* Di mbang tabiak mbaok tabung glaong puac thun, Kapul khik ramik darak pasal ban sit Móng Cái, tỉnh Quảng Ninh hu pasang iek labik pablei salih di saai  Nguyễn Văn Việt daok di ban sit Đông Triều. Tapa nan, mboh labik ini pablei salih suan hukum rilo pandap mbang menyum nhập lậu,  mek khik labaih 1000 kg han kẹo dom janih. Urak ini, hu  taong phạt  po hàng 4 triệu đồng, mek abih dom pandap nan piah cuh klak tui quy định di adat hukum.

 * Tui Cục Hải quan tỉnh Lào Cai, thun ini, bruk buôn lậu tapa jalan tapen negar dalam tỉnh trun khang dut haong thun dahlau. Cambaih laih, meng akaok thun tal ini hu 98 bruk buôn lậu, pajeng ba pandap panda tapa jalan tapen negar njauk lgah Hải quan mek hu xử lý, trun jaik 60 bruk dut haong tukvak ini thun dahlau. Taong abih pandap panda suan adat hukum njauk cap khik, xử lý ngan haong jien taong phạt jaik 4 tỷ đồng, ralo abih mboh lac vi phạm hành chính, oh hu bruk halei njauk khởi tố hình sự.   

* Piah samal daong bhapbini gaok kan kandah trak kayua hajan xua, Trung ương Hội Chữ thập đỏ Việt Nam barau peih bruk daong bhapbibni di tỉnh Bình Định. Kapul hu nao tal libik tanhi ravang saong daong mikva libik ia xua Bình Định 250 thùng pandap pandar dalam sang, 100 bộ dụng cụ ramik pasiam sang saong 28 rabau asar jru khử khuẩn Aquatabs,yaom 240 triệu đồng. Dahlau nan, Trung ương Hội Chữ thập đỏ Việt Nam hu daong Bình Định 90 triệu đồng piah daong sang hu urang metai saong sang jaleih.

 *  Tal tukvak ini tỉnh Bạc Liêu hu jaik 72 ribau ha padai daok sroh, pabum aia haong tasak, dalam nan mblang taneh padai thu đông labaih 40 ribau ha saong padai halam vụ angaok taneh raong hadang labaih 31 ribau ha. Kayua langik tasik oh siam nan ye langiu di khat lahik trak kayua halak halin jit ruak saong takuh palai kaik ye dom harei tapa hajan prong gam gam dui atah jeng ngak ka labaih 4 ribau ha padai jaleih, dauk dalam aia, hu labaih 200 ha padai jaleih pam, pambak tal bruk cakrok patagok di phun padai. Urak ini urang nong daok njuk aia tabiak piah patrun khat lahik gah năng suất.

* Sang iek ruak ban sit Cân Thơ barau ngak dua ca plaik raih tim tui jalan blac raih hở saong noi soi; ini jeng lac sang iek ruak akaok mereip di bhum taneran kraong CL pandar jalan ngak ini. Di tukvak ini, meda ndom lac sang iek ruak da khoa ban sit Can Tho ginup dieu kien piah ngak dom ca blac raih chuyen sau di gah tim mach. Duk saong jalan blac raih hở, blac nội soi hu maong lac jalan ngak barau dalam gah blac raih tim urak ini. Bruk ini daong ka urang ruak samal siam veik, khik hu thẩm my di libik blac raih.

* Tỉnh Tiền Giang bahrau peih pakak Bia tưởng niệm 8 dân công tải đạn pak xã Song Bình, huyện Chợ Gạo. Ini lac sa inem mek dakrai sajarah – ilamo di tỉnh Tiền Giang piah hadar kanar dom dân quân tải đạn van klaak rup drei brei ka mesruh metak saong rik daong ka bruk pato pakai ilamu ranam taneh aia ka rairah dam dara. 41 thun dahlau, melam  3.2.1975, hu 2 urang jakar Huyện đội Chợ Gạo, tỉnh Tiền Giang saong 20 urang kamei dân công umo meng 13 -19 thun nan lac dam dara – anek saih hu mbaok nao tải đạn saong pandap mbang menyum duh ka kháng chiến pak ấp Bình Hiệp, xã Song Bình, huyện Chợ Gạo, tỉnh Tiền Giang. Tuk vak ini hu rah tabik bruk patuh phao  B40 ngak ka 8 dân công metai, 4 urang njauk rambuis.        

Khaw tin dunya

* Urang dang ajkaok 27 taneh ia di Liên minh châu Âu (EU), oh hu mbaok Thủ tướng Anh Thê-rê-xa Mây (Theresa May) meda pataom gauk ginum biai jalan ka taneh ia ini tabiak truh khối di tukvak tal atau daok ieu lac Brexit. Sa dalam dom bruk praong bo urang dang akaok 27 taneh ia ginum biai lac thei par akaok kapul ginum biai saong Anh dalam bruk ginum dui atah 18 bilan tal. Urang hu kỳ vọng abih lac cựu Ủy viên Liên minh châu Âu Mi-sen Ba-ni-ơ (Michel Barnier), urang daok par akaok kapul iek gah Brexit di Ủy ban châu Âu.

* Pak Học viện Lục quân Quân đội Hoàng gia Campuchia, tỉnh Căm-pông Spư (Kampong Speu), Bol lin Hoàng gia Campuchia saong Bol lin peih paha Bhap bani Trung Quốc bahrau peih mbaok bruk pato pathram hu angan “Inegirai Ameh 2016”.Brei panuac tuk nan, lambaok dua gah brei thau, bruk ngak ini piah klah rabha ilamu haong gauk ka bruk daong urang njauk bala meng langik tasik, bruk ngak pah hala saong pacang cakak khủng bố, tapa nan jeng pasiam veik saong patagok talei rohim pambuak bruk nao mai di bol lin dua negar.

* Rajaei ban ien Bắc Kinh, Trung Quốc, barau tabiak báo động bhong dalam 3 harei, meng harei 17 tal 21/12, kayua bruk nerak không khí trak di ban ini. Blah mạng xã hội Uây-bô (Weibo) di jabat khik caga alam moi truong Bắc Kinh barau ba tabiak bruk kuhria mboh dahlau di pasak dut iek alam moi truong Trung Quốc brei thau nerak không khí dalam ban saong dom libik taphia meda ngak tabiak sak sup trak. Mbang akaok mereip ban Bắc Kinh tabiak báo động bhong kayua bruk nerak lac di bilan 12 thun dahlau. Tuk nan, urang dang akaok ban njauk kareik bambang dom sang bac saong  dom labik padang ngak dalam ban./.