Khaw tin pagaiy harei 19/12/2016

# Pahadar 70 thun Harei Toàn quốc kháng chiến (19-12-1946 - 19-12-2016), pak Hà Nội, Thành đoàn, Kapul urang kamei, Kapul urang dahlau diah ngak bol lin  Hà Nội bahrau peih ngak danak dak giao lưu “Ký ức Hà Nội - Mùa đông thun 1946”. Dom thước phim tài liệu “Hà Nội labik dang tagok” saong dom kadha daoh tamia dalam danak dak hu brei mboh gilac sa jaman mesruh metak oanh liệt 60 harei melam pacang khik bal ine.

# Danadak taom gaok ndom biai nao mai saong pataom mein nghệ thuật “Linh thiêng Việt Nam” hu peih ngak piah salam uan pahadar 70 thun harei Toàn quốc kháng chiến saong 72 thun harei padang bol lin bhapbini Việt Nam (22-12-1944 – 22-12-2016). Danakdak kayua Đoàn sang bac Đại học Khoa học Xã hội saong Nhân văn, Đại học Quốc gia Hà Nội saong Quỹ “Mãi mãi tuổi 20” ban ine Hà Nội peih ngak. Tapa nan, Đoàn sang bac caong khin rik daong trách nhiệm di dam dara dalam bruk khik ramik saong patagok alamu meng kan di ong amuk amaik ame jeng ye thau dhar phor dom rai nao dahlau ba abih umo dam dara di drei ka bangsa.

# Pak Inem krung Thành nhà Hồ, xã Vĩnh Tiến, huyện Vĩnh Lộc, tỉnh Thanh Hóa, Pasak khik ramik drap ar Thành nhà Hồ bahrau peih pakak mbang parang iek “Thành nhà Hồ - Những phát quật từ lòng đất”. Mbang parang iek hu parang 45 pano thaik binguk bruk roh duah, khảo cổ học meng thun 2011 tal ini. Tapa nan chuyển tải tal urang mai mong iek bruk roh duah khoa học, tinh thần ngak bruk abih hatai, trách nhiệm piah pabak dom luận cứ khoa học khẳng định, iek prong yaom lavik thun di inem mek dalam không gian ilamo Tây đô.

# Di miunyim Mỹ thuật Việt Nam, parang iek saong pok brei giải thưởng tranh đồ họa ASEAN thun 2016 rah tbaiak ngan saong bruk hu mbaok di rilo họa sĩ Việt Nam saong ASEAN. Hu 138 tác phẩm di 108 tác giả hu ba tabiak parang iek, rilo lac meng lac di dom tác giả Thái Lan. Ini lac mbang ka dua “bruk pakacah saong parang iek tranh đồ họa ASEAN” hu peih ngak di Việt Nam. Parang iek lac libik taom gaok, ginum biai nghê thuât di dom nghe sy dom taneh ia ASEAN saong yaih khan dom tác phẩm tranh đồ họa biak gheih meng asal kadha tal jalan ngak. Parang iek rah tabiak tal abih harei 22-12.

# Pak Học viện Âm nhạc negar Việt Nam bahrau rah tabiak Festival ngan haong angan iew “Dahlak jia dahlak meda ngak hu: Tri thức bản địa – Mạch sinh nguồn sống” kayua lambaok di cộng đồng dom bangsa takik mai meng 15 tỉnh dalam negar pambuak bruk peih ngak. Ngan haong thông điệp “Oh hu ilamo glaong atau biar jang, bo taong abih nan lac bruk ralo sambo màu pambuak pagam veik”, bruk ngak ini pachreih hu ralo nhóm, mạng lưới bangsa takik hu mbaok tame ngan haong hatai caong khin iek prong dom yaom ilamo đa dạng saong tầm quan trọng di tri thức bản địa, jhul patagok bruk tôn trọng, thấu hiểu saong gul pataom di dom bangsa.

# Hiệp hội Giao lưu ilimo Việt - Hàn (KOVEKA) pambuak bruk saong Công ty XQ Việt Nam peih danadak taom gaok ilimo Việt - Hàn saong peih pakak pasak ilamu meng kan Hàn Quốc saong duk pambuak talei rohim ilimo Việt - Hàn di Đà Lạt saong Nha Trang. Danakdak hu rah tbaiak dalam chreih chrai ngan saong kadha “ libik taom gaok di dom huyền thoại”, hu rilo kadha parang me-in di dom nghệ nhân, nghệ sĩ dua taneh ia.

# Pak Hà Nội bahrau rah biak danak dak giao lưu ilamo, jalan diuk rai Pháp ngan haong kadha “Paris in Love” kayua Mondelez Kinh Đô peih ngak tukvak tabiak mbaok pandap bahrau har quy bơ LU. Danak dak "Paris in Love" peih ngak dalam không gian parang iek, sap gap tui biểu tượng di ilamo Pháp, yau: tháp Eiffel, đại lộ Champs-Élysées… brei mboh veik cambaih laih dom yaom ilamo di negar hu angan iew lac cái nôi di ilamo châu Âu. Dalam danak dak, dom nghệ sĩ hu ma-in dom tiết mục daoh tamia biak karei di ilamo Pháp gam haong binah giao lưu gah âm nhạc, dom kadha biak chreih chai vin taom dhal chủ đề ilamo, thời trang saong pandap mbang menyum di Pháp.

Khaw tin dunya

# Tổng thống Syria Bashar al-Assad brau brei thau, dom gah di rajaei meda taong tame dom kapul khủng bố di grauk labik dalam taneh ia Trung Đông ini hadei tuk ban Aleppo hu peih paha. Dahlau nan, di mbang phỏng vấn di kênh papar binguk 24 TV di Nga, ông al-Assad sanya meda mek veik ban  Palmyra, gah kreh negar  Syria tuk bol bala taneh ia ini ngak hu bruk jhul kol phiến quân tabiak truh ban Aleppo.

# Pak Lima (Peru), Kapul nyaom Urang ngak dunya (iew katut lac ILO) hu brei thau cambaih laih, tỷ lệ oh hu bruk ngak pak labik Mỹ Latinh saong Caribe dalam thun 2016 chạm mức kỷ lục ngan haong 25 triệu urang oh hu bruk ngak, glaong jang lime triệu urang dut haong thun 2015. Dalam harak khan brei thau “Pataom iek veik bruk urang ngak thun 2016”, ILO brei thau, tỷ lệ oh hu bruk ngak di labik Mỹ Latinh saong Caribe dalam thun 2016 tagok 8,1%, dalam tuk nan bruk ini di thun 2015 nan lac 6,6%. Ini lac tanut glaong abih kuhria meng tuk ILO peih ngak bruk taduan mek dữ liệu pak labik ini sa pluh thun dahlau. ILO kuhria dahlau, tỷ lệ oh hu bruk ngak di labik ini dalam thun 2017 meda tagok meng 0,3 tal 8,4%.

** Rajaei Niu Di-lân barau brei thau, taneh ia ini meda buh tabiak jaik 2 tỷ đôla Niu Di-lân, sumu labaih 1,4 tỷ đôla Mỹ, piah padang veuik dom canah jalan nao mai saong jalan radaih pui pambuak pagam libik nghỉ dưỡng Cai-câu-ra (Kaikoura) hadei di mbang megaiy taneh harei 14/11 meng blaoh. Langiu 2 tỷ đôla Niu Di-lân ramik pasiam jalan nao mai, rarajei Niu Di-lân jeng buh tabiak jaik 5 triệu đôla Niu Di-lân piah ramik pasiam bến cảng di Cai-câu-ra, duh ka dom mbang tabiak tasik taong cap ikan di urang ngak ikan atau địch vụ maong ikan voi ka tuai damuai.