Khaw tin pagaiy harei 20/12/2016

# Tukvak Quốc hội lưỡng Viện negar Cộng hòa Cô-lôm- bi-a bahrau brei tapa Hiệp định hòa bình di Raja-ei saong Gah vũ trang cách mạng Cô-lôm- bi-a – Bol lin bhap bani (FARC-EP) piah padeih bruk mesruh gauk dui atah  labaih 50 thun tapa, harei 19/12/2016, Akaok negar Trần Đại Quang hu payua điện uan tabuan tal Tổng thống Cô-lôm- bi-a Hoan Ma-nu- en Xan-tốt. Jeng dalam harei nan, Phó Thủ tướng, Akaok Mentri Ngoại giao Phạm Bình Minh jeng hu payua điện uan tabuan tal Akaok Mentri Ngoại giao Cô-lôm-bi-a Ma-ri-a Ăng-hê- la Ôn-ghin.

# Kapul ngak bruk di jabat akaok taneh ia kayua phaok akaok taneh ia Đặng Thị Ngọc Thịnh par akaok barau nao ravang saong alin pandap ka bhapbini bhum ia xua tỉnh Quảng Nam. Hadei di tuk duah thau bruk khat lihik kayua hajan xua di bhapbini xã Điện Phương, ban sit Điện Bàn saong xã Duy Vinh, huyện Duy Xuyên, Phó akaok taneh ia Đặng Thị Ngọc Thịnh pachreih bhapbini kham merat tani tanat raidiuk, pasiam veik bruk pala drak; padar urang dang akaok dom puk palei nan sangka tal raidiuk bhap bini bhum ia xua, oh caik mikva eik kayua hajan xua.

# Hadei di jaik 6 thun kham merat padang ngak, thủy điện Lai Châu bahrau ngak salah blaoh dahlau jang tukvak ba tabiak sa thun dut haong Sarak di Quốc hội. Harei ini 20/12, bruk peih pakak hu peih ngak pak công trình. Công trình hu peih ngak meng thun 2011, hu thiết kế 3 tổ máy, abih tih công suất 1.200 MW saong tuk ba tame pandar meda pabak ka lưới điện negar jaik khoảng 4,7 tỷ kWh yaok thun.

# Di Hậu Giang, jabat negar ka patrun kathaot – mintri lao động Thương bình saong Xã hội barau peih nyaom biai pathram bruk ka urang jakat ngak bruk patrun kathaot thun 2016, hu mbaok dom urang jakar ngak bruk patrun kathaot di 10 tỉnh, ban dalam taneh ia. Nyaom biai hu ndom tal dom asal kadha praong, dom bruk barau di danakdak bruk ngak negar patrun kathaot khang kajap tukvak 2016 – 2020; jalan duah pataom sang kathaot, sang jaik si kathaot yaok thun; jalan khik ramik peih ngak dom danakdak bruk ngak negar …

# Urang pal akaok Gilang pariak Thương mại cổ phần Công thương Việt Nam (Vietinbank) bahrau jao brei 200 baoh sang daok ka urang kathaot tỉnh Bình Định. Dom baoh sang ini hu Vietinbank daong brei, hu peih ngak meng thun 2016 ngan haong phun jien 10 tỉ đồng. Tapa nan, Vietinbank daok hu daong ka  tỉnh Bình Định 15 tỉ đồng piah daong ka mikva labik aia sua padang ngak veik sang daok. Jeng dalam harei 19-12, urang pal akaok Công ty cổ phần Tập đoàn Hoa Sen hu pok brei 1,4 tỉ đồng piah daong ka dom bruk ngak an sinh xã hội thun 2016; taphia di nan, daong 600 triệu đồng ka Bình Định pasiam veik dom khut khat kayua ribuk aia sua.

# Harei kabroi (19/12), di tỉnh Ninh Thuận daok hu hajan gap, hu libik hajan praong saong biak praong. 20 danao padang ia dalam tỉnh ia bak njauk xã lũ. Tui mban tacei pato pacang caga kanyak jhak kayua lingik tasik saong duah daong urang njauk bala tỉnh Ninh Thuận, kuhria tal bair harei 19/12, dalam tỉnh hu labaih 8.076 héc-ta phun pala dauk ia, khat lihik kayua hajan xua dalam nan hu padai, njam patam saong phun livik harei. 127 drei athur metai. 39 lồng bè raong ahdang hùm saong ikan bóp, mú khat lihik. Hajan xua jeng ngak glut jaleih tayah rilo cong trình thủy lợi saong jalan nao mai dalam bhum. Labaih 690 sang bhapbini ngan saong 1.970 urang di dom huyện Ninh Phước, huyện Ninh Hải saong  Thuận Bắc) hu ba nao plaih di libik siam. Tui kuhria, khat lihik kayua hajan xua di Ninh Thuận jaik 315 tỷ đồng.

# Bộ chỉ huy Bộ đội Biên phòng tỉnh Kiên Giang bahrau peih bruk jao quyết định lâm thời padang Balai pambuak bruk daong duah urang njauk bala meng langik tasik, bala angaok bhum tasik tỉnh Kiên Giang… pak xã pulao Thổ Châu dalam huyện pulao Phú Quốc. Bruk padang balai nan piah khik tính mạng drap ar karja saong bhap bani, dom urang jakar chiến sĩ bộ đội biên phòng daok paglaong hatai sangka piah ngak siam bruk di drei.

Khaw tin dunya

# Mintri ngak nong Hàn Quốc barau brei thau, taneh ia ini daok cuh klak veik 2,4 triệu menuk ada, tui nan abih tih menuk ada cuh klak tagok tal 18,4 triệu drei. Ini lac tanut kỷ lục kuhria meng tuk jit kum menuk ada patuh tabiak meng harei 18/11. Vi-rút ba tal jit kum di Hàn Quốc urak ini lac chủng H5N6 jhak jang chủng H5N8 dahlau thiah hu pambak praong di taneh ia ini thun 2014 saong 2015. Mintri ngak nong Hàn Quốc brei thau, dom urang dang akaok taneh ia jeng duah tabiak vi-rút kum menuk ada chủng H5N8 akaok bilan ini di tapol cim par mai min oh ka mboh di dom nông trại.

# Philippines bahrau brei thau, negar ini meda "oh pa-atah" phán quyết di Tòa Trọng tài (PCA) pak La Hay (Hà Lan) dalam nan tah klaak panuac caong khin di Trung Quốc pak Biển Đông, taphia di nan khang panuac lac Manila jeng caong khin  padang hatai jia haong Bắc Kinh dahlau di tuk ginum biai tal dom kadha dua gah daok sangka. Dalam sa tuyên bố, Ngoại trưởng Philippines Perfecto Yasay (Pơ-phếch-tô Ya-xây) ndom lac raja-ei negar ini hu brei thau veikc "bruk iek prong  saong khang kajap ngan haong phán quyết di PCA", saong brei langyah dom kadha angaok Biển Đông tui phán quyết ini.

 # Cơ quan Điều tra Liên bang Nga brei thau, harei 19/12, di ban I-cút-xcơ (Irkutsk) di Xi-bê-ri, hu takik abih 41 urang metai hadei di tuk menyum sa janih menyek menaiy hu cồn mê-tha-non (methanol). Lingiu di nan daok hu 20 urang karei njauk tame sang iek ruak dalam tuk nguy kịch, hu dom urang daok hôn mê dalam. Dom urang gaok bala lac bhapbini daok di sa bhum, umo meng 35 tal 50 thun saong lac dom urang sang kan kandah. /.