Khaw tin pagaiy harei 21/12/2016

# Biar harei 20/12, pak jabat Trung ương Đảng, Tổng Bí thư Nguyễn Phú Trọng hu taduan raok Kapul urang lambaok pakat gaong Raja-ei Campuchia kayua ong Xăm-đéc Tê-chô Hun Sen, Thủ tướng Raja-ei ba akaok tapa rivang Việt Nam. Pak van taom gaok, Thủ tướng Hun Sen ndom, yaom lac dunya hu hu ralo salih bahrau yau halei ye talei pambuak bruk di Campuchia haong Việt Nam jeng oh hu salih karei.

# Thủ tướng rajaei barau mbaoh tangin brei ramik pasiam quy hoạch ban sit Thái Nguyên, tỉnh Thái Nguyên tal thun 2035. Bhum quy hoạch praong abih tih labaih 22.300 ha, hu taong abih ban sit  Thái Nguyên saong peih praong labaih 5 rabau ha nao dom gah lac: gah Brak lac xã Sơn Cẩm (huyện Phú Lương); gah timul lac ban sit Chùa Hang, xã Linh Sơn, xã Huống Thượng (huyện Đồng Hỷ) saong xã Đồng Liên (huyện Phú Bình).

# Thủ tướng Raja-ei bahrau mboh tangin brei ngak Dự án "Đầu tư ka urang kamei pak Việt Nam" pandar phun jien ODA oh bayar veik di raja-ei Australia. Dự án hu peih ngak meng thun 2017 tal thun 2019 ngan haong phun jien ODA oh bayar veik di Raja-ei Australia nan lac 4 triệu AUD (samu 3.072.000 USD).

# Pahadar 72 thun harei padang bol biln bhapbini Việt Nam, Ủy viên mintri Chính trị, akaok uy mban trung ương Mặt trận negar Việt Nam Nguyễn Thiện Nhân barau nao ravang saong ngak bruk di sang bac sỹ quan đặc công di Xuân Mai, Chương Mỹ, Hà Nội. Piah pabak bruk khik caga negar di tukvak barau, ông Nguyễn Thiện Nhân pandar sang bac sỹ quan đặc công njauk dak harei dak salih bahrau bruk pato pakai pambuak pagam saong salih bahrau trang thiết bị pasram rik daong ngak siam bruk bo Đảng, karja, bhapbini jao brei.

# Dalam bruk ngak di Dự án Bác sĩ ranaih halar hatian mai ngak bruk pak dom bhum kan kandah, harei 20/12, Mentri Y tế saong Sang bac Đại học Y Hà Nội peih pakak tal bac chuyên khoa I ka 15 bác sỹ ranaih. Yau nan, tal urak ini, Đề án peih hu 3 tal pato chuyên khoa 1 ka 30 bác sỹ saong tal bilan  5 thun 2017 meda hu dom bác sỹ akaok mereip mai ngak bruk pak bhum atah bayah.

# Bair harei 20/12, 3 sruh kapal di Bhum 4 Hải quân pajeng jaik 500 tấn pandap panda hu ndiuk, pabui diuk, menuk diuk, hala dong, pandap trang trí bàn thờ Tổ quốc… hu tabiak truh cảng Cam Ranh, tỉnh Khánh Hòa nao ravang, tadhau ayuh tết bol lin saong bhapbini huyen pulao kaoh Trường Sa, tỉnh Khánh Hòa. Hu 3 kapul ngak bruk di 3 sruh kapal nao tabiak 3 bhum di quần đảo Trường Sa. Nao gam sruh kapal langiu urang jakar, bol lin nao salih gauk, jeng daok hu rilo phóng viên jeng ye lambok bhapbini di mbaok haluk tabiak ravang pulao. 

# Harei 20/12, Pasak pablei salih pajeng ba jalan pasei Hà Nội brei thau, urak ini vé tàu Tết Thống nhất gah meng Hà Nội nao dom tỉnh gah Meraong dahlau Tết jeng daok, min oh daok ralo vé meneng ndih dalam dom harei tabung glaong. Langiu di nan, gah meng Hà Nội nao dom tỉnh gah Meraong hadei di Tết jeng oh daok ralo vé. Dalam harei 21/12 ini, Công ty cổ phần Pajeng ba Jalan pasei Hà Nội peih bruk pablei vé Tết di dom tàu puk palei nan lac dom tuyến: Hà Nội - Lào Cai (yaok harei 2 mbang, pajeng hu jaik  700 urang dalam sa mbang nao); Hà Nội – Hải Phòng (yaok harei 2 mbang, yaok mbang pajeng hu jaik 700 urang) saong tuyến Hà Nội - Vinh (yaok harei 2 mbang, yaok mbang pajeng hu jaik 500 urang).

Khaw tin dunya

# Harei 20/12, rilo negar châu Âu ba gauk paglaong bruk an ninh hadei di bruk Đại sứ Nga di Thổ Nhĩ Kỳ gaok ám sát saong bruk taong tame meng radaih tải di sa darak Giáng sinh di Berlin (Đức) melam 19/12 ngak takik abih  12 urang metai. Di Rome, dom bruk pacang caga khủng bố hu paglaong di grauk taneh ia Italy. Di Anh,  cảnh sát ban London harei  20/12 brei thau dom urang nan daok pasang iek bruk khik caga an ninh di dom bruk praong rah tabiak di bilan Giáng sinh, hadei di dua bruk nan.

# Kyodo brei thau, Cao ủy Liên hợp quốc gah nhân quyền Zeid Raad Al Hussein bahrau pachreih gah tư pháp Philippines peih prong sa bruk pasang iek ka Tổng thống negar ini Rodrigo Duterte hadei di tuk ong ini bahrau taduan lac hu pametai dom nghi phạm tuk daok ngak thị trưởng bal Davao. Dalam tuk nan, urak ini bruk pacang cakak ma túy di Tổng thống Duterte,  ngak ka yaok ribau menuac metai kuhria meng di tuk ong tagok ngak Tổng thống meng puac bilan 6 meng bloh, daok gaok panuac chỉ trích kayua vi phạm nhân quyền saong pachreih bruk pametai manuac oh tapa xét xử..

# Akaok mintri  Quốc phòng Indonesia Ria-mi-dát Ri-a-cu-đu brei thau, Indonesia saong Thụy Điển barau mbaoh tangin tame thỏa thuận pambuak bruk quốc phòng  piah paglaong talei pambuak bruk dua gah. Harei mbaoh tangin tame thỏa thuận ini rah tabiak di harei 20/12 di akaok mintyri  Quốc phòng Indonesia Ryamizard saong akaok mintri Quốc phòng Thụy Điển Can An-đê Pi-tơ Hun-vít. Tui ong Ryamizard, bản ghi nhớ ini hu pambuak bruk ngak tbaiak phao ndao, biai bruk tình báo saong tập trận chung, jeng ye ba brei công nghệ./.