Khaw tin pagaiy harei 22/12

          # Biar harei 21/12, pak jabat Raja-ei, Phó Thủ tướng Vũ Đức Đam dang tabiak peih nyaom biai Ban tacei pato liên ngành Trung ương ka vệ sinh an toàn pandap mbang menyum. Phó thủ tướng pandar tukvak anak tal, piah pacang caga vệ sinh an toàn pandap mbang menyum njauk padang dom chuỗi pandap panda kaya hacih, duah thau hu asal, labik pablei. 

# Bair harei 21/12, Phó akaok taneh ia Đặng Thị Ngọc Thịnh nao ravang saong alin pandap ka bhapbini bhum ia xua tỉnh Khánh Hòa. Di var ngak bruk saong urang dang akaok tỉnh Khánh Hòa, Phó akaok taneh ia Đặng Thị Ngọc Thịnh daong ka tỉnh 200 triệu đồng, rik daong ramik pasiam khat lihik kayua hajan xua saong alin 200 triệu đồng brei kadung jien daong uranaih, daong ka uranaih gaok kan kandah hadei mbang hajan xua. Phaok akaok taneh ia pandar dom puk palei drak samal ramik pasiam jalan nao mai, tatua cống; daong bhapbini samal  pasiam bruk pala drak, pacang caga jit ruak, oh caik ka bhapbini la ar eik.

#  Melam 21/12, di Pasak Nyaom biai tỉnh Lào Cai rah tabiak bruk peih pakak Harei pataom Truyền hình pakat negar mbang ka 36 ngan haong bruk hu mbaok di labaih 1.000 urang lambaok mai meng dom Rayo papar sap papar binguk, kênh papar binguk, jabat báo chí, dom kapul nyaom, dom công ty daok ngak gah papar binguk... dalam saong langiu negar. Harei pataom mbang ini pachreih hu jaik  100 jabat dalam negar hu mbaok tame ngan haong labaih  500 tác phẩm truyền hình di 9 janih meng kan mai.

# Dalam tuk pahadar 72 thun harei padang bol bala bhapbini VN (22/12/1944 - 22/12/2016), bair harei 21/12, Ủy viên mintri Chính trị, akaok Ủy ban Trung ương Mặt trận negar Việt Nam Nguyễn Thiện Nhân hu nao ravang saong alin pandap ka urang jakar, bol lin Sư đoàn Bộ binh 9, Quân đoàn 4 đóng quân di huyện Củ Chi, ban raya Hồ Chí Minh.  Ndom ka bruk đền ơn, đáp nghĩa, ong Nguyễn Thiện Nhân lac : Quân đoàn 4 daok taduan mek talang liệt sỹ di Campuchia piah ba mai min njauk ngak veik tapa dom dom urang dahlau thiah hu mbaok tame mesruh metak saong dom puk palei piah dinh vi veik libik bol lin metai kham merat ba mai. Meyah tapa Campuchia piah duah liệt sỹ lac jeng rik daong khik veik talei pambuak bruk dua taneh, hadar tal rilo urang lin VN tapa taneh ia taphia mesruh metak saong metai di ini.

          # "Panuac ndom akhar vak dom bangsa takik daok lahik nao saong lihik nao dom bao panuac biak ralo", nan lac dom kadha daok hu dom urang lambaok sangka pak Nyaom biai khoa học Thực trạng saong jalan khik ramik, patagok ilamo meng kan di dom bangsa takik Việt Nam, kayua Liên hiệp dom kapul nyaom  nghệ thuật Việt Nam saong Kapul nyaom Văn học nghệ thuật dom bangsa takik peih tabiak harei 21/12 pak Hà Nội. Njauk caik hatai nan lac panauac ndom akhar vak di dom bangsa Thái, Ơ Đu, Cơ Ho... njauk lahik nao, gaok mai daok pambuak pagam ralo sap ndom panuac puac karei. 

# Thun ini, dom tác giả, tác phẩm mek hu giải thưởng di Hội Văn học nghệ thuật dom bangsa takik Việt Nam mboh biak praong, ngan saong 61 tác phẩm, dalam nan hu 4 tác giả mek hu giải A hu : tiểu thuyết "Thạch trụ huyết" di urang vak văn Nguyễn Trần Bé, kadha daoh "Gọi gió" di nhạc sĩ Kra Jan Dick; tác phẩm "Diễn xướng adat inem krung ilimo gheih mekre, di bangsa Mường" kayua tác giả Hà Lý pilih ruah, chỉnh lý; phim phóng sự tài liệu "Long đong đời du mục", chỉ đạo sản xuất Đỗ Quốc Khánh.

# Gah điện lực tỉnh Sóc Trăng daok peih ngak ralo danak an sinh xã hội, palaghaih ka mikva kan kathaot dalam sinh hoạt jeng yau uan raok tết dương lịch saong tết Nguyên đán meng kan. Tui nan, yaok rituh baoh sang kathaot, baoh sang sarak karja kan kandah, bhap bani Khmer hu gah điện lực peih ngak pasiam veik saong salih bahrau jalan talei gah lakuk công tơ piah daong ka dom baoh baoh sang grap tanat an toàn; taphia di nan alin brei yaok rituh bóng đèn led ka dom baoh sang urang kamei kathaot truac hadah sang danaok.

          Khaw tin dunya

# Nhật Bản barau brei thau lac patagok bruk pasang iek chỉ tiêu Sulfadiazine di dom lô hàng hadang caik la ar blei meng Việt Nam meng harei 6 bilan 12 thun 2016. Tui nan, Cục khik ramik Chất lượng Nông lâm sản saong kaya ikan dalam ia pandar dom doanh nghiệp chế biến kaya ikan dalam ia pablei tabiak Nhật Bản cập nhật saong chủ động dut iek catang bruk khut  Sulfadiazine di danakdak khik ramik chất lượng tui tiêu chuẩn phân tích mối nguy saong libik kiểm soát tal tukvak (HACCP) di doanh nghiệp. Dalam nan, caik hatai tanut giới hạn tối đa brei adat di darak pasal Nhật Bản ka chỉ tiêu Sulfadiazine dalam hadang lac 0.01ppm.

# Trung Quốc meda pakuac blei tame menuk ada meng negar langiu saong dom janih pandap panda pambuak pagam tal menuk ada meng dom negar daok pasang mbaok haong jit ruak cúm menuk ada tamuh khang. Trung Quốc urak ini pakuac blei tame pandap panda kaya menuk ada anek athur raong meng labaih 60 negar.

# Ủy ban châu Âu daok ba tabiak jalan ngak catang dom bruk pasang iek tapeng negar ka jien saong dom kim loại quí karei ba meng gah lingiu tame Liên minh châu Âu. Ini lac sa kadha dalam bruk kareik bambang canah jalan daong jien padai ka dom mbang mesruh di dom kol khủng bố dalam bhum. Bruk ini hu ba tabiak hadei mbang taong tame darak Giáng sinh di Béc-lin ( Đức) harei 19/12 barau blaoh ngak ka 12 urang metai.