Khaw tin pagaiy harei 23/12

         # Pahadar 72 thun Harei padang Quân đội bhap bani Việt Nam, 60 thun tabiak blah akaok meti), harei 22/12, pak sang parang iek 16 Ngô Quyền (Hà Nội), Tạp chí Ilamo Quân đội hu peih parang iek "60 thun minh họa Văn nghệ Quân đội". Parang iek nan brei thau dom tác phẩm minh họa ka dom truyện katut saong tranh bìa angaok Văn nghệ Quân đội 60 thun tapa di labaih 100 họa sĩ. 

       # Harei 22/12 Ủy ban bhapbini tỉnh Đắk Lắk taom gaok urang jakar pakat glaong bol bala padhieh hưu, padheih ngak bruk dalam tuk pahadar 72 thun harei padang bol bala bhapbini Việt Nam. Jaik 500 urang jakar pataom tame mbang taom gaok hu hadar veik ilamu hadah hadai di tukvak mesruh metak, dak padang saong jak jeng di bol bala bhapbini VN; tapa nan, paglaong hatung hatian siam mekre di “Bộ đội Cụ Hồ”, pabak hatai tự hào, ngak siam bruk khik caga palei negar .

     # Thủ tướng Raja-ei bahrau tabiak quyết định daong brei phun jien ka dom puk palei pasiam veik khut khat kayua ribuk ka 4, ka 7 saong hajan ai sua gah kreh negar meng harei 13 tal harei 18/10/2016. Cambaih laih, Thủ tướng brei buh tabiak 165 tỷ đồng meng jien piah caga dalam kadung jien karja trung ương thun 2016 piah daong ka 8 tỉnh nan lac Thanh Hóa 10 tỷ đồng, Nghệ An 45 tỷ đồng, Hà Tĩnh 30 tỷ đồng, Quảng Bình 35 tỷ đồng, Quảng Trị 15 tỷ đồng, Thừa Thiên Huế 10 tỷ đồng, Quảng Nam 10 tỷ đồng, Quảng Ninh 10 tỷ đồng) piah daong ka bhap bani saong pasiam veik dom cơ sở hạ tầng khut khat yau: công trình thủy lợi, jalan mbak nao mai dalam palei, đê điều… pacang caga bala meng langik tasik.

           # Pagaiy harei 22/12 di Hà Nội, Phó Thủ tướng Vũ Đức Đam hu ngak bruk saong Trung ương kapul pachreih bac Việt Nam ka dom bruk ba tabiak dalam tuk peih ngak đề án dak padang xã hội bac megru, dak apdang pasak bac megru bhapbini, hệ thống pato megru caik ka urang praong. Phó Thủ tướng jeng pandar, anak tal, mintri pato megru njauk glang iek veiuk abih, taong yaom taong abih dom pasak bac megru bhapbini. Meng di nan, pilih ruah tabiak dom pasak piah pataom tame ngak dom danakdak brei thau kiến thứv, alamu, công nghệ ka bhapbini.

       # Biar harei 22/12, pak bal Cần Thơ, Ban Dân vận Trung ương peih Nyaom biai giao ban bruk ngak bangsa, agama thun 2016. Nyaom biai hu pataom tame taong yaom dom khan merat di dom pakat uỷ, karja, Mặt trận Negar, dom kapul nyaom chính trị- xã hội dalam bruk dân vận tukvak tapa saong bruk cụ thể hóa Sarak Nyaom roya mbang XII di Đảng, Sarak nyom roya Đảng bộ dom pakat nhiệm kỳ 2015 - 2020 gam haong dom jalan ba, sarak di Đảng, Karja saong Danak dak ngak bruk di Ban Dân vận Trung ương ka bruk dân vận di bhum urang bangsa takik. 

         # Di tỉnh Tiền Giang harei 22/12,cụm dom tỉnh gah timul di bhum taneran kraong Cửu Long hu : Tiền Giang- Bến Tre-Vĩnh Long, Trà Vinh- Long an- Đồng Tháp barau mbaoh tangin tame danakdak pambuak pagam patagok du lịcch saong ban raya Hồ Chí Minh. Tui nan, cụm dom tỉnh gah timul di bhum taneran kraong  Cửu Long saong ban raya Hồ Chí Minh meda pambuak bruk klah rabha gauk dalam bruk khik ramik, xúc tiến, yaih khan du lịch.... Ông Ngô Văn Dũng, Giám đốc Công ty Trách nhiệm Hữu hạn Mê Kông Thới Sơn, tỉnh Tiền Giang lac : Piah ka tuai tagok rilo jang, kol dahlak duh ka tuai damuai njauk hatain tuai mai, bui hatai tuai nao, rramik psiam dom bruk jhak. Kol dahlak hu hướng dẫn viên chuyên nghiep piah duh siam ka tuai. Danakdak ravang mein di kol dahlak lac trọn gói hu danakdak radaih saih ba nao, randaih điện ba nao tal bến piah ka tuai pachreih, hadei ini mai veik saong kol dahlak.

         Patui veik danak dak nan lac khaw tin dunya

      # Cảnh sát Inđônêsia harei ini brei thau bruk ba tabiak 155 ribau nhân viên piah khik kajap an ninh grauk labik dalam negar tukvak Giáng sinh saong Thun bahrau, sa harei hadei di tuk gah cảnh sát pacang cakak hu dom  âm mưu tấn công di phiến quân.

       # Phó Tổng thống Mỹ đắc cử Mai Pen-xơ (Mike Pence) harei 22/12 tabiak panuac lac, karja barau di Mỹ meda paglaong bruk daong dom dịch vụ xã hội, jhul khang bruk ba brei bruk ngak ka bhapbini.

        # Labik darak Giáng sinh pak Pasak bal ine Béc-lin (Berlin), labik rah tabiak mbang tấn công haok darah di melam 19/12 meng blaoh, ngak ka 12 urang metai haong jaik 50 urang karei njauk rambuis, harei (22/12) hu peih pabah mbang vei. Dalam tuk ini, cảnh sát Đức jeng daok peih ngak dom bruk piah duah nghi phạm Tuy-ni-di A-nít Am-ri (Anis Amri), lac menuac hu pambuak pagam tal mbang tấn công nan.