Khaw tin pagaiy harei 25/4/2017

       # Harei 24/4,  dii đồn Biên phòng Chiềng On, huyện Yên Châu, tỉnh Sơn La, Bộ Tư lệnh bol lin Biên phòng hu peih bruk jao 50 drei limo pajaih ka dom boh sang kan hu rai duik kan kandah labik tapen negar tỉnh Sơn La. Danak dak jao limo pajaih hu Bộ Tư lệnh biên phòng peih ngak rilo thun ni mai, piah dong ka bhap bini di tapen negar patruh kathaot, yam tagok tani tanat rai duik.

        # Ủy ban bhapbini ban sit Cửa Lò, tỉnh Nghệ An barau padang Tổ tư vấn saong daong tuai damuai. Di ini, tuai damuai hu tư vấn, daong, taduan mek asal kadha dom bruk du lịch, ye: libik daok, adat cambat tanarakun, libik nao saong dom pandap karei di bhum tasik Cửa Lò. Tuk njauk daong, tuai meda ieu phone tapak piah hu tư vấn, tacei pato tui số phone : 02383. 956.557

       # Ayun lac xã biak kan kandah  di huyện Chư Sê  tỉnh Gia Lai, rilo meng lac urang bangsa J'rai song Bahnar. Jien mek tame ka sa urang di labik ni hu 8 triệu đồng/ urang/sa thun. Tui Ủy ban bhap bini xã Ayun makna ba tal bruk boh sang kan biak glong, kayua kurang ia pruh pabak ka bruk ngak nong song bruk pandar di mik va. Abih di nyu nan lac, dalam bilan thu, di xã hu tal yaok rituh boh sang oh hu ia hacih pandar.

       # Tỉnh Bình Thuận urak ini hu 35 bangsa adei saai, dalam nan bhapbini bangsa takik pataom rilo di 17 xã saong 31 palei daok pablak di dom huyện, ban sit dalam tỉnh. Dom thun tapa, Bình Thuận ngak siam sarak ka urang hu angan je dalam bhapbini bangsa takik. Urang hu angan je njauk lac talei pambuak di pakat uy, karja dom pakat dalam bruk pathau khan, jak ba bhapobini bangsa takik ngak tui sarak di Đảng, adat hukum di karja; taphia nan, pataom tame patagok kinh tế - xã hội, khik caga quốc phòng an ninh, khik gah jum pataom bangsa.

      # Tui Kapul ngak bruk Cụm Trinh sát 2, hu panuac khan di bhap bini, gah trinh sát peih bruk pasang iek kapan TV- 4630 di Công ty Trách nhiệm hữu hạn Vận tải Sơn Huy di labik pambah tasik Định An di bhum tasik Trà Vinh. Tapa nan mboh angaok kapan dok pajeng 420.000 lít dầu DO oh hu harak gar brei thau asar di nyu. Harei 24/4, kapan TV- 4630 hu ba mai Cảng Bộ Tư lệnh Vùng Cảnh sát tasik 3 piah langyah tui adat hukum .

      # Barau blaoh, di xã Mỹ Hội Đông ,huyện Chợ Mới, tỉnh An Giang hu rah tabiak mbang glut jaleih trak ngak ka 16 baoh sang kram trun ia, 91 sang bhapbini daok taphia nan jeng mbuan glut jaleih,, njauk nao plaih. Langiu tanhi ravang, pachreih ba urang bhapbini, karja puk palei jeng drak samal kuhria caga bruk daong ka 107 sang bhapbini ngan saong 455 menuac hu taduan mek pandap daong. Meng pandap ini, urang bhapbini yam tagok kan kandah, kajap hatai piah padang veik raidiuk tani tanat.

      # Tui Sở Giao thông vận tải ban raya Hồ Chí Minh, harei lễ 30/4 song 1/5 meda tagok  1.350 mbang radeih buýt di 13 tuyến radeih hu dong yaom song 4 tuyến oh dong yaom piah pabak ka bruk nao mai di menuac urang. Taphia di nan,  bruk tagok  chuyến, pasak meda patrun labaih 1.500 mbang radeih buýt  di 17 tuyến, tui kuhria meda hu takik bruk nao mai dalam lễ, padeih peih 3 tuyến radeih  buýt pabak ka sinh viên meng harei 30/4 tal abih harei 2/5 lac  tuyến 50 (Đại học Bách Khoa – Đại học Quốc Gia); tuyến 52 (Bến Thành – đại học Quốc Tế) song tuyến 86 (Bến Thành, Đại học Tôn Đức Thắng). 

          Khaw tin dunya

          # Harei 24-4, Rajaei Séc brei tapa đề xuất di mintri Quốc phòng tagok hàm cấp tướng ka urang kumei Đại tá Len-ca Sme-đô-va (Lenka Smerdova). Meyah hu Tổng thống njauk hatai, di akaok bilan 5 tal, amuk meda lac urang kumei sĩ quan akaok mereip mek hàm cấp tướng di bol bala Séc.

        #Meng ni tal harei 29/4, Nyaom thanh sát viên quân sự Nga meda peih dom mbang par tui iek không phận 2 negar bhum Balkan lac  Croatia song Slovenia, meng kapan haoh An-30B di Nga, tui jalan  Hiệp ước dunya Bầu trời mở.

         # Danakdak padai brah dunya di Liên hợp quốc ieu daong yaok triệu urang bhapbini di Yemen daok dang anak eik saong jit ruak. Danakdak padai brah dunya jeng ieu dom gah mesruh gauk daong palagaih ka bruk daong pahla. Panuac ieu nan hu ba tabiak dahlau nyaom biai dom urang daong ka Yemen rah tabiak di Giơ-ne-vơ (Thụy Sỹ)./.