Khaw tin pagaiy harei 7/1/2017

# Thủ tướng Nguyễn Xuân Phúc bahrau hu mbaok dalam Nyaom biai peih tabiak jalan ngak di gilang pariak thun 2017. Thủ tướng pandar Gilang pariak  Karja samar hu jalan langyah sre jhak saong gilang pariak ngak bruk oh siam, kiểm soát lạm phát, grap tanat vĩ mô, daong peih ngak siam dom bruk kinh tế-xã hội 2017. Daok jalan ngak di anak tal, Thủ tướng ndom lac, gah gilang pariak njauk tui gam bruk di kế hoạch patagok kinh tế-xã hội thun 2017 hu Quốc hội brei tapa saong nao dahlau piah rik daong peih ngak siam bruk ini.

# Mintri Thông tin saong Truyền thông pambuak bruk saong mintri Lao động Thương binh saong Xã hội, Kapul Nhà báo Việt Nam barau patabiak bruk pakacah dom tác phẩm báo chí ka bruk patrun kathaot tukvak 2016-2020. Tác phẩm báo chí pakacah meda brei thau dom bruk cambiah ye : thực trạng, makna saong dom jalan ngak dalam bruk patrun kathaot; yaih khan dom greih camin kham merat yam tabiak truh kathoat saong brei thau dom alamu, sáng kến, mo hinh patrun kathaot kein laba.

# Kapul y, bác sĩ di Sang iek ruak Quân dân y tỉnh Sóc Trăng bahrau nao iek ruak, brei jru saoh ka baoh sang sarak karja, urang hu kong saong baoh sang kathaot di xã Mỹ Quới, bal sit Ngã Năm tỉnh Sóc Trăng. Mbang ini, hu jaik 300 urang hu dom y bác sỹ di Sang iek ruak Quân dân y tỉnh, iek ruak saong brei jru saoh; taphia di nan, tacei jalan iek ralo janih ruak saong tacei pato bhap bani jalan pandar jru njauk liều, njauk tukvak, khik iek pren yava tuk langik tasik salih karei…Taong abih jien ka bruk ngak ini jaik 40 triệu đồng.

# Tui mban tacei pato danakdak bruk ngak negar padang ngak palei pala barau, ban sit Cần Thơ hu padang đề án 36/36 xã meda ngak hu bruk ngak negar padang ngak palei pala barau di thun 2020. Dalam thun bloh, dalam ban sit hu 8 xã mek hu chuẩn palei pala barau, patagok 20/36 xã meblah labaih 55%. Phun jien piah padang ngak palei pala barau lac labaih 1.200 tỷ, dalam nan, kadung jien karja tỉnh labaih 500 tỷ, doanh nghiệp saong bhapbini rik daong labaih 80 tỷ.

# Thun ini, tỉnh Tiền Giang kham merat mek hu yaom jien pablei pandap tabiak negar langiu hu labaih 2,3 triệu USD, tagok jaik 12% dut haong thun bloh. Ta-eng thun bloh, yaom jien pablei pandap tabiak negar langiu di tỉnh mek hu labaih 2,1 triệu USD; dalam nan dom pandap jik pet, kadung bak, kaya ikan dalam aia… mek hu yaom jien glaong abih. Piah ka yaom jien pablei pandap tabiak negar langiu patagok glaong dalam thun tal, Tiền Giang pataom tame salih bahrau dom thủ tục hành chính, samar peih talaih dom kan kandah ka dom doanh nghiệp; patagok bruk xúc tiến thương mại, meyaih khan pandap panda. 

# Công an tỉnh Bình Thuận daok duah thau bruk bị can Phạm Minh Thế (21 thun daok di phường Phú Trinh, ban sit Phan Thiết) metai dalam sang tạm khik di Công an ban sit Phan Thiết. Dahlau nan, harei 4/1, tuk urang jakar sang khik tạm tame điểm danh ye mboh bị can Phạm Minh Thế metai dalam haduk kareik ngan saong dom baok bầm di rup. Bị can Phạm Minh Thế gaok khởi tố saong mek kareik di harei 24/11/2016 ka bruk “ pablei salih chất ma túy”. Gah  chức năng tỉnh Bình Thuận hu tangi sua dom urang pambuak tal, daok duah thau ngak cambaih bruk ini.

 # Pak vạch phân quản tatua Bắc Luân, bal Móng Cái saong bal Hạ Long, tỉnh Quảng Ninh, Việt Nam pambuak haong bal Đông Hưng, bal Quế Lâm, tỉnh Quảng Tây, Trung Quốc  peih tabiak jalan du lịch "2 negar - 4 labik mai" Việt Nam - Trung Quốc. Ini lac jalan du lịch bahrau, brei mboh bruk pa,buk gauk gah du lịch di 2 negar Việt Nam - Trung Quốc; taphia di nan, patui bruk patagok pren khang dua pabah mbang tapen negar Móng Cái – Đông Hưng. 

Khaw tin dunya

# Pháp barau peih bruk cuh klak menuk ada biak rilo di bhum Tây Nam taneh ia ini piah pacang jit kum menuk ada pambak praong. Gah chức trách Pháp brei thau, bruk cuh klak menuk ada rah tabiak meng harei 5 tal harei 20/1 di 3 bhum gaok kan kandah trak abih lac Gơ (Gers), Lăng-đơ (Landes) saong Ôn-téc Pi-ren-nê (Hautes-Pyrenees) di tây nam taneh ia ini. Pháp, taneh ia hu tapol menuk ada praong abih Liên minh châu Âu, urak ini hu mboh 89 sruh jit kum menuk ada, chủng H5N8, rilo meng lac daok di bhum Gơ. Chủng kum ini jeng hu duah mboh di rilo Cim glai daok di gah Brak taneh ia Pháp.

 # Harei 5-1, Phi-li-pin  brei thau 6 kadha brei ngak dahlau dalam thun 2017, thun Phi-li-pin ngak Chủ tịch luân phiên ASEAN saong jeng lac thun pahadar 50 thun padang Kapul nyaom. Ngan haong kadha "Khaol drei pambuak gauk pamong tal salih bahrau saong pambuak pagam dunya", thun ASEAN 2017 brei ngak dahlau 6 kadha, nan lac tacei jalan bhap bani saong mek  yếu tố anek manuac ASEAN ngak trọng tâm; hòa bình saong grap tanat dalam khu vực; pambuak bruk an ninh hàng hải; patagok saong salih bahrau; khả năng pasiam veik di ASEAN; dak padang ASEAN tui jalan chủ nghĩa khu vực saong pambuak bruk dunya.

# Đại sứ Cộng hòa Dân chủ bhapbini Triều Tiên di Việt Nam Kim Mi-ông Gin brei thau, dalam thông điệp thun barau 2017, urang dang akaok Triều Tiên Kim Châng Un ndom lac bruk patabiak abih pren piah peih ngak jalan kinh te taneh ia 5 thun tal hu brei tapa di nyaom roya mbang yaka 7 di Đảng Lao động Triều Tiên di bilan 5-2016; pasiam raidiuk bhapbini. Triều Tiên daok paglaong talei jum pataom bhapbini; khik kajap jalan chính trị - quân sự; pasiam talei pambuak bruk di dua bhum Triều Tiên; tui jalan tự chủ, hòa bình saong hữu nghị haong dom taneh ia./.