Khaw tin pagaiy harei 7/2

     # Page harei 6/2 pak Bal Cà Mau, tỉnh Cà Mau, Thủ tướng Nguyễn Xuân Phúc dang tabiak peih ngak nyaom biai Patagok ngành hadang Việt Nam. Thủ tướng ba tabiak kadha, tal thun 2025, Việt Nam njauk hu jien mek tame meng bruk pablei tabiak hadang nan lac lac 10 tỉ USD, ba Việt Nam jeng labik ngak tabiak hadang di dunya.  Mục tiêu khaol drei ba tabiak suai abih tal thun 2025, dahlau di thun  2025, khaol drei njauk hu jien mek tame meng bruk pablei hdang tabiak negar langiu nan lac 10 tỉ USD. Dalam nan, tỉnh Cà Mau, tal thun 2021 hu kham merat mek hu 2 tỉ USD blaoh. Khaol drei nan lac angan je hadang Viet Nam daneiy angan angaok dunya. Gah hadang njauk patagok khang kajap gah kinh tế, xã hội, môi trường. Gah tôm Việt Nam kham merat mek hu 10% GDP negar.

    # Tui Tổng cục Thống kê, kuhria taong abih tih tanut pablei lẻ pandap panda saong jien mek tame meng dịch vụ blei di bilan 1 kuhria 330 rabau 300 tỷ đồng, tagok  5,6% duk saong bilan 12/2016 saong tagok 9,9% duk saong dom bilan ini thun dahlau ( meyah klak yaom tagok 6,7%). Cambaih laih, doanh thu pablei lẻ pandap panda hu 252 rabau 700 tỷ đồng, tagok 6,5% duk saong bilan dahlau saong tagok 10,9% duk saong dom bilan ini thun dahlau. Tui nan, dom pandap duh ka Tết Nguyên đán hu tagok glaong lac nhóm padai brah; pandap mbang menyum;  jhik; jalan nao mai …

    # Tal 20 tuk harei Thần tài thun ini (6/2), dom doanh nghiệp pablei salih abih hu brei thau lac pablei tabiak hu jaik dua mbang dut haong harei Thần tài thun dahlau. Kapul nyaom Doji, Hà Nội brei thau, abih harei Tân tài thun ini (6/2), hệ thống dom cửa hàng di Doji hu pablei tabiak labaih 220.000 sản phẩm dom janih, tagok jaik dua mbang dut haong thun dahlau. 

    # Công ty Cổ phần ia hacih Quảng Trị barau ba gauk ngak bruk công trình ia hacih palei Lâm Xuân, xã Gio Mai, huyện Gio Linh. Labaih 300 sang di ini pandar ia meng bingun khoan, bingun caoh gaok njaom likhun saong dom chất karei medil lac oh siam ka prein yawa. Bhapbini brei thau lac, halau ia nerak lac sa dalam dom makna ngak ka rilo urang gaok ruak ung thư. Kuhria caga, hadei 75 harei thi công, công trình meda ngak blaoh ba tame pandar. Ông Phạm Hứa Bửu, Phó Giám đốc Trung tâm ia hacih saong saat alam môi trường di palei pala tỉnh Quảng Trị brei thau :Meyah dự án hadei tuk ngak blaoh, jao brei pandar lac abih tih dom sang jeng ye dom urang di palei Lâm Xuân, xã Gio Mai meda taduan mek saong pandar ia hacih njauk quy chuẩn, quy định di mintri Y tế, paglaong chất lượng raidiuk di urang bhapbini di puk palei .

     # Công viên tượng cuah bal Phan Thiết (tỉnh Bình Thuận) hu angan Forgotten Land hu peih pabah mbang taduan raok tuai damuai meng puac bilan 1/2017. Ong Lê Anh Tuấn, Akaok giám đốc Công ty Vietsandart brei thau: Urak ini công viên tượng cuah Forgotten Land tauan raok jaik 1.000 mbang tuai damuai yaok harei. Hadei di Tết Đinh Dậu, Công ty patui veik buh jien tame ngak dom  hạng mục yau tabung pacang, pala jang dom phun kayau, paneh jang dom tượng cuah bahrau. Abih di nyu, dalam tukvak 30/4 saong 1/5/2017, pak công viên tượng cuah meda rah tabiak mbang paneh tượng cuah brei ka dom urang kamei dunya.

    #Tỉnh  Kiên Giang  barau hạ thuỷ sruh kapal kanduh thép akaok mereip hu mesraiy jien tui Nghị định 67 di rajaei Nghị định 67. Ông Dương Tấn Tài – lambaok doanh nghiệp blei Trung Kiên, po kapal ikan brei thau : kapal hu jien đầu tư labaih 18 tỷ đồng, công suất thiết kế 350 tấn pandap saong caiuk hu riyak pakat 7. Jia lac ngan saong bruk đầu tư barau meda pei tabiak triển vọng ka bruk taong cap di gah thủy sản tỉnh Kiên Giang  di thun tal.

     # Kapul nyaom Thể thao Việt Nam meda hu 6 Vận động viên tranh tài pak Nyaom roya Thể thao mùa Đông châu Á mbang ka 8 peih tabiak pak Nhật Bản meng harei 19-27/2 tới. Ini lac mbang akaok meti dalam dak rai sajarah, Thể thao Việt Nam hu mbaok dalam nyaom roya thể thao mùa Đông châu Á. Nyaom roya Thể thao mùa Đông châu Á mbang ka 8 peih ngak pak Sapporo (Nhật Bản), pachreih jaik 2.000 Vận động viên saong urang jakar gah padhih mai meng 32 negar hu mbaok tame. Lễ khai mạc hu peih tabiak dalam harei 19/2.

     Khaw tin dunya

      # Rajaei Hàn Quốc harei 6/2 ba tabiak adat pakauk oh pajeng ba dom janih athur di 30 tuk di taneh ia, hadei tuk taneh ia ini mboh hu dom urang gaok hluah mboi papaok cakau. Mintri ngak nong saong pandap mbang menyum Hàn Quốc khan lac lệnh pakauk ka dom drei pabui saong limo dalam taneh ia meng 6 tuk melam 6/2  (tukvak puk palei) tal melam paguh. Karja puk palei jeng pandar dom nông trại, radaih pajeng ba athur atau dom sang mac khử trùng saong ngak hacih di tukvak rah tabiak lệnh pakauk.

      # Bal ine Bắc Kinh, Trung Quốc tagok kế hoạch brei patrun bruk pandar dhang jang 30% dalam thun 2017 piah patrun jang ô nhiễm không khí. Raja-ei bal Bắc Kinh sanya peih ngak dom jalan taong phạt catang dalam thun ini piah lang yah nạn thak dul mai meng bruk pandar biak ralo dang saong ralo phương tiện nao mai angaok jalan. Tui nan, Bắc Kinh meda oh pandar tapa 7 triệu tấn dhang dalam thun ini, patrun ralo jang dut haong 22 triệu tấn di thun 2013. Bắc Kinh jeng kareik pabah mbang dom sang mac máy điện prong nduac meng dhang.

    # Ngoại trưởng Liên minh châu Âu harei  6/2 sanya meda khik dom dom bruk trừng phạt tame Nga pambuak tal bruk khủng hoảng Ucraina. Ngoại trưởng dom taneh ia Liên minh châu Âu khan lac, dom bruk trừng phạt kinh tế njauk hu khik ka tal tuk Tổng thống Nga Vla-đi-mia Putin (Vladimir Putin) pok je sanya pambuak bruk ka sa lệnh padheih cuh di gah timul Ucraina jeng ye khik caga bruk ba phao ndao hạng trak tabiak truh biên giới.