Khaw tin pagaiy harei 8/2

        # Thun 2017, Quảng Nam kham merat hu jang 9 tal 10 xã mek hu chuẩn palei pala bahrau, patagok tỷ lệ số xã mek hu chuẩn tagok 35-36%; số tiêu chí mek hu chuẩn kuhria rah tapa dalam tỉnh nan lac 13 - 13,5 tiêu chí/xã. Tukvak anak tal tỉnh pataom tame tacei pato quyết liệt, ngak jeng bruk salih bahrau, mek hu mục tiêu tui yaok nyaom xã. Patagok bruk pathau khan, abih di nyu nan lac pathau khan piah paglaong hatai tự giác, tự chủ di bhap bani; peih ngak dom phong trào “Taong abih bhap bani gul pataom padang ngak palei pala bahrau, đô thị văn minh”, “Jak ba gheih”, “Dam dara halar hatian”, “Padang ngak baoh sang 5 oh 3 hacih”, “Sang hacih, bein mekre”…

      # Hadei harei 6 bingun tết, di dom cảng ikan di tỉnh Quảng Ngãi, chreih chrai kapal ikan tame tabiak, ba lộc meng tasik mai mbaok haluk hadei dom mbang taong cap dalam tết di tasik, brei thau ka thun barau bội thu…Hu lingik tasik siam lagaih, yaom ikan hadei tuk tết jeng tani tanat yau nan ye urang ngak ikan biak uan tabuan. Urang ngak ikan Phạm Văn Thu daok di xã Phổ Thạnh, huyện Đức Phổ brei thau, peih bruk meng pagaiy harei 3 bingun tết, kapl di saai taong cap hu labaih 5 tấn ikan. Harei akaok thun, lộc tasik ba mai bui sambai, caong khin ka dom urang ngak ikan ka sa thun barau hajan siam angin lagaih, hadang ikan bak khoang.

       # Ủy ban Bhap bani tỉnh Bình Thuận bahrau hu harak pandar Sở Ngak nong saong patagok palei pala dang tabiak peih ngak kế hoạch điều tiết, ba brei aia ka labik hạ du dalam bilan thu thun 2017. Tui Sở Ngak nong saong patagok palei pala tỉnh Bình Thuận, urak ini lượng aia padang khik dalam dom baoh binek kavei dalam tỉnh nan lac 220,232 triệu m3/216,559 triệu m3 tui njauk dung tích thiết kế, mek hu 101,7%. Mai meng halai aia di dom baoh binek kavei nan ye mblang taneh ba aia pruh vụ đông xuân 2016 – 2017 mek hu labaih 33.000 ha; ta-eng thanh long saong dom janih phun pala karei labaih 17.000 ha. 

       # Văn phòng thường trực Ban tacei pato pacang caga kanyaik jhak di lingik tasik saong duah saong bala tỉnh Bình Định brei thau, kayua gaok hajan meng harei 1-3/2 ngak ka 1.692 ha padai Đông Xuân di tỉnh gaok ia dauk. Ngan saong lượng hajan trung bình phổ biến 92 mm, bair harei 7/2, mực ia sông Kôn di Thạnh Hoà lac 6,1 m, angaok báo động 1 lac 0,1 m; dung tích dom danao padang ia praong ye Định Bình hu  232,3triệu m3 hu  tỷ lệ 103% dung tích thiết kế…Akak bruk jhak di lingik, akaok tỉnh Bình Định hu tacei pato dom gah  chức năng saong puk palei peih dom cống tiêu pathaok úng di dom đập dâng di dom baok kraong saong Đê Đông piah daong padai.

     # Bilan akaok meti di thun ini, du lịch tỉnh Thừa Thiên Huế taduan raok jaik  230 ribau mbang tuai damuai, tagok 5% dut haong tukvak ini thun dahlau. Dom tour du lịch meng kan, dom công ty, doanh nghiệp lữ hành pak Huế hu meyaih khan tal tuai damuai dom tour du lịch dalam tukvak akaok thun yau: Trải nghiệm raok Tết cổ truyền; rivang iek palei bingu ba-ar  Thanh Tiên; lễ hội vật làng Sình… Ong Lê Hữu Minh, Phaok akaok phụ trách Sở Du lịch tỉnh Thừa Thiên-Huế brei thau:   Pataom tame dom jalan ngak, njauk đa dạng hóa sản phẩm du lịch angaok cơ sở sản phẩm văn hóa-di sản ngakye peih prong du lịch sinh thái pambak tame bhap bani, du lịch pambuak pagam haong palei ngak, du lịch tasik… Kadua nan lac peih prong haong dom puk palei, dom labik trọng đểm  du lịch dalam negar saong langiu negar. Patagok bruk xúc tiến, meyaih khan, grap tanat môi trường du lịch, pahacih nạn katung dui tuai damuai.)

      # Harei 7/2, di ban Cần Thơ, akaok mintri Phùng Xuân Nhạ hu var ngak bruk saong urang dang akaok Sở pato megru ban Cần Thơ ka patagok pato megru, pakacah di di ban jeng ye patagok menuac urang chất lượng glaong ka bhum taneran kraong Cửu Long. Akaok mintri Phùng Xuân Nhạ caong khin gah pato megru Cần Thơ cần peih ngak siam jang bruk pato megru, abih di nyu nan lac đầu tư ka cơ sở vật chất, trang thiết bị pato pakai; sangka tal pato pakai tin học saong ngoại ngữ ka dom pakat bac; peih ngak siam xã hội hóa di pato megru, caik dahlau ka paglaong chất lượng patagok pato megru di ban .

      Khaw tin dunya

     # Harei kabroi (7/2 ), sa mbang ribuk khang hu bah tapa bal Niu Óc-lin (New Orleans) saong dom labik jaik taphia dalam bang Lu-di-a-na (Louisiana), ngak takik abih 11 urang njauk rambuis, ngak khat kahik trak ka dom baoh sang saong labik pablei salih. Urang tabiak panuac di jabat khik iek năng lượng Niu Oc-lin brei thau, jaik 50 ribau urang oh hu điện pandar. Jabat khí tượng Mỹ hu panuac brei thau dahlau bhap bani njauk daok dalam labik tạm trú an toàn piah plaih pambak meng dom klaih pacah meng dom baoh sang saong plaih dom labik njauk tayah tayac kayua ribuk. 

    # Gah y tế Braxin daok jhul khang bruk sản xuất vắc-xin pacang caga ruak pandiak kanyik kalik dalam tuk taneh ia ini njauk dang anak saong jit ruak pandiak kanyik kalik trak abih dalam sajarah, ngan saong 180 urang njaom ruak kuhria meng akaok bilan thun dahlau saong 65 ca metai. Pandiak kanyik kalik lac ruak pambak gauk tapa jamaok, bhian gaok di châu Phi saong Nam Mỹ. Urang ruak bhian hu triệu chứng akaok mereip ye pandiak, pandik akaok, pandik talang saong taglon.

    # Tổng thống Iran Hát-xan Rô-ha-ni harei 7-2 khang panuac lac, panuac sanya hạt nhân di Iran saong nyaom P5+1 (nan lac Mỹ, Anh, Pháp, Nga, Trung Quốc saong Đức) nan lac sa panuac sanya dua gah gam hu kein laba saong meda hu jeng kadha siam piah ngak padam trun dom cuang kandah tavak tave dalam khu vực./.