# Pak Hà Nội, bahrau rah tabiak danak dak Hadah hadai Urang kamei Việt Nam saong pok brei Giải thưởng Kô-va-lép-kai-a (Kovalevskaia) thun 2016, kayua kapul urang kamei Việt Nam peih ngak, tukvak pahadar 107 thun harei Dunya urang kamei 8/3 saong pahadar 1977 thun Khởi nghĩa Hai Bà Trưng. Ini lac bruk ngak salam uan Nyaom roya urang kamei pakat negar mbang ka 12 (XII) daok rah tabiak. Ủy viên Bộ Chính trị, Thủ tướng raja-ei Nguyễn Xuân Phúc hu mbaok saong ndom lac: ndom ka 17 mục tiêu toàn cầu pamong tal bruk cakrok patagok khang kajap thun 2030 hu sa jalan ngak ka bình đẳng giới. Thủ tướng ndom lac, peih ngak siam 7 jalan ngak bình đẳng giới di Việt Nam piah mek hu  mục tiêu dalam danak dak nghị sự 2030 brei ka bruk cakrok patagok khang kajap.

      # Pa-uan harei dunya urang kumei (8/3), di palei Lâm Giang, Kapul Liên hiệp urang kumei xã Hàm Trí, huyện Hàm Thuận Bắc, tỉnh Bình Thuận hu var taom gaok dom hội viên kumei. kayua dom saai kumei Cam di ini parang me-in, di var taom gaok, lambaok urang dang akaok dom pakat kapul hu pok meyaom dom urang nao dahlau ngak siam bruk pakacah, ngak tui panuac wa, padang ngak palei pala barau; dom urang nao dahlau di di pandar jien mesraiy siam piah patagok kinh te patruh kathaot kajap. Tapa kadung jien, urak ini, dom pakat pakul urang kumei dalm tỉnh Bình Thuận brei ka labaih 56.200 hội viên mesraiy ngan saong paok jien labaih 1.251 tỷ đồng, daong dom hội viên kathaot patagok ngak mbang, dalam nan hu urang kumei bangsa takik.

         # Bruk pakacah rup thaot “Dom baoh sang bình đẳng Việt Nam” thun ini meda rah tabiak meng harei 8/3 tal harei 15/5/2017. Mbang pakacah kayua Đại sứ quán Thụy Điển, Mentri Ilamo padhih saong rivang ma-in haong Muyim urang kamei Việt Nam pambuak gauk peih ngak piah jhul pakhang bruk likei kumei samu gauk dalam baoh sang Việt Nam. Dom tác phẩm hu mbaok tame pakacah brei mboh chân thực, cảm động dom kieng mong iek bình đẳng di dom urang ngak ame, ngak amaik saong anek bhik dalam sang Việt Nam; brei mboh vai trò di urang likei dalam bruk salih bahrau dom định kiến giới, pamong tal sa xã hội bình đẳng jang.

      # Anak bruk kan kandah di jit kum A/H5N6, rilo sang raong glang, pablei salih menuk ada di tỉnh Quảng Ngãi laik tame cảnh thua lỗ. Rilo sang raong glang menuk ada tok sa tukvak katut lihik abih, lihik yaok ratuh triệu đồng. Urak ini, jaik 20.000 drei menuk ada di urang nong tỉnh Quảng Ngãi gaok cuh klak kayua njaom kum menuk ada. Dom sang daok raong menuk ada biak duh hatai anak jit ruak pambak tame saong bruk pablei tabiak trun khang.

      # Tỉnh Gia Lai daok pataom tame  padang khu ngak nong chất lượng glaong di bhum tapen negar Ia Mơr (huyện Chưprông) saong pok sap iew doanh nghiệp đầu tư patagok dom janih phun pala – anek athur raong piah pablei yau padai aia 2 vụ, tangeiy lai, pa-aok bleit, phun mbang baoh... Kein lagaih di bhum tapen negar Ia Mơr nan lac hu taneh biak ralo saong tapak mbaok, langik tasik jeng siam laghaih. Ndom ka cakrok patagok bruk raong glang, tỉnh Gia Lai jeng hu kế hoạch padang ngak mô hình raong glang tapol limo lai ala phun glai jaik 10.000 drei limo rilo, pambuak haong bruk pala hareik thâm canh piah daong brei pandap mbang dalam bilan bhang...

     # Ban sit Cần Thơ hu patabiak bruk meng ini tal thun 2019 meda ngak blaoh bruk brei angan taong abih 36 xã ngak hu chuẩn palei pala barau saong tal thun 2020 meda brei thau 4/4 huyện ngak hu chuẩn palei pala barau. Karei di thun 2017, ban meda brei thau veik 7 xã saong 1 huyện (huyện Vĩnh Thạnh) hu chuẩn palei pala barau. Piah ngak hu bruk ngak nan, ban Cần Thơ meda caik dahlau kadung jien sarak karja, ieu dom doanh nghiệp đầu tư ka danakdak.

    # Pak bal Long Xuyên, tỉnh An Giang, Nyaom darak pandap Việt Nam chất lượng glaong hu peih tabiak ka chuỗi Nyaom darak ini dalam negar thun 2017. Sa dalam dom điểm nhấn di nyaom darak mbang ini nan lac dom van giao lưu, ginum biai pambuak pagam pablei salih ngan haong bruk hu mbaok di urang pal akaok 4 tỉnh ABCD Mekong (An Giang - Bến Tre - Cần Thơ - Đồng Tháp). Gam haong nan, daok hu mbaok di dom urang pablei salih, lambaok ka Ban Khik iek dom darak đầu mối, siêu thị prong di bal raya Hồ Chí Minh, klup kapul urang nong miền Tây .

       Khaw tin dunya

       # Nyaom biai thượng đỉnh Hiệp hội vành đai Ấn Độ Dương (IORA) ngan saong kadha “ paglaong pambuak bruk hàng hải kayua hòa bình, tani tanat saong  thịnh vượng di Ấn Độ Dương” barau rah tabiak di ban ine Gia-các-ta (Jakarta) di  In-đô-nê-sia.  Di nyaom biai, dom urang dang akaok di 21 taneh ia thành viên Hiệp hội vành đai Ấn Độ Dương hu mbaoh tangin tame Hiệp ước Gia-các-ta (Jakarta), tui nan sanya jhul khang bruk an toàn saong an ninh hàng hải, paglaong thương mại saong pambuak bruk đầu tư, khik ramik saong patagok bruk taong cap kaya ikan dalam ia kajap saong hu trách nhiệm, khik ramik rủi ro di bala kayua lingik tasik, paglaong bac megru, alamu saong công nghệ hợp tác, jhul khang du lịch saong taom gaok ilimo… 

      # Thủ tướng Ô-xtrây-li-a (Australia ) Man-côm Tơn-bun (Malcolm Turnbull) bahrau brei thau, Ô-xtrây-li-a meda kham merat pambuak haong In-đô-nê-si-a (Indonesia) dalam gah an ninh hàng hải min oh hu jalan pathram trận haong gauk di dua negar pak Biển đông. Thủ tướng  Man-côm Tơn-bun brei thau, ong oh khin peih ngak bruk hagait ngak brei catang tagok di Biển Đông. Ô-xtrây-li-a sanya patagok talei pambuak bruk haong In-đô-nê-si-a dalam gah an ninh hàng hải.

     # Rajaei saong đảng cầm quyền Hàn Quốc njauk hatai gauk ba nộp đơn kiện Trung Quốc tagok Gah pablei salih dunya (WTO) kayua mboh lac taneh ia ini daok paglaong ngak tui dom sarak kinh tế piah trả đũa bruk peih ngak Hệ thống phòng thủ tên lửa tầm glaong tukvakpuac di Mỹ pak Hàn Quốc. Dom gah njauk hatai gauk paglaong bruk kham merat piah trun takik khat lihik ka dom gah công nghiệp Hàn Quốc./.