Khaw tin pagaiy harei 9/1/2017

 # Lambaok Tổng công ty Jalan Pasei Việt Nam brei thau, thun 2016, gah jalan pasei tok mek hu sản lượng labaih 7.975 tỷ đồng, hu 87,7% dutk haong tukvak ini thun dahlau; jien mek tame hu 8.338 tỷ đồng (mek hu 88,8%). Taong abih sản lượng saong jien mek tame di Tổng công ty njauk trun khang, oh mek hu kế hoạch kayua jalan pasei oh tui samu bruk cakrok patagok di dom janih pajeng ba karei; cơ sở vật chất oh siam, chất lượng dịch vụ kém. Thun 2017, gah ini kham merat patagok sản lượng saong doanh thu meng 8% tagok, kein laba hadei di thuế 138 tỷ đồng, pacang saong patrun jang bala angaok jalan pasei,...

# Di Hà Nội, Sở Du lịch Đà Nẵng pambuak bruk saong Sở Du lịch Hà Nội barau peih danakdak yaih khan du lịch Đà Nẵng” piah pabak asal kadha ka dom bruk, pandap panda saong dnaakdak kích cầu du lịch di thun 2017 tal darak pasal Hà Nội. Sở Du lịch Đà Nẵng brei thau, thun 2017, Đà Nẵng hu rilo bruk ngak praong ye : Lễ hội pháo bingu pakat dunya Đà Nẵng 2017 ngan saong bruk pataom mbaok di 8 taneh ia hu Viet Nam, Thụy Sĩ, Trung Quốc, Australia, Áo, Nhật Bản, Vương quốc Anh saong Italy.  Bruk ngak ini lac bruk kham merat pambuak pagam darak pasal, pambuak pagam bhum di jalan patagok di du lịch Đà Nẵng.

 # Chi cục Khik iek chất lượng Nông lâm saong Thủy sản pambuak haong Phòng Cảnh sát Môi trường – Công an tỉnh Quảng Nam peih bruk taong phạt 35 triệu đồng saong brei padeih ngak 2 bilan labik ngak chả Thanh Thảo di xã Hương An, huyện Quế Sơn kayua pandar chất hàn the tuk ngak chả. Taong abih pandap ngak hu ba nao am cuh klaak. 

# Hadei di 6 bilan peih ngak iek dahlau, kuhria meng bilan 6/2016, mô hình “libik tư vấn, pasang eik, daong, iek ruak nghiện ma túy” di phường Phước Hải, ban sit Nha Trang, hu ba mai kein laba jang, paglaong chất lượng iek ruak  nghiện ma túy, ba mbuan lagiah ka urang nghiện pataom tame iek ruak saong hu brei dom dịch vụ di libik, tapa nan daong dom urang nan klak ma túy saong ba drei tame bhapbini. Meng ini tal thun 2019, tỉnh Khánh Hòa khik saong  padang 12 libik tư vấn, pasang eik, daong, iek ruak nghiện ma túy di bhapbini.

# Bruk patagok khik iek menuk ada anek athur raong piah grap tanat jit ruak piah ba brei ka darak pasar rilo hacih, chất lượng saong an toàn dalam tukvak Tết Nguyên đán daok hu dom gah chức năng pak Đăk Lăk peih ngak catang. Sở ngak nong saong patagok palei pala tỉnh hu pachreih bhap bani blei pajaih hu asal cambaih, labik ngak hu angan je, klauk jru pacang caga ruak njauk ilamu kỹ thuật laghaih haong yaok janih athur raong, ngak siam bruk vệ sinh môi trườngraong glang, duah mboh haong pathau samar ka jabat chức năng tuk hu mboh karei jang angaok athur raong.

# Tòa án bhapbini tỉnh Gia Lai barau tuyen abih tih 210 bilan guk ka 10 urang dalam kapul pablei salih, ngak chứng chỉ, văn bằng ja tapa taneh ia di mbang xét xử sơ thẩm vụ án “ngak ja bak dấu, tài liệu di libik” rah tabaik di harei 6/1 meng blaoh. Gah điều tra jeng hu duah thau, tapa nan thau hu 360 urang blei chứng chỉ, văn bằng ja di dom bị can; mek khik hu labaih 270 chứng chỉ, bằng cấp ja. Công an tỉnh Gia Lai hu brei thau asal kadha, tài liệu saong hu văn bản pandar công an dom puk palei, dom libik chủ quản xử lý karei dom urang ini.

 # Tỉnh An Giang bahrau peih bruk trao tặng, truy tặngc angan Amaik Việt Nam Anh hùng (Mẹ VNAH). Dalam mbang ini, tỉnh An Giang hu 23 amaik. Lambaok dom baoh sang, gauk gar dom amaik VNAH hu mai pataom pambaok saong taduan mek. Lambaok tỉnh An Giang, Phaok Akaok Ủy ban nhân bhap bani tỉnh An Giang Nguyễn Thanh Bình caong khin dom gah, dom pakat njauk hu ralo jang dom bruk ngak sangka, daong ba, iek glang tal dom Amaik VNAH daok diuk saong sangka, daong ba dom gauk gar di amaik VNAH lahik blaoh, peih ngak siam jalan ba sarak di Đảng, Hukum karja ngan haong dom urang hy sinh brei ka taneh aia. 

Khaw tin dunya

# Urang brei panuac di mintri Ngoại giao Trung Quốc- Cảnh Sảng baru brei thau : Trung Quốc tuk halei jeng mong Hiệp hội dom taneh ia Đông Nam Á (ASEAN) lac jalan nao dahlau di ngoại giao saong dom taneh ia jaik taphia, halan hatian daong Philippines ngak siam libik dang lac Chủ tịch luân phiên ASEAN jeng ye jhul khang talei pambuak bruk Trung Quốc-ASEAN tagok glooang. Thun 2017 lac thun pahadar 50 thun  padang ASEAN saong thun pambuak bruk du lịch Trung Quốc-ASEAN, dua gah daok cang jalan nao barau piah ramik pasiam saong paglaong chat luong pambuak bruk hu bloah, taphia nan jhul khang peih ngak hu bruk paglaong libik pablei salih tự do Trung Quốc-ASEAN.

 # Truyền thông Myanmar breithau Pakistan hu ndom haong Myanmar ka bruk blei brah di negar Đông Nam Á này. Dalam tuk nan, Myanmar jeng pamong tal darak pasar Pakistan dalam bruk kham merat pablei brah tabiak negar langiu. Yaom lac oh siam rilo gah gah công nghệ, min Myanmar daok meriak gauk haong dom negar dalam bhum yau Thái Lan, Campuchia, Ấn Độ saong Việt Nam ka darak pasar brah. Jaik 80% brah di Myanmar hu ba tapa darak pasar  Trung Quốc, mboh ralo lac pablei tapa jalan tapen negar. Dom darak pasar pablei brei brah tabiak di Myanmar nan lac Indonesia, Singapore, dom negar châu Âu, châu Phi, Nga saong Brazil.

# Dom urang dang akaok bhum taneh Đài Loan (Trung Quốc) khan brei thau lac barau cuk klak labaih 20 rabau drei menuk dalam tuk patuh jit kum menuk ada di ini. Bilan dahlau, gah Trung Quốc đại lục jeng khan brei thau dom urang njaom virus kum menuk ada di menuac. Taneh ia ini jeng barau tabiak lệnh pakauk blei menuk ada meng dom taneh ia daok hu jit kum menuk ada. Lệnh pakauk ini daok hu ba tabiak ngan saong jaik 60 taneh ia , dalam nan hu Nhật Bản saong Hàn Quốc, ini lac dua taneh ia hu menuk ada njaom virus kúm biak khang./.