Khaw tin pagaiy harei  9/2

       # Thống đốc Gilang pariak karja bahrau tabiak Thông tư ka 43 brei thau ka bruk brei mesre cai pandar di dom công ty jien padai. Tui nan, taong abih jien brei mesre cai pandar ngan haong sa khách hàng di công ty jien padai oh tapa 100.000.000 đồng (sa rituh riệu đồng). Thông tư meda hu ba tame peih ngak meng harei 15/3 anak tal. Tanut taong abih jien brei mesre ini oh pandar ngan haong brei mesre cai pandar piah blei radaih 4 baoh saong pandar sruh radaih nan ngak drap ar grap tanat ka chính khoản mesre nan tui adat hukum di karja. Bruk caong khin phun jien blei, pandar pandar panda, dịch vụ dalam nan hu: blei radaih nao mai, pandap pandar, trang thiết bị dalam sang; jien bac megru, pasang iek ruak, rivang ma-in, ilamo, padhih; jien piah pasiam veik sang danaok…

        # Urak ini, urang pala amraik kalu di tỉnh Đắk Nông daok tame bilan paik baok, min oh hu bui sambai kayua năng suat bair saong yaom pablei trun khang. Tui urang pala amraik kalu di Đắk Nông, năng suất kuhria rah tapa thun ini tok hu 2,3 tấn dalam 1 ha, trun 1 tạ duk saong thun dahlau.  Ông Nguyễn Tuấn Khải, akoak chi cục pala drak saong khik kaca phun pala tỉnh Đăk Nông brei thau, lingiu di bruk lingik oh lagaih, ye bruk urang nong peih praong taneh amraik kalu rilo, oh sangka ka pajaih saong alamu pala drak ngak ka năng suất amaik kalu trun khang.

      # Tỉnh Đồng Tháp daok tacei pato tui iek saong langyah bruk palao raong jaik 120 drei hadang hùm bhong di ong Trần Văn Hòa daok di ấp 6, xã Tân Hội Trung, huyện Cao Lãnh, tỉnh Đồng Tháp. Tui ong Hoà khan haong jabat chức năng, dalam tukvak pah taneh pala caraih (pajaih caraih bahrau, piah mek ngó), ong hu palao raong 4kg pajaih hadang hùm giraong bhong, jaik 120 drei, angaok mbaok danao 500 m2. Dom hadang ini hu ong ba meng Hà Nội mai palao raong oh hu harak brei thau ka asal di nyu mai meng halei. 

       # Tui ông Lữ Văn Hùng, akaok Ủy ban bhapbini tỉnh Hậu Giang, meng ini tal thun 2020, Ủy ban bhapbini tỉnh saong Ủy ban Mặt trận negar Việt Nam tỉnh meda pambuak bruk jak ba saong glang iek bruk khik caga pandap mbang menyum dalam tỉnh. Tui nan, Hậu Giang jhul khang bruk pok meyaom, pambak praong dom urang hadah trah dalam ngak mbang pablei salih pandap mbang menyum an toàn; taphia nan, ngak catang njauk hukum domn bruk ngak mbang pablei salih pandap mbang menyum oh an toan.

        # Meng hadei di tết tal ini, urang raong pabui saong urang blei pandar pak Tiền Giang biak duh hatai anak bruk lac: yaom pabui hơi urang raong pablei pak van biak biar; dalam tuk nan rilo pabui pablei di darak pasar nan biak glaong. Urang raong glang saong urang blei pandar thei jeng khat lahik; urang blei, baoh sang pablei salih rilo pabui ye mek kein laba glaong. Cambaih laih yaom pabui hơi, urang blei duah blei di urang raong tok di tanut meng 2,4- 2,8 triệu đồng/tạ. Yaok tạ pabui hơi pablei tabiak, urang raong khat lahik labaih  1 triệu đồng. Ong Nguyễn Minh Quang, baoh sang raong glang di xã Lương Hòa Lạc, huyện Chợ Gạo, tỉnh Tiền Giang lac: Urang blei salih pablei ka urang blei pandar hu jien mek tame glaong di abih, nan ye caong khin gah chức năng pasang iek yaom kaom di langiu darak pasar piah ka urang raong glang patrun khat lahik, urang blei pandar patrun jien cai pandar dalam sinh hoạt baoh sang.

     # Dom roh duah jaik ini di Viện sốt rét -ký sinh trùng-côn trùng trung ương brei mboh, kayua bruk mbang menyum, daok dang di bhapbini bhian oh hacih saat yau nan ye bruk njaom ký sinh trùng biak glaong dalam bhapbini. Ruak rilo lac giun pambak tapa haluk, ruak sán pambak tapa pandap mbang ( ye sán lá gan, sán phổi, ấu trùng sán lợn…). Daok ruak sán lá gan sit (ngak jeng tổn thương gan, xơ gan...) hu duah mboh di 32 tỉnh ban.

      # Tui bác sỹ Trương Hữu Khanh, Akaok khoa Nhiễm – Thần kinh, Sang iek ruak Nhi đồng 1 Bal raya Hồ Chí Minh, pak dom tỉnh gah Meraong, ruak thủy đậu hu mboh tui chu kỳ meng bilan 2 tal bilan 6 yaok thun, tabung glaong laik tame dalam jaik bilan 5 - 6. Meng akaok bilan 1 tal ini, Khoa Nhiễm – Thần kinh taduan mek hu 24 uranaih nhập viện iek ruak thủy đậu.

         Khaw tin dunya

         # Harei 8/2 , sa sruh gilai tableik di langiu tasik Xa-bát (Sabah) di  Ma-lai-xi-a ngak ka 13 urang lihik. Tui jabat Thực thi Hàng hải Ma-lai-xi-a (MMEA), bhapbini di Xa-bát daong hu 2 dalam dom urang di angaok kapal. Tui dua urang daok diuk, sruh gilac tableik tukvak jaik 6 tuk bair harei kabroi tuk daok di jalan meng Ti-na-gát (Tinagat), Ma-lai-xi-a nao libik kraong Ni-a-múc (Nyamuk) di In-đô-nê-xi-a. Urak ini, dom urang jakar daong duah urang njauk bala daok nao tal labik nan piah duah urang lihik.

      #  Lào daok jeng labik mai biak takre di dom urang đầu tư Nhật Bản dalam tukvak dom doanh nghiệp Nhật Bản daok panduan dom cơ sở ngak pandap  meng dom negar jaik taphia tapa Lào piah đầu tư, ngak tabiak harei dak ralo piah hưởng lợi meng bruk grap tanat an ninh chính trị pak negar ini. Urak ini hu labaih 130 công ty di Nhật Bản panduan salih labik ngak tabiak pablei salih meng dom negar jaik taphia tapa lào saong daok ralo công ty karei di Nhật Bản jeng daok caong khin panduan tapa Lào đầu tư. 

     # Harei 8/2, Gilang Dự trữ Ấn Độ (RBI – gilang trung ương) brei thau meng harei 13/3 tal meda yah klak abih bruk giới hạn suak jien. Dalam mbang họp báo di ban Mumbai (Mum-bai), Phó Thống đốc RBI R.Gandhi (Gan-đi) khan lac meng harei 20/2 meda paglaong tanut giới hạn suak jien meng tài khoản patak pataom tagok 50.000 rupee (744 USD) meng tanut quy định urak ini lac 24.000 rupee (357 USD), saong kuhra meng harei 13/3 meda oh daok giới hạn tanut jien hu suak .