# Harei kabroi (8/3), pak Sang Quốc hội, Ủy ban Pháp luật di Quốc hội peih mbang nyaom ka 4, dalam nan hu asal kadha praong lac peih bruk pasang iek taong yaom dự án Hukum pasiam veik, pabak veik dom paka di Hukum tố cáo. Pak mbang nyaom ini, Ủy ban Pháp luật meda peih bruk pasang iek taong yaom dự án Hukum pasiam veik, pabak dom paka di Hukum tố cáo; pasang iek taong yaom dự thảo Sarak ka cơ cấu, tổ chức, bruk ngak di Ban công tác đại biểu; brei panuac ka yaom phạt jien ngan haong dom bruk  vi phạm hành chính dalam dom gah.

# Di Hà Nội, mintri Lao động Thương binh saong Xã hội peih nyaom biai paglaong bruk ba urang ngak nao ngak bruk di taneh ia langiu. Urak ini, dalam taneh ia hu jaik 300 doanh nghiệp hu ba ar phép ngak dịch vụ ba urang ngak nao ngak bruk di taneh ia langiu. Meng thun 2010 tal ini, kuhria yaok thun hu jaik 20 doanh nghiệp ba hu labaih 1.000 urang ngak tabiak taneh ia langiu ngak bruk.

# Ong Trần Đắc Phu, Akaok Cục Y tế dự phòng (Bộ Y tế) brei thau: meng akaok thun tal ini dalam negar hu mboh 55 urang njauk ruak ho gà, mboh ralo pak Hà Nội, Thái Bình, Nghệ An, Bắc Ninh, Lạng Sơn saong Hải Dương. Njauk caik hatai nan lac 5 urang njauk ruak ho gà metai pak Hà Nội, Nam Định saong Nghệ An. Piah pacang cakak ruak ho gà, langiu di bruk klauk jru pacang caga ginup ka uranaih dalam umo tiêm chủng, ong Phu jeng kakei lac urang kamei dalam umo caih menek jauk nao klauk jru vắc-xin dahlau di tuk metian piah hu kháng thể truyền ka anek. Urang kamei daok metian meyah khin klauk vắc xin pacang caga ruak ho gà njauk ngak tui tacei pato di jabat y tế.

# Di mbang nyaom mban khối Đảng, Đoàn thể kayua Thường trực Thành ủy Đà Nẵng peih ngak harei kabroi, rilo kadha brei thau bruk dak apdang sang danaok suan hukum di bán đảo Sơn Trà. Ông Huỳnh Minh Chức, akaok kapul Cựu Chiến binh ban Đà Nẵng brei thau, urang jakar saong bhapbini dom libik bhapbini daok di ban Đà Nẵng biak duh hatai anak bruk dak apdang sang danaok, biệt thự suan adat di bán đảo Sơn Trà. Tui ông Chức, Thủ tướng rajaei hu Quyết định phê duyệt tổng thể patagok libik du lịch bán đảo Sơn Trà tal thun 2025 saong pamaong tal thun 2030. Tui bruk ba tabiak, meda pamaong tal ba bán đảo Sơn Trà jeng pasak du lịch sinh thái greih abih di duyên hải Nam Trung bộ saong di taneh ia.

 # Pak bal raya Hồ Chí Minh, Kapul Lộc Trời pambuak haong IFC - thành viên Nyaom gilang pariak dunya, Viện Roh duah padai brah dunya saong Diễn đàn padai brah khang kajap dunya peih danak dak ngak padai brah khang kajap tui chuẩn dunya pak Việt Nam. Tui danak dak ini, dalam dua thun tal, jaik 4.000 urang nong di Bhum taneran kraong Cửu Long meda pathram dom jalan ngak bahrau ka bruk pala padai chất lượng, năng suất glaong saong siam ka môi trường.

# Piah jhul khang dom bruk brei quyền ka urang kumei di bruk sáng tạo saong pablei salih, di ban raya HCM, dom thành viên dak padang Mạng lưới urang kumei khởi nghiệp saong pablei salih ( vak katut lac WISE) barau tabiak mbaok mạng lưới ini.  Mạng lưới urang kumei khởi nghiệp saong pablei salih hu dak apdang kayua 9 thành viên. Sứ mệnh di Mạng lưới urang kumei khởi nghiệp saong pablei salih lac khik kajap, pambuak pagam saong daong dom urang kumei khởi nghiệp di Việt Nam saong peih praong tabiak dom taneh ia di bhum MeKong.

 # Urak ini, tỉnh Tiền Giang hu labaih 10 triệu drei menuk ada, dalam nan hu tapol menuk rilo labaih 6 triệu drei, menuk mebaoh jaik  4 triệu drei. Jaik di ini, yaom menuk rilo di tỉnh trun samar ngak ka urang raong glang khat lahik trak. Di tukvak ini, yaom menuk raong  công nghiệp pajaih Tam hoàng meng 22.000 tal 24.000 đồng/kg, menuk raong palao bein tui jalan meteh công nghiệp hu yaom 43.000 tal 47.000 đồng/kg. Dut haong tukvak dahlau di Tết cổ truyền yaom menuk trun jaik 15.000 đồng/kg. 

Khaw tin dunya

# Hàn Quốc meda patagok dom bruk kham merat di kinh te saong ngoai giao piah ngak cadu bruk căng thẳng patabiak meng dom bruk trả đũa di Trung Quốc ka bruk Hàn Quốc xúc tiến peih ngak hệ thống phòng thủ tên lửa tầm glaong tukvak puac di Mỹ. Rajaei Hàn Quốc meda paglaong dom kham merat kinh te saong ngoai giao piah trun takik khat lihik bo dom doanh nghiệp saong bhapbini Hàn Quốc daok ndua nong.

# Mentri rivang ma-in Campuchia saong sang bac Đại học Công nghệ Rajamangala Thanyaburi di Thái Lan hu mboh tangin sa  biên bản kanar hadhar ka bruk padang ngak sa học viện du lịch pak di  tỉnh Siem Reap (Xiêm Rệp), Tây Bắc Campuchia. Ndom urang urng ngak báo jadei di lễ mboh tangin, Akaok mentri rivang ma-in Campuchia Thong Khon (Thông Khôn) brei thau bruk padang ngak học viện piah  patagok dom pren khang gah du lịch piah grap tanat bruk cakrok patagok siam mekre, khang kajap, chất lượng ka gah công nghiệp oh hu thak di negar ini.

# Dalam mblang bein baha Khánh An, di tỉnh U-đon Tha-ni (Udon Thani), Đông Bắc Thái Lan, mikva Việt kiều hu peih ngak praong Đại lễ cầu siêu ka dom anh hùng liệt sỹ ndih trun kayua Tổ quốc saong bhapbini metai. Dalam bruk trang nghiêm di var lễ, mikva bhapbini Việt kiều gam saong gauk hadar veik dom trang sử oanh liệt di bangsa, dom greih camin kayua taneh ia var rup drei, ndih trun ka bruk khik caga, khik biên cương saong tasik pulao di palei negar.