# Thủ tướng Nguyễn Xuân Phúc bahrau mbaoh tangin brei ngak danak dak pren yava  Việt Nam  piah padang labik daong, patagok pren khang ka yaok bhap bini, peih ngak siam bruk khik ramik, iek glang pren yava tong abih gah piah paglong pren yava, thaik thaot, umo thun song chất lượng rai duik di urang  Việt Nam.  Danak dak hu peih tabiak ngak dalam negar meng thun  2018 - 2030. 

# Dom sang mạng Viettel, Vinaphone, MobiFone saong  Vietnamobile brei thau, hu halan hatian peih bruk salih mạng khik tamo số. Kuhria caga puac bilan 11 thun ini, dom sang mạng meda peih ngak. Tui Thứ trưởng mintri Thông tin -Truyền thông  Phạm Hồng Hải, bruk salih mạng khik tamo số lac sarak bắt buộc piah jhul khang pariak gauk, pagalong năng lực pariak gauk di dom doanh nghiep viễn thông saong khik caga quyền lợi di urang pandar dịch vụ.

#Di Hà Nội, Rayo sap ndom Việt Nam bahrau yaih khan boh tapuk “Phan Quang-90 thun umo, 70 thun bruk ngak”. Boh tapuk hu  99 kadha vak, hu  PGS.TS Nguyễn Thị Trường Giang - Trưởng khoa rayo papar binguk , Học viện Báo chí song Tuyên truyền palih ruah meng biak rilo kadha vak ka urang vak   lão thành Phan Quang. Bruk yaih khan boh tapuk piah pok meyaom dom rik dong di nhà báo Phan Quang dalam bruk patagok  báo chí cách mạng Việt Nam. 

# Thun bac 2018 – 2019, gah pato megru tỉnh Hậu Giang daok kurang jaik 1.500 gru pato, nhân viên dom pakat bac meng mầm non tal trung học phổ thông. Dalam nan, gru pato, nhân viên di pakat mầm non, tiểu học kurang trak. Makna ba tal buk ini lac kayua tukvak jaiuk ini dom uranaih tal thun nao bac mam non, mẫu giáo tagok glaong min số biên chế viên chức oh tagok. Biên chế di gah pato megru pambak tame số anek saih, tan bac, sang bac, tuk hu trun tagok ka số lượng anek saih, tan bac tagok, trun yaok thun ba tal bruk kurang praong ngak kan kandah tal bruk ba salih gru pato.

# Meng ni tal bilan 11 thun 2018, urang ruak  viêm gan C thể tiến triển (tuk  vak  virus dok  tấn công di  gan) mai iek ruak di Phòng khám Nội tiêu hóa, sang iek ruak Đa khoa ban  Cần Thơ hu patrun jien  iek ruak tui  phác đồ điều trị bahrau . Ni lac danak dak di Dự án “Dong brei, iek glang song iek ruak ka urang ruak  viêm gan virus C” kayua sang iek ruak  Bệnh nhiệt đới Trung ương pambuak bruk song kapul Sáng kiếntiếp cận  y tế Clinton. Tui nan, hu 200 urang ruak  viêm gan C di ban  Cần Thơ song dom  tỉnh dalam bhum mai sang iek ruak  Đa khoa ban Cần Thơ iek ruak dalam tuk vak ni meda hu brei saoh jru Dalastavir  song hu patrun 60% yaom jien jru  Soforbuvir- 2 janih jru prong dalam phác đồ bahrau iek ruak  viêm gan virus C urak ni.

Khaw tin dunya

# Tòa án tối cao di Ấn Độ barau yah klak hukum rai thuộc địa hình sự hóa quan hệ đồng tính. Phán quyết ini salih labaih 150 thun hukum caga giới tính ka klau hu đồng tính kumei, likei, lưỡng tính saong salih giới tính – ieu katut lac LGBT). Tui mục 377, hukum hu áp đặt di tukvak cai trị di Anh taong phạt dom mbang quan hệ đồng tính. Tui nan, tanut glaong di abih lac guk chung thân.

# Labaih  1,4 tỷ menuac trưởng thành di dunya mbuan si njauk dom  ruak tim mạch, meik saradang song ung thư kayua takik  vận động rup pabhap . Ni lac bruk duah mboh tapa roh duah bahrau ni hu gah Y tế dunya  (WHO) khan di angaok  tạp chí The Lancet Global Health. Tui  WHO, yaok urang trưởng thành brei hu takik di abih  150 minite vận động yaok adit  (kabak samar, caluai ia  atau juak radeih lavik  atau  75 minite vận động khang yau nduac atau hu mboak dalam dom janih  thể thao đồng đội.

#  Facebook brei thau meda buh tame labaih 1 tỷ USD piah padang ngak pasak dữ liệu di Singapore. Ini meda lac pasak dữ liệu akaok meti di Facebook daok di châu Á saong lac pasak ka 15 di công ty ini di dunya. Pasak ini meda nduac năng lượng tái tạo saong hu thiết kế thích nghi saong lingik nhiệt đới. Phó Chủ tịch dom pasak dữ liệu cơ sở hạ tầng Facebook Thomas Furlong brei thau pasak ini tui kuhria tame ngak bruk di thun 2022./.