# Bruk Mentri pajeng ba pachreih tui panuac caong di Ủy ban bhap bani tỉnh Lào Cai  padang Cảng hàng không Sa Pa ngan haong yaom jien abih tih jaik 5.800 tỷ đồng daok ngak ka mikva sangka. Ralo chuyên gia ndom lac, hatai caong khin padang ngak cảng hàng không, mblang kapal haok piah cakrok patagok puk palei nan lac bruk njauk ngak, yau nan min piah bruk ngak ini ba mai ralo jak jeng siam mekre njauk taong yaom ka nyu tani tanat, abih di nyu lac dalam tuk tamuh ralo mblang kapal haok yau urak ini.

 #Piah khik catang chất lượng pato pakai gah gru pato, thun ini, mbang akaok meti Bộ GD-ĐT brei thau điểm taduan mek hồ sơ pilih ruah takik di abih brei ka gah sư phạm (jalan pilih ruah kết quả pakacah pakat ĐH lac 17 saong pakat CĐ lac 15). Mintri jeng cakak trun khang chỉ tiêu pato pakai gah ini dalam taneh ia.  Min tamat mbang 1 tuyển sinh, rilo sang bac ĐH, CĐ pilih ruah oh ginup thí sinh tame dom gah sư phạm . Lanyah ka bruk ini, lambaok dom sang bac Đại học brei thau, gam saong huac lac oh hu bruk ngak di urang bac ye bruk quy định điểm “sàn” karei ka dom gah sư phạm  dalam thun ini, lac makna ngak ka dom sang bac kan pilih ruah hu menuac bac. Rilo sang bac sư phạm dom tỉnh ban dalam thun 2017 tok mek 9 điểm 3 môn

 # Dom thun jaik di ini, labik mblang tasik Mũi Né (TP.Phan Thiết, Bình Thuận) bak hareik hareim, gaok tuk mai tuai damuai duh hatai klaak nao saong luai pah labik ndih. Paok akaok Hiệp hội du lịch Bình Thuận, ong Trần Văn Bình, brei thau thun ini hareik oh njauk lac mai meng labik daok, bo daok hu “hareik mai meng tasik”. Hareik tasik lac dom halam taik tahak di langiu tasik, hu aia ba taseik tame ar. Dalam tuk nan, taong abih labik  Mũi Né oh ka hu sa sang mac xử lý hareik halei, atau labik pataom mek hareik ngak kan kandah tuk pataom mek hareik tasik. Dom labik ngak du lịch njauk pah radaih pajeng nao klak di labik atah yaok pluh km, abih rilo jien padai.

# Công ty jalan pasei Sài Gòn di Tổng Cty jalan pasei Việt Nam hu khan brei thau harei melam radaih nduac saong bruk trun yaom harak hadei di bilan Hè 2018 saong tuk lễ 2/9. Tui nan, yaom harak hadei di bilan Hè 2018 (meng harei 13-29/8) trun meng 10-30% dut saong yaom harak Hè 2018. Daok tuk lễ 2/9, yaom harak dom radaih pui peih thêm nao mai jalan Sài Gòn-Nha Trang hu trun meng 10-20% dut saong dom radaih pui karei nduac jalan nan. 

 # Sang iek ruak đa khoa khu vực Long Khánh – Đồng Nai hu gây mê piah mek dị vật lac 1 bình sữa glaong 15cm, đường kính 4cm tapa gilaong tok di urang ruak Nguyễn Hữu T. Manuac dalam sang urang ruak brei thau, ong T. njauk ruak thoái hóa cột sống meng lavik mai, bhian pandik ka-ing. Pang dom urang randap iek ruak tui  mẹo nan lac pandar bình sữa pandiak brei tame gilaong tok ye meda abih ruak nan ye ong ngak tui. Bruk ini meyah oh samar mek  tabiak truh prauc, urang ruak meda njauk gar pruac saong bruk pruac taha. Bác sỹ kakei lac, tuk njauk thoái hóa cột sống, urang ruak  njauk nao tak dom labik y tế piah hu dom bác sỹ iek ruak ka nyu njauk, juai ngak tui panuac urang tacei..

Khaw tin dunya 

# Bộ Du lịch Cuba bahrau brei thau, du lịch di taneh ia ini tgaok khng yaom lac hu bruk kateik greik di Mỹ.Tui mintri ini, dom tuai dunya maong Cuba lac labik nao tal siam mekre, salamat saong chreih chrai. Tui nan, dalam thun ini, hu 3 triệu tuai nao tal Cuba du lịch. Tuai negar lingiu nao tal  Cuba rilo meng lac dom taneh ia Ca-na-đa, Pháp, Đức, Anh, Nga, Tây Ban Nha, Mê-hi-cô, Ác-hen-ti-na saong Chi-lê. Rajaei Cuba daok kuhria padang ngak gac 9 ribaiu phòng khách sạn di thun 2019 piah pabak ka tuai negar lingiu.

 # 17 menuac metai hu duah mboh dalam 2 baoh kabo praong bí mật di Ha-lít-cô (Jalisco), bang miền Tây Mê-hi-cô (Mexico). Ini jeng lac labik di kol băng đảng ma túy daneiy angan Niu Gien-nơ-rây-xần (New Generation). Harei 9/8, Tổng chưởng lý bang Ha-lít-cô Ra-un Xan-chét Hi-mê-nét (Raul Sanchez Jimenez) bre thau, dom jabat chức năng daok duah thauangan dom urang metai hu duah mboh di 2 labik dalam bal Goa-đơ-la-ha-ra (Guadalajara) saong ba thủ phạm tabiak anak công lý.

#Lingik pandiak di Hàn Quốc ngak brei takik di abih 42 urang metai. Ini lac menuac metai rilo di abih kuhria meng tuk Hàn Quốc hu menuac metai kayua lingik pandiak meng di thun 2011. Labaih 3.400 menuac njauk tame sang iek ruak kayua mebuk pandiak kuhria meng puac bilan 5. Dom urang metai rilo meng lac urang taha praong thun saong urang kan kathaot oh hu mac điều hòa. Lingik pandiak di Hàn Quốc meng bilan 7 thun ini. Dalam bilan 7 saong bilan 8, rajaei Hàn Quốc brei trun yaom jien điện piah pachreih bhap bini pandar mac điều hòa./.