# Harei 13/8, Mintri Ngoại giao peih nyaom biai Ngoại giao mbang ka 30 ngan saong kadha “Ngoại giao Việt Nam: Chủ động, sáng tạo, kein laba peih ngak jayah Sarak di nyom roya Đảng mbang ka XII”. Hu mbaok dalam nyaom biai, hu dom urang dalam Bộ Chính trị, lac: Tổng Bí thư Nguyễn Phú Trọng, akaok negar ong Trần Đại Quang; Thủ tướng Rajaei ong Nguyễn Xuân Phúc, akaok Quốc hội amuk Nguyễn Thị Kim Ngân. Brei panuac peih nyom biai, Ủy viên Bộ Chính trị, Phó Thủ tướng, akaok mintri Ngoại giao Phạm Bình Minh ndom lac, nyom biai mbang ini lac tuk pasang iek veik kreh mbang bruk peih ngak jalan đối ngoại di nyom roya Đảng mbang ka XII, pamaong tal peih ngak jayak Sarak di nyom roya Đảng mbang XII saong jalan cakrok patagok kinh tế - xã hội meng thun 2016-2020.

# Dalam mbang tangi sua di Ủy ban Thường vụ Quốc hội di mesup harei 13/8, amuk Đinh Thị Phương Lan (urang QH kapul Quảng Ngãi)hu ba tabiak panuac tangi sua akaok mintri pato megru Phùng Xuân Nhạ ka trách nhiệm saong jalan ngak di akaok mintri pambuak tal bruk pato megru bhum ceik? Javap jalei panuac tangi sua, Bộ trưởng GD-ĐT Phùng Xuân Nhạ brei thau, sarak pato pakai bhum ceik hu Đảng, Karjka biak caik hatai sangka, yau ye bruk brei padang ngak dahlau sang bac, labik bac, gru pato, sarak pambuak tal bruk daong gru pato, daong anek saih... Daok bruk cử tuyển, tui ong Phùng Xuân Nhạ, tukvak dahlau tagok glaong, ba hu menuac biak siam, min jaik di ini mboh yau oh siam lagaih. Tuk bac bloh mai veik oh hu bruk ngak. Brei nao bac oh ka njauk, chất lượng bac di urang jakar nao bac tui jalan ini oh ka glaong, tuk brei nao saong pandar oh lagaih haong gauk nan ye mai veik oh hu bruk ngak.

# Harei 13/8, Hội đồng jien bilan negar ginum biai mbang ka 3, patui bruk ginum biai saong njauk gauk ka yaom jien bilan tối thiểu vùng thun 2019. Tui ong Bùi Sỹ Lợi, Phó Chủ nhiệm Ủy ban dom bruk xã hội di Quốc hội, meng akaok thun 2018, bruk cakrok patagok kinh tế mboh hu siam lagaih njauk uan tabuan, GDP hu  7,38%. Min bruk ramik tagok yaom jien bilan tối thiểu daok iek tui bruk biến động di tanut cai pandar, dom kadha cakrok patagok kinh tế xã hội saong bruk cung cầu di darak pasar. Tui bruk patagok saong tanut diukra tối thiểu urak ini, ong Bùi Sỹ Lợi mboh lac, njauk ramik veik yaom jien bialn tối thiểu vùng di thun 2019 tui jalan tagok jang. Min tanut tagok jien bilan di thun 2019 tok hu ba tabiak meyah dom gah njauk gauk hu dalam mbang nyaom ka 3 ini.

# Việt Nam lac sa taneh ia hu rilo pandap kaya nong đặc sản. Tui kuhria mboh, tal urak ini kol drei hu jaik 1.000 pandap đặc sản di dom bhum palei. Kayua yau nan ye bruk bảo hộ chỉ dẫn địa lý ka dom đặc sản hu daong oh sit tal bruk paglaong yaom pandap, daong ka urang nong meda pablei hu kaya nong haong yaom glaong… Kuhria tal harei 31/7 meng bloh, Cục sở hữu trí tuệ hu bảo hộ ka 62 chỉ dẫn địa lý dalam negar saong 6 chỉ dẫn địa lý taneh ia lingiu. Urak ini, hu 37 tỉnh, thành hu chỉ dẫn địa lý hu bảo hộ.

# Panuac meng UBND tỉnh Bình Phước brei thau, akaok UBND tỉnh Nguyễn Văn Trăm bahrau mbaoh tangin tame harak văn bản ka 2252 brei bruk thanh tra đột xuất bruk daong urang pala pa-ok blait njauk halak mbang, thun pala 2016-2017. Tui nan, UBND tỉnh jao ka thanh tra tỉnh peih bruk thanh tra đột xuất bruk daong urang pala pa-ok blait njauk halak palai pajoa , thun pala 2016-2017 dalam huyện Bù Đăng; saong hui panuac tham mưu Chủ tịch UBND tỉnh langyah catang tui adat hukum dom kapul nyom, menuac urang ngak suan ( meyah hu)

Khaw tin dunya

# Urang brei panuac di Ủy ban negar ka khik iek bala meng lingik tasik negar Cam-pu-chia (Campuchia) bahrau brei thau, dalam 3 adit meng bloh, ia ndik di kraong Mê-công (Mekong) ngak brei 15 urang metai, yaok ribau sang njauk pandaun nao labik glaong jang piah daok. Tui Ủy ban negar ka khik iek bala meng lingik tasik negar Cam-pu-chia, dalam tukvak meng bilan 7 tal bilan 10, taneh ia ini bhian hu ia ndik, ia sua ngak khat lihik trak, dalam nan, thun 2011, taneh ia dalam bhum Đông Nam Á ini njuauk khat lihik trak di abih, tuk hu tal 250 menuac metai kayua ia ndik.

# Karja Đài Loan (Trung Quốc) brei thau, mesup harei 13/8, sa mbang khuah khang rah tabiak di sa sang iek ruak di ban Đài Bắc, ngak khat lihik trak. Tui kuhria mboh, pui nyu khuah tabiak meng sa duk iek ruak daok di 7 di sang iek ruak. Tuk vak khuah, hu abih tih 32 urang ruak daok di tầng ini. Gah padam pui duah mboh 16 urang dalam pui khuah. Dom urang nan hu samar ba nao tal sang iek ruak saong 3 urang dalam dom urang nan mboh daok siam veik./.

# Gah quan hàng không vũ trụ Mỹ (NASA) bahrau brei thau, sruh kapal haoh duah thau Ia Harei Pắc-cờ (Parker) hu cuh tagok meng mbang Phơ-lo-ri-đa (Florida) ba tui bruk khik caga baoh taneh tapa bruk duah thau dom hagait oh ka thau ka Ia harei. Baoh kapal haoh Pắc-cờ di NASA lac tàu vũ trụ akaok meti dalam sajarah nao jaik abih tal pasak di hệ Mặt Trời. Bruk daok pamaong ngak di mbang ini lac duah thau dom bí mật ka vành nhật hoa, khí quyển gah lingiu abih di ia harei, labik hu nhiệt độ biak galong saong lac labik tán xạ bức xạ điện từ, ba tal ribuk ia harei, ngak brei tê liệt jalan điện angaok baoh taneh./.