# Ủy ban Trung ương Mặt trận negar Việt Nam bahrau tabiak bruk dong  ka dom boh sang njauk khat lihik kayua hajan, ia sua rah tabiak di 9 tỉnh bhum ceik gah brak. Tui nan, Akaok Ủy ban Trung ương Mặt trận negar Việt Nam Trần Thanh Mẫn hu mbaoh tangin tame harak brei buh tabiak meng kadung jien dong di  Trung ương yaom jien  1,3 tỷ đồng payua ka Ủy ban Mặt trận negar Việt Nam 9 tỉnh bhum ceik gah brak. Yaom jien ni piah dong ka dom boh sang hu urang metai, lihik  5 triệu đồng/ urang, njauk rambuac trak  3 triệu đồng/urang song ; dom boh sang glut jaleih abih, boh sang ia ba seik kayua hajan ia sua.

# Ban Đà Nẵng barau alin dom baoh sang sarak karja di tỉnh Quảng Nam 70 baoh sang anit ranam, yaom 4,2 tỷ đồng tuk pahadar 70 thun harei thương binh liệt sỹ 27/7. Urak ini, tỉnh Quảng Nam hu jaik 1.000 amaik VN anh hùng daok diuk saong labaih 30.000 thương binh, bệnh binh. Puk palei pataom yaok nguồn lực piah ngak siam bruk bayar dhar phon, iek glang rai diuk ka dom uang sarak karja, taong abih dom amaik VN Anh hùng daok diuk hu dom đơn vị taduan raong. 

 # Piah pacang cakak bruk “cò du lịch”,Ủy ban bhap bini ban Đà Lạt, tỉnh Lâm Đồng hu tacei pato gah  chức năng tui iek, langyah catang . Ong Võ Ngọc Trình, Phó chủ tịch Ủy ban bhap bini ban Đà Lạt, tỉnh Lâm Đồng brei thau: “Urak ni dom jabat chức năng ban patom tame pathau khan ka 600 cơ sở mbang menyum, PAblei đặc sản, abih di nyu nan lac gah công an hu panuac kakei  labaih 170 cơ sở  sinya oh padar cò tiếp thị.”

#Di tỉnh Tiền Giang, tukvak ini, thanh long tai pandih pablei hu meng 4.000 - 5.000 đồng sa kg, tai meriah yaom 15.000 đồng sa kg, trun jaik 5 ribau đồng duk saong bilan dahlau. Baoh menaih, bilan dahlau yaom 8.000 đồng tal 9.000 đồng/kg, urak ini trun daok ala 3.000 đồng/kg. Taong abih dom janih baoh kayau dang khang karei di tỉnh Tiền Giang jeng trun yaom meng 10-20% duk saong bilan dahlau.

 # Meng akao thun tal ni , dalam negar hu labaih 45.000 urang ruak pandiak tabiak darah, dalam nan hu, 14 urang metai. Taeang di ban Hà Nội hu jiak 5000 urang. Dalam tuk bhap bini daok takik caik hatai sangka tal jit ruak ni, ye dom jabat chức năng hu pewih bruk pacang caga pandiak tabiak darah oh ka siam lagaih.

# Meng harei 3/8 tal harei 7/8/2017, di pasak ilamu, Thể thao dom bangsa bhum Đông Bắc (huyện Tiên Yên) hu peih adit ilamu, TT dom bangsa bhum Đông Bắc ngan saong kadha “Tiên Yên – labik pambuak ilamu dom bangsa bhum Đông Bắc Quảng Ninh”. Tui nan, adit ilamu, TT hu dom bruk ngak lac: nyaom darak parang iek yaihkhan, pablei pandap VN chất lượng glaong; pakacah gaiy angaok kraong Tiên Yên; pakacah dom janih thể thao bangsa saong me-in dom kadha meng kan di bhap bini.

Patui di ini dom khau tin dunya:

# Tui giáo sư Đa-vít A-mor di Viện ruah duah uranaih Mơ-đốc, tapa ruah duah hồ sơ y tế di 224 uranaih umo meng 5 tal 14 thun ndih tapui tabiak tui jalan thụ tinh nhân tạo brei mboh, meyah hu bruk iek glang, pakai yau gauk ye bruk patagok rup pabhap, akaok sahneng di dom “adei ống nghiệm” oh hu hagait karei duk saong dom adei ndih tapui tự nhiên. 

 # Dom urang dang akaok Thượng viện Mỹ di  đảng Cộng hòa harei 13/7 hu ba tabiak sa bruk iek glang pren yava pasiam veik. Tui nan, hukum ni meda khik veik 2 janih thuế hu ba tabiak dalam danak dak iek glang pren yava lagaih song kadung jien atau dok ieu lac  Ô-ba-ma-ke (Obamacare) song hu khik veik tanut ngan song thuế khấu trừ di  công ty brei ka bảo hiểm y tế.

#Tổng thống Prang Ê-ma-nuy-en Ma-crông sanya brei patagok pandar cai  quốc phòng di atneh ia ini meng thun 2018 piah mek hu 2% abih tih  pandap quốc nội (GDP) tal thun 2025, yaom lac hu dom bruk cakak trun kadung jien karja./.